Alta Cloete's Blog: www.altacloete.wordpress.com, page 14
August 5, 2020
100 dae van inperking: Dalene
[image error]
Ouderdom: 53
Beroep: huisvrou
Huwelikstatus:getroud
Alleen? Wie saam met jou? (Name is nie nodig nie.) Man en 3 hondekinders
In watter opsig(te) beskou jy jou situasie tydens inperking as uniek of besonder uitdagend?Die inperking is uitdagend vir my, want dis nie lekker om nie sekere goed te mag koop nie. Dit voel of die regering ons soos kinders behandel. My man is n roker, skielik moet hy net so in n vinger klap ophou. Dis baie moeilik vir iemand wat al oor die 30 jaar rook. Hy koop nou ten duurste skelm sigarette. Geld wat vir iets soos bv huis kon gaan.
Hoe het jy gevoel toe die noodtoestand afgekondig is? Dit was snaaks aan die begin maar toe dit langer word het ek begin bekommerd raak.
Hoe het jy gevoel toe algehele inperking (vlak 5)afgekondig is? Bekomerd oor ons besigheid wat stilstaan, no work no pay.
Hoe het jy die drie dae direk voor inperking deurgebring? Ek het genoeg kos gekoop, brode gevries want mens weet nie wat voorle nie.
Hoe het jou lewe met inperking op vlak 5 verander Ek het geleer om te waardeer wat ek het.
Wat was die moeilikste tydens vlak 5? Hoe gaan ons ons huis en munisipaliteit rekening betaal.
Wat is vir jou positief tydens vlak 5? Ek het n dak oor my kop, warm bed en kos.
Hoe het die mense gevaar wat saam met jou ingeperk was? My man het dit moeilik gevind met dat hy nie sigarette kon kry nie. Dit het n inpak op ons verhouding gemaak.
Hoe het jy die verlenging van vlak 5 ervaar? Urgh regtig, weet ons regering wat hulle doen.
Wat het jy die meeste gemis op vlak 5? My kinders
Hoe het die verandering na vlak 4 jou geraak? Nie veel nie.
Waaroor was jy bly met die verlaging na vlak 4? Niks het vir my verander nie.
Waaroor was jy kwaad met die verlaging na vlak 4? Ek was kwaad vir regering en is nog steeds. Ons is nie hulle kinders nie.
Is jy iemand wat voor inperking gereeld geoefen het? Nee maar het met honde gestap
Het jy tydens vlak 5 geoefen? Nee
Hoe het jy die drie ure oefentyd op vlak 4 ervaar? Dit was simpel, want hoe kan so n klomp mense skielik op straat wees in kort tyd. Dis dan al donker so vroeg in oggend in Kaapprovinsie.
Hoe het die verlaging na vlak 3 jou geraak? Ek was dankbaar.
Waaroor was jy bly toe vlak 3 aanbreek? My man doen maintanace so hy kon weer gaan werk.
Waaroor was jy kwaad toe vlak 3 aanbreek? Dat ons nog soos kinders deur regering behandel word.
Hoe vaar jy op hierdie stadium (na 100 dae) oor die algemeen emosioneel? Ek was en is by tye baie hartseer. Soms bars ek net in trane uit en weet nie hoekom nie. Ek en my man het ook baie keer onnodig baklei.
Is jy finansieel erg geraak? Ja ons is, moes uit ons spaarfonds begin geld gebruik.
Wat is nou vir jou die moeilikste? Dit was moeilik om vir ons werkers te sê ons het nie geld vir hulle nie en hulle het bly sê hulle is honger.
Wat kan jy uit die ervaring haal wat positief is? Ek het weereens besef hoe wondelik God is. Ten spyte van alles het Hy my gedra en doen steeds.
Bly jy op datum met die Covid 19-situasie in SA? Soms
Deur watter medium? Netwerk24. Hoe gereeld kyk/luister jy na nuus oor Covid 19? Kyk glad nie, lees net as dit op Netwerk24 . Anders glad nie.
Hoe beïnvloed die voortdurende nuus oor die virus jou emosioneel? Emosioneel en soms wonder ek of alles waar is. Soos die getalle van sterftes.
Bly jy op hoogte van die oorsese situasie? Glad nie.
Is daar spesifieke lande waarin jy belangstel? Nee
Hoekom? Dit wat in my land gebeur is klaar erg en emosioneel.
Hoe beïnvloed die stygende sterftesyfer in SA jou? Ek weet nie, want is die getalle wat aan ons voorgelê word waar?
Wat sou jy anders doen as jy nou die ervaring van vooraf kon begin? Minder stres
Wat sal jy presies dieselfde doen as jy van vooraf kon begin? Rustig aangaan met dagtake
Ken jy iemand wat Covid 19 opgedoen en herstel het? Ja, my vriendin met erge asma het gesond geword.
Het iemand na aan jou al aan Covid 19 gesterf? Nee
August 3, 2020
100 dae van inperking: Carla van der Spuy
[image error]
Ouderdom: 69
Beroep: Vryskutjoernalis/skrywer
Huwelikstatus: Getroud
Waar woon jy? Hartbeespoort. Die afgelope maande in Centurion om na iemand wat kanker het om te sien.
Alleen? Wie saam met jou? (Name is nie nodig nie.)
My man as ek in HBP is en ‘n familievriend as ek in Centurion is.
In watter opsig(te) beskou jy jou situasie tydens inperking as uniek of besonder uitdagend?
Tydskrifte wat my brood en botter is, het gevou en ek moes kreatief dink en uit my “comfort zone” kom in ‘n beroep wat reeds geldelik nie lonend was nie.
Hoe het jy gevoel toe die noodtoestand afgekondig is?
Geskok. Toe volg ontkenning en uiteindelik aanvaarding.
Hoe het jy gevoel toe algehele inperking (vlak 5)afgekondig is?
Uiters gespanne. Neuroties ten opsigte van “sanitizing.” Almal wat naby my gekom het is deur die “beesdip”.
Hoe het jy die drie dae direk voor inperking deurgebring?”
In isolasie. Ek wou geen kanse waag nie..
Hoe het jou lewe met inperking op vlak 5 verander?
Dit het nie veel verander nie want ek werk al jare van die huis af.
Wat was die moeilikste tydens vlak 5?
Om nie my nuwe kleindogter te kan besoek nie. En ek het my 3-jarige kleinkind verskriklik gemis. Ook het ‘n geborgde droomvakansie na ‘n Griekse eiland deur die mat geval.
Wat is vir jou positief tydens vlak 5?
Mens het meer kontak per whatsapp met vriende gehou. ‘n Baie bedrywiger aanlyn sosiale lewe as voorheen.
Hoe het die mense gevaar wat saam met jou ingeperk was?
Een was uiters gefrustreerd met die tuisblyery en die ander een het dit net aanvaar.
Hoe het jy die verlenging van vlak 5 ervaar?
Ek het dit eintlik verwag maar dit sou beter gewerk het met wyn.
Wat het jy die meeste gemis op vlak 5?
My gim. My water aerobiese klasse. My kleinkinders. Drukkies van my vriende. Om siek vriende in ander provinsies te gaan ondersteun omdat daar geen vlugte was nie.
Hoe het die verandering na vlak 4 jou geraak?
Dit het my beter laat voel. Asof vryheid darem van ver af wink.
Waaroor was jy bly met die verlaging na vlak 4?
Dat sekere ondernemings weer kon oopmaak.
Waaroor was jy kwaad met die verlaging na vlak 4?
Die vou van al die publikasies.
Is jy iemand wat voor inperking gereeld geoefen het?
Ja.
Het jy tydens vlak 5 geoefen?
Ja.
Hoe het jy dit gedoen?
Op ‘n trappertjie en met gewigte vir my arms terwyl ek na my Turkse telenovellas gekyk het.
Hoe het jy die drie ure oefentyd op vlak 4 ervaar?
Ek was verontwaardig want ek is ‘n naguil en loop nie sesuur die oggend rond nie.
Hoe het die verlaging na vlak 3 jou geraak?
Ek was bly want ek wil gaan stap wanneer ek wil.
Waaroor was jy bly toe vlak 3 aanbreek?
Oor die wyn. Maar na al die maande van onthouding gee dit my skielik sinusitis.
Waaroor was jy kwaad toe vlak 3 aanbreek?
Ek is nie meer kwaad nie. Daar is seker erger dinge soos om in ‘n tronksel te sit.
Hoe vaar jy op hierdie stadium (na 100 dae) oor die algemeen emosioneel?
Heel goed behalwe vir nagmerries oor skares mense sonder maskers.
Is jy finansieel erg geraak?
Ja, maar mens maak planne en werk baie harder as voorheen vir baie minder geld. Ek sal ook maar na die Covid vir SASSA aansoek doen .
Wat is nou vir jou die moeilikste?
Dat mens nie vrylik tussen provinsies kan beweeg nie.
Wat kan jy uit die ervaring haal wat positief is?
Mens begin kreatief te dink.
Bly jy op datum met die Covid 19-situasie in SA?
Ja.
Deur watter medium? Hoe gereeld kyk/luister jy na nuus oor Covid 19?
Daagliks dmv whatsapp en aanlynnuus.
Hoe beïnvloed die voortdurende nuus oor die virus jou emosioneel?
Mens se emosies wissel. Onsteld as mense sterf, maar skep dan weer hoop as jy sien hoeveel gesond geword het. Ek vertel myself Afrikamense is taai.
Bly jy op hoogte van die oorsese situasie?
Ja.
Is daar spesifieke lande waarin jy belangstel?
Brittanje en Nederland.
Hoekom?
Ek het familie daar.
Hoe beïnvloed die stygende sterftesyfer in SA jou?
Dit ontstel my maar dit is bemoedigend dat dit laer blyk te wees as elders en oor ‘n maand of twee is dit somer en die virus hou van koue.
Wat sou jy anders doen as jy nou die ervaring van vooraf kon begin?
Niks.
Wat sal jy presies dieselfde doen as jy van vooraf kon begin?
Ek sou maar weer net so wetsgehoorsaam wees as voorheen maar dalk nie almal van kop tot tone bespuit het nie.
Ken jy iemand wat Covid 19 opgedoen en herstel het?
Ja.
Het iemand na aan jou al aan Covid 19 gesterf?
Nee.
August 1, 2020
100 dae van inperking: Kate Zaayman
Ouderdom: 49
Beroep: Werwingskonsultant
Huwelikstatus: Getroud
Waar woon jy? In die Vrystaat.
Alleen? Wie saam met jou? (Name is nie nodig nie.) Man en 2 kinders.
In watter opsig(te) beskou jy jou situasie tydens inperking as uniek of besonder uitdagend?
My man kan nie stilsit nie. Hy is ‘n vreeslike ekstrovert wat heeltyd tussen mense wil wees. Dit werk op my senuwees as hy so rusteloos is. En die ekonomie is ‘n groot bron van kommer vir almal. Ons het baie vriende en familielede wat gedurende hierdie tyd hulle inkomste verloor het.
Hoe het jy gevoel toe die noodtoestand afgekondig is?
Ek was heel oukei, maar my man was dadelik gespanne. Sy gemoedstoestand plaas weer spanning op my.
Hoe het jy gevoel toe algehele inperking (vlak 5)afgekondig is?
Bekommerd oor vriende/familie en ons eie finansies en die algehele impak op die ekonomie, maar andersins was ek oukei.
Hoe het jy die drie dae direk voor inperking deurgebring?
Ek het ons werknemers wat nie oor hulle eie vervoer beskik nie, winkel toe geneem om hulle maandeinde voorraad te gaan koop. Ek het ‘n laaste vinnige kuier of twee ingewerk en verder het ek gewerk.
Hoe het jou lewe met inperking op vlak 5 verander?
Ek moes my kinders met aanlynskoolwerk help en dit was regtig nie maklik nie. My een kind werk wanneer hy by die skool is omdat almal om hom doen ook skoolwerk, maar tuis het dit vir hom gevoel asof hy die enigste een is wat skoolwerk moet doen.
Wat was die moeilikste tydens vlak 5?
Om te hoor hoe mense finansieel en andersins sukkel.
Wat is vir jou positief tydens vlak 5?
Ek het verskriklik baie werk gedoen gekry, want ek het nie nodig gehad om skool toe te ry, ens. nie.
Hoe het die mense gevaar wat saam met jou ingeperk was?
My kinders wou maats hê, maar was nog oukei. My man was baie rusteloos.
Hoe het jy die verlenging van vlak 5 ervaar?
Ek was vies daaroor, weens die spanning waaronder mense gebuk gegaan het. Daar is regtig mense wat hulle totale inkomste verloor het en dis baie erg.
Wat het jy die meeste gemis op vlak 5?
Ek was oukei op vlak 5, maar vanaf vlak 4 het ek vriende regtig begin mis. En die fantastiese onderwysers by die kinders se skool.
Hoe het die verandering na vlak 4 jou geraak?
Ek was dankbaar, want so ‘n polisiestaat voel na ‘n bedreiging.
Waaroor was jy bly met die verlaging na vlak 4?
My man (en ander vriende) kon weer besigheid doen.
Waaroor was jy kwaad met die verlaging na vlak 4?
Dat dit nog nie vlak 3 was nie en dat ander lande dit op die oog af makliker gehad het en beter beheer het.
Is jy iemand wat voor inperking gereeld geoefen het?
Ek het slegs op ons plaas gestap en ek het ‘n stilstaande fiets.
Het jy tydens vlak 5 geoefen?
Ja, ek het gestap.
Hoe het jy dit gedoen?
Ek woon op ‘n plaas en kon stap. Ek was dus nie slegs tot my woning beperk nie.
Hoe het jy die drie ure oefentyd op vlak 4 ervaar?
Geen impak.
Hoe het die verlaging na vlak 3 jou geraak?
Ek het vir die eerste keer winkel toe gegaan. Ek kan eintlik redelik lank op my eie funksioneer. Al is ek mal oor mense, is ek nie so afhanklik van tussen mense wees soos my man nie.
Waaroor was jy bly toe vlak 3 aanbreek?
Die groter vryheid en meer mense wat kon terugkeer werk toe.
Waaroor was jy kwaad toe vlak 3 aanbreek?
Die ekonomie en hoe die politici dinge hanteer.
Hoe vaar jy op hierdie stadium (na 100 dae) oor die algemeen emosioneel?
Ek is oukei, maar soos genoem is my man nie en dit veroorsaak vir my spanning.
Is jy finansieel erg geraak?
Darem nie te erg nie.
Wat is nou vir jou die moeilikste?
Om met my man se rusteloosheid en my kinders se skoolwerk genoeg tyd te kry om my eie werk te doen.
Wat kan jy uit die ervaring haal wat positief is?
Ek kan onder moeilike omstandighede fokus en die beste maak van ‘n slegte saak, weet ek.
Bly jy op datum met die Covid 19-situasie in SA?
Ek het, maar ek kyk nie tans meer elke dag na die stats nie.
Deur watter medium? Hoe gereeld kyk/luister jy na nuus oor Covid 19?
Ek lees slegs nuus aanlyn.
Hoe beïnvloed die voortdurende nuus oor die virus jou emosioneel?
Dit maak mens bang, maar ek wil ook weet wat gebeur. Terselfdertyd is ek vasberade om heel aan die ander kant uit te kom, want ons het twee minderjarige kinders.
Bly jy op hoogte van die oorsese situasie?
So min of meer, ja. Ek is eintlik so besig dat ek nie altyd tyd het om gereeld na die nuus te kyk nie.
Is daar spesifieke lande waarin jy belangstel?
Europese lande. Swede, Duitsland, ens.
Hoekom?
Want hulle het minder drama met lockdown. Dit lyk asof hulle probeer doen wat die beste is vir die algehele bevolking.
Hoe beïnvloed die stygende sterftesyfer in SA jou?
Ek probeer om nie te veel daaraan te dink nie. Dis onvermydelik, al is dit sleg.
Wat sou jy anders doen as jy nou die ervaring van vooraf kon begin?
Niks nie. Ek het baie hard gewerk en hoop dit werp vrugte af.
Wat sal jy presies dieselfde doen as jy van vooraf kon begin?
Net so hard werk as vantevore.
Ken jy iemand wat Covid 19 opgedoen en herstel het?
Nie persoonlik nie, maar ek weet van vriende van vriende, ja.
Het iemand na aan jou al aan Covid 19 gesterf?
Nee.
July 30, 2020
100 dae van inperking: Carel Muller
[image error]
Naam: Carel Muller
Skuilnaam as jy dit verkies: –
Ouderdom: 69
Beroep: Afgetrede melkbeesnavorser
Huwelikstatus: Getroud
Waar woon jy? Somerset-Wes
Alleen? Wie saam met jou? (Name is nie nodig nie.) Met die vrou
In watter opsig(te) beskou jy jou situasie tydens inperking as uniek of besonder uitdagend? Mis rondry en besoek van familie en vriende.
Hoe het jy gevoel toe die noodtoestand afgekondig is? Het gewonder hoe dit sou werk, dus: seker onseker? Om in die tuin te moes draf was ‘n pyn, maar later daaraan gewoond geraak, met die eerste oop maak, het ek eintlik die stilte van die tuin gemis. As getredene hoef ek nie na ‘n werksplek te gaan nie, ek was reeds gewoond om by die huis te werk.
Hoe het jy gevoel toe algehele inperking (vlak 5)afgekondig is? Onseker, maar redelik gelate aanvaaar, kon die noodsaaklikheid daarvan insien.
Hoe het jy die drie dae direk voor inperking deurgebring? Soos gewoonlik, ek het net die laaste middag P&P besoek om die gevoel van die oomblik te ervaar, ook om wynvoorrade aan te vul. Die winkel was baie besig, mense nogal geduldig met hul maskers op. Die min (wyn)voorrade was nogal skrikwekkend, ek moes maar vat wat beskikbaar was. Het besef die winkelrakke kán leeg raak sodat die winkel soos ‘n Zim supermark lyk.
Hoe het jou lewe met inperking op vlak 5 verander? Nee, nie veel nie, het net my daaglikse stap of run gemis.
Wat was die moeilikste tydens vlak 5? Om vryelik uit te kon gaan, ook die gevoel toe ek die eerste keer uit die huis gaan dat ek die regulasie oortree, maar na 3 weke moes ek net P&P besoek om iets te gaan koop al was dit sommer net vir die koop en nie-noodsaaklike items.. (In die fliek Josey Wales stuur hy ‘n ou Indiaan om by ‘n tradestore te kan kyk wat nuus is, terug by die kamp vra Josey hom: “and what did you buy”. Just a piece of hard rock candy, not to eat, just to look through”). My aankope het ook so gevoel, sommer ‘n blikkie vis, dalk stop ‘n polisieman my en wil weet wat ek gekoop het, dit het effens surreal gevoel. Nooit ‘n polisieman gesien nie.
Wat is vir jou positief tydens vlak 5? Die stilte van die strate
Hoe het die mense gevaar wat saam met jou ingeperk was? Net ek en die vrou, was OK, geen probleem, ons kan besig bly, eintlik het ek hard gewerk.
Hoe het jy die verlenging van vlak 5 ervaar? Redelik pynlik, het net gehoop die staat kry sy dinge in plek
Wat het jy die meeste gemis op vlak 5? Om uit te kon gaan en vryelik rond te beweeg.
Hoe het die verandering na vlak 4 jou geraak? Verligting, kon makliker uitgaan.
Waaroor was jy bly met die verlaging na vlak 4? Ja
Waaroor was jy kwaad met die verlaging na vlak 4? Die absurde beperking om net tot 9 uur uit kon gaan, die strate was vol mense, fietse, honde en skaatsplanke.
Is jy iemand wat voor inperking gereeld geoefen het? Ja
Het jy tydens vlak 5 geoefen? Ja, in die tuin
Hoe het jy dit gedoen? ‘n Sirkelroete om die bome
Hoe het jy die drie ure oefentyd op vlak 4 ervaar? Beter as om in die tuin te draf, die skares was minder goed.
Hoe het die verlaging na vlak 3 jou geraak? Baie beter, kon nou weer redelik vryelik uitgaan en verder gaan draf.
Waaroor was jy bly toe vlak 3 aanbreek?
Waaroor was jy kwaad toe vlak 3 aanbreek? Die beperking op die ure vir wynverkope
Hoe vaar jy op hierdie stadium (na 100 dae) oor die algemeen emosioneel? Begin nou ernstig mense mis
Is jy finansieel erg geraak? Nee, glad nie. Die inperking is OK vir afgetredenes, geen werktoe gaan, maar kry nog ‘n inkomste.
Wat is nou vir jou die moeilikste? Om nie by familie te kan kuier nie, ook om rond te ry.
Wat kan jy uit die ervaring haal wat positief is? Ek sou seker nou ‘n ligte vorm van huisarres kon deurstaan, indien nodig.
Bly jy op datum met die Covid 19-situasie in SA? Net wat op die nuus is, dit is nogal hartseer om te sien hoe sommige mense sukkel om ‘n vorm van lewe te handhaaf.
Deur watter medium? Hoe gereeld kyk/luister jy na nuus oor Covid 19? Net TVV-nuus en die daaglikse koerant
Hoe beïnvloed die voortdurende nuus oor die virus jou emosioneel? Nogal uitputtend om te sien dat toestande nie verbeter nie,
Bly jy op hoogte van die oorsese situasie? Kyk hoofsaaklik CNN, hulle berig breedvoerig oor die situasie in die VSA.
Is daar spesifieke lande waarin jy belangstel? Net wat op CNN gewys word.
Hoekom? Dit raak te uitputtend om te sien hoe mense in ander lande ook vaskeer word, het op ‘n stadium die sterftekoers in die VSA uitgewerk as ‘n persentasie van die totale sterfesyfer, maar doen dit nie meer nie, dit maak ‘n mens net neerslagtig.
Hoe beïnvloed die stygende sterftesyfer in SA jou? Neerslagtig
Wat sou jy anders doen as jy nou die ervaring van vooraf kon begin? Vroeër gaan wyn koop het, ek moes my voorraad voor die oopmaak van verkope rantsoeneer (ha-ha).
Wat sal jy presies dieselfde doen as jy van vooraf kon begin?
Ken jy iemand wat Covid 19 opgedoen en herstel het? Nee
Het iemand na aan jou al aan Covid 19 gesterf? Nee
July 28, 2020
100 dae van inperking: Bets Smith
[image error]
Naam: Bets Smith
Skuilnaam as jy dit verkies:
Ouderdom: 65
Beroep: Skrywer (afgetrede onderwyser J)
Huwelikstatus: Getroud
Waar woon jy? Reebok, Suidkaap
Alleen? Wie saam met jou? (Name is nie nodig nie.):
My anderhelfte (letterlik en figuurlik 
July 27, 2020
100 dae van inperking: Anne-Marie Taylor
[image error]
Left: Security guards stand at the entrance of a camp that houses homeless people in Standfontein, Cape Town, during the coronavirus lockdown. Right: Homeless people receive food at the camp. Many worry that overcrowding puts them at risk of catching the virus.
Skuilnaam as jy dit verkies:
Ouderdom: 59
Beroep: Retrenched en op soek na ander werk
Huwelikstatus: Geskei
Waar woon jy? Stellenbosch
Alleen? Wie saam met jou? (Name is nie nodig nie.) Ek deel ‘n huis met ‘n ander dame, wat ‘n kollega van my was by my vorige werk
In watter opsig(te) beskou jy jou situasie tydens inperking as uniek of besonder uitdagend? Ek sukkel om te aanvaar dat ek nie my familie kan sien wanneer ek wil nie, maar dis nie uniek nie.
Hoe het jy gevoel toe die noodtoestand afgekondig is?
Onseker oor wat die toekoms gaan inhou.
Hoe het jy gevoel toe algehele inperking (vlak 5) afgekondig is? Verslae, bang, hartseer, geskok.
Hoe het jy die drie dae direk voor inperking deurgebring? Besluiteloos of ek Oos-Kaap toe moet reis na my kinders toe. Het uiteindelik daarteen besluit, maar dit was ‘n bitter moeilike besluit.
Hoe het jou lewe met inperking op vlak 5 verander? Ek het uiteindelik ingeperk gebly by my suster se huis en ons het toegang tot internet gehad, so ek was redelik okay. Ek was veilig en ons kon steeds saam winkel toe gaan en mekaar moed inpraat. Alleen sou ek dit nie kon doen nie.
Wat was die moeilikste tydens vlak 5? Om te weet ek kan nie net in my motor klim en na my kinders toe gaan nie. Niks anders was regtig moeilik nie.
Wat is vir jou positief tydens vlak 5? Baie tyd saam met my sus spandeer en dit was ‘n nuwe ervaring. Ons het saans begin huisgodsdiens hou en dit het baie vir my beteken.
Hoe het die mense gevaar wat saam met jou ingeperk was? Baie goed. My sus en haar man het steeds bly werk, maar hulle bly in ‘n golf estate en dis redelik veilig hier en beskermd.
Hoe het jy die verlenging van vlak 5 ervaar? Ek het geweet dit gaan kom, so was nie ‘n skok nie.
Wat het jy die meeste gemis op vlak 5? Om na ‘n restaurant toe te gaan en net daar te sit en ‘n koffie te drink of ietsie te eet.
Hoe het die verandering na vlak 4 jou geraak? Nie veel nie, behalwe vir meer vryheid.
Waaroor was jy bly met die verlaging na vlak 4? Vir verder vryheid van beweging
Waaroor was jy kwaad met die verlaging na vlak 4? Oor die regering se sinnelose reëls wat niks met bekamping van virus te doen gehad het nie.
Is jy iemand wat voor inperking gereeld geoefen het? Ja
Het jy tydens vlak 5 geoefen? Ja.
Hoe het jy dit gedoen? Ek en my suster het elke dag 3 km geloop binne die huis omgewing.
Hoe het jy die drie ure oefentyd op vlak 4 ervaar? Belaglike tye.
Hoe het die verlaging na vlak 3 jou geraak? Was net bly oor mense wat weer kon werk. Ekself is nie vreeslik geraak nie.
Waaroor was jy bly toe vlak 3 aanbreek? Dat ek ‘n manier kon vind om oor die provinsiale grens te reis na my kleinkind toe.
Waaroor was jy kwaad toe vlak 3 aanbreek? Dat nie meer besighede veilig toegelaat is om oop te maak nie
Hoe vaar jy op hierdie stadium (na 100 dae) oor die algemeen emosioneel? Dit wissel tussen moedeloos, positief en kwaad vir die regering wat weereens aanjaag.
Is jy finansieel erg geraak? Ja en nee. My aflegging was ek te wagte en ek het goed daarvan af gekom. Maar my planne vir werk soek en inkomste genereer, is erg in die wiele gery. Maar intussen het ek ander planne begin maak en ek is nog bevoorreg.
Wat is nou vir jou die moeilikste? Dat die toekoms steeds onseker is.
Wat kan jy uit die ervaring haal wat positief is? Dat dit my nader aan God gebring het
Bly jy op datum met die Covid 19-situasie in SA? Baie beslis
Deur watter medium? Hoe gereeld kyk/luister jy na nuus oor Covid 19? Nuus. Elke dag
Hoe beïnvloed die voortdurende nuus oor die virus jou emosioneel? Maak my depressief
Bly jy op hoogte van die oorsese situasie? In ‘n mindere mate
Is daar spesifieke lande waarin jy belangstel? Nie regtig nie
Hoekom? Die hele wêreld is tans belangrik
Hoe beïnvloed die stygende sterftesyfer in SA jou? Maak my bekommerd oor my eie familie en vriende.
Wat sou jy anders doen as jy nou die ervaring van vooraf kon begin? Niks nie
Wat sal jy presies dieselfde doen as jy van vooraf kon begin? Alles
Ken jy iemand wat Covid 19 opgedoen en herstel het? Ja
Het iemand na aan jou al aan Covid 19 gesterf? Nee
July 26, 2020
100 dae van inperking: Anoniem 2
[image error]
Left: Security guards dispense hand sanitizer to shoppers entering a mall in the suburb of Noordhoek, Cape Town. Right: shoppers select fresh fruit and vegetables.
Skuilnaam as jy dit verkies: Anoniem 2
Ouderdom: 74
Beroep: Skrywer/fotograaf/pensionaris
Huwelikstatus: Getroud
Waar woon jy? Pretoria
Alleen? Wie saam met jou? (Name is nie nodig nie.)
My man en ek woon saam.
In watter opsig(te) beskou jy jou situasie tydens inperking as uniek of besonder uitdagend?
My man is nie baie sosiaal nie. Hy voel tevrede en gelukkig om heeldag sy passies uit te leef. Hy het ook nie baie kontak met sy kinders en hulle met hom nie. Ek kuier darem ten minste een dag per week ‘n hele oggend lank met ‘n vriendin of met my dogter. Dit was/is vir my besonder moeilik om dit nie te kan doen nie
Hoe het jy gevoel toe die noodtoestand afgekondig is?
Baie bang. Dit was asof ‘n wolk oor my kop kom hang het.
Hoe het jy gevoel toe algehele inperking (vlak 5) is?
Ek onthou ek het elke oggend wakker geword en dadelik onthou van die virus en dit wat moontlik vir ons mense, ons land en die wêreld in die toekoms wag. Dit was soortgelyk aan hoe mens vir lank wakker word met die wete dat ‘n geliefde dood is. Ek was ook hartseer omdat ons pas ‘n nuwe kleinkind in Ierland ryker geword het, en ons nie weet wanneer ons hulle ooit sal sien nie. Die feit dat my man baie pragmaties is, was aan die een kant gerusstellend en aan die ander kant frustrerend. Ek sou met hom wou kon gesels oor my vrese. My grootste vrees is oor wat die toekoms vir my seun en sy vriendin inhou. Hulle het ‘n gastehuis in ‘n klein dorpie. Die meeste besoekers wat hulle gekry het, was van oorsee. Onmiddellik het hulle geen inkomste gehad nie. Ek het geweet dat hulle sou swaarkry en dat ek hulle finansieel sou moes help – daar is niemand anders op wie hulle kan steun nie.
Hoe het jy die drie dae direk voor inperking deurgebring?
Maar baie dieselfde as die dae daarna, behalwe dat ons winkel toe gegaan het om ‘n bietjie ekstra voorraad kos te koop. Ek was op krukke, so ons kon nie rondry nie. As’t ware was ek sedert 14 Januarie 2020 na my heupvervanging reeds ingeperk.
Hoe het jou lewe met inperking op vlak 5 verander?
Aan die begin was dit baie dieselfde as voorheen omdat ek in elk geval nie baie mobiel was nie. Ons moes leer om kruideniersware aanlyn te bestel en het baie gesukkel daarmee omdat die winkels besig was. My dogter en/of haar man en kinders het ook kos vir ons kom aflaai. Ons moes tevrede wees om nie kieskeurig te wees oor wat hulle koop en hoe duur dit was nie, of met tweedebeste tevrede wees. Ek het wel kontak gemaak met ou vriendinne en familielede en lang gesprekke met hulle oor die foon gehad.
Wat was die moeilikste tydens vlak 5?
My kinders sonder hul inkomste uit toerisme het my nagte laat wakker lê – en dit gebeur steeds en sal moontlik nog ‘n tyd lank voortduur!
Dit was vir my moeilik om nie te kon gaan stap nie, en om nie my mense te sien nie. Ek het vasgekeer gevoel in ons huis en verlang na fisiese kontak met my kinders en kleinkinders. Wanneer ek hulle gesien het, was ons op ‘n afstand van mekaar en agter maskers. Ek waardeer dit dat hulle dit vir ons beswil doen, omdat ons oud(erig) is. Voorheen het my kleindogter gereeld kom kuier en ek het dit gemis (mis dit steeds.) Dit was ook vir my erg dat nuus oor Covid-19 alle gesprekke oorheers het, selfs ons videogesprekke met die kinders in Ierland.
Wat is vir jou positief tydens vlak 5?
Dis vreemd om te erken, maar die wete dat almal oor die hele wereld in dieselfde bootjie is, help op ‘n manier. Ek het ook meer uitgereik na mense wat ek lanklaas gesien het.
Hoe het die mense gevaar wat saam met jou ingeperk was?
My man: Goed. Pragmaties. Aanvaar alles, kla nie. “Dinge is soos dit is en daar is niks wat ons daaraan kan doen nie.” Ek huil nie maklik nie, maar een aand het sy houding my in stilte (weg van hom af) lank laat tjank. Dit was darem ook die pyn na my operasie, die magteloosheid om van krukke en later ‘n kierie afhanklik te wees, die gesukkel daarmee, en die wete dat ek nie ‘n fisioterapeut kon sien om oefeninge te kry om my toestand te verlig nie. Dit was dus ‘n goeie skoot selfbejammering en eensaamheid, want dit sou gehelp het as hy dit sou kon begryp.
My kinders: nie so goed nie, veral my seun. Ek moet baie moed inpraat, geld stuur.
Hoe het jy die verlenging van vlak 5 ervaar?
Moedeloosheid. Tot ‘n mate gelatenheid.
Wat het jy die meeste gemis op vlak 5?
Kontak met ander mense.
Hoe het die verandering na vlak 4 jou geraak?
Ek is nie lief vir inkopies doen nie, so dit het my nie geraak dat sekere winkels weer oop was nie. Die toerisme-bedryf was (is) steeds in sy peetjie.
Waaroor was jy bly met die verlaging na vlak 4?
Ek is bly dat meer mense kon gaan werk. Ek het nie skoolgaande kinders of kleinkinders nie, so ek is nie geraak of die skole oop of toe is nie, alhoewel ek die ouers baie jammer kry. Ek is bly dat my kleindogter kon terugkeer na hulle blyplek in Gauteng en dat hulle eindelik kon trek na die huis wat hulle gekoop het. Ons maak self ons huis skoon en doen ons eie huiswerk, so dit het ons nie geraak nie.
Op vlak 4 kon ek ‘n biokinetikus gaan sien en met oefeninge begin. Dit help my baie.
My man het gedurende Vlak 5 niks gedrink nie (hy het nie vooraf voorraad gekoop nie) en dit was nie vir hom moeilik nie. Maar ek was namens hom dankbaar dat hy weer whiskey kon koop en geniet na vlak 4.
Ek was ook bly dat ons meer dikwels enige tyd van die dag kon gaan stap.
Ons het kort trippies in die woonbuurte naby ons begin neem net om uit die huis te kom en om die motor se battery aan die gang te hou.
Waaroor was jy kwaad met die verlaging na vlak 4?
Ek dink dit is belaglik (namens my seun en sy vriendin) dat rokers steeds nie sigarette mag koop nie. Baie min mense hou daarvan om gedwing te word om op te hou rook. Die swartmark gedy.
Is jy iemand wat voor inperking gereeld geoefen het?
Voor my heupvervanging het ons nogal dikwels gestap, maar nie lang ente nie.
Het jy tydens vlak 5 geoefen?
Amper niks.
Hoe het jy dit gedoen?
Ek het wel in die huis begin loop. My toestand was darem anders.
Hoe het jy die drie ure oefentyd op vlak 4 ervaar?
Ek is bly ter wille van die mense wat hou van oefen. Dit was goed om mense op fietse en te voet in die straat te sien.
Hoe het die verlaging na vlak 3 jou geraak?
Ons het nog net een keer takeaways bestel – en dit was heerlik! Verder het ons nou die kuns om via die internet te koop heeltemal bemeester en bederf onsself soms met klaarvoorbereide kos. Ons het een dag na ‘n delicatessen gegaan en biltong en melktert en droëwors gaan koop en soos konings geëet. (My man gaan alleen in met sy masker aan, in ‘n stil tyd. Ek sit in die motor.) Wanneer iemand namens ons kos koop, koop ons net die nodigste om die koper nie te belas nie. Vir soetigheid was ek selfs daartoe gedryf om tweemaal sjokoladekoek te bak en eenkeer ‘n lemoenkoek. Ek het jare laas gebak.
Waaroor was jy bly toe vlak 3 aanbreek?
Dis goed om te sien dat daar beweging in die omgewing is. Tuiniers, huiswerkers, die buurtpatrollie ry weer snags. Drie van ons bure het begin aanbou of restoureer. My man spring weekliks (versigtig en gemasker) gou by die garage-winkel in en koop vars brood en melk. Eenkeer was ek selfs saam met my dogter na ‘n kwekery en alhoewel ons nie kon sit en eet nie, het ons dit geniet om tussen die plante deur te loop.
Waaroor was jy kwaad toe vlak 3 aanbreek?
Ek skat dat rook nog steeds nie toegelaat word nie.
Hoe vaar jy op hierdie stadium (na 100 dae) oor die algemeen emosioneel?
Ek het myself emosioneel begin ophef deur my tuin te herbeplan – die grasperk uit te haal en ‘n waterwyse tuin aan te lê. Dis lekker om planne te maak, om ‘n doelwit te hê, al gaan dit miskien nie gou gebeur nie. Die bekommernis oor my mense bly, maar ten minste het ek geliefdes om my oor te bekommer.
Is jy finansieel erg geraak?
My man en ek het afsonderlike inkomstes wat dit vir ons makliker maak. Maar my spaargeld is erg geknou deur die hulp wat ek steeds moet/wil verleen aan my seun-hulle.
Wat is nou vir jou die moeilikste?
Die bekommernis oor my kinders. My eks-skoondogter se ma is in hierdie tyd oorlede (nie aan Covid nie). Sy kon haar nie gaan besoek nie, en mag steeds nie haar pa sien nie.
Wat kan jy uit die ervaring haal wat positief is?
Ek kom agter dat ek nog altyd ‘n positiewe mens is. Tog het ek ook nodig om my hart soms oop te maak. Dit lyk asof ek dit hier doen.
Bly jy op datum met die Covid 19-situasie in SA?
Ja.
Deur watter medium? Hoe gereeld kyk/luister jy na nuus oor Covid 19?
Ek lees ‘n paar keer per dag koerant op Netwerk24, luister radio, kyk elke aand nuus op TV, luister na die president se toesprake.
Hoe beïnvloed die voortdurende nuus oor die virus jou emosioneel?
Die getalle wat so vinnig vermeerder ontstel my. Ek lees die ervarings van mense wat Covid-19 onder lede gehad het. Dis skrikwekkend! Ek wil dit nie kry nie, al moet ek nog vir ‘n paar maande lank byna ‘n kluisenaar wees. Gelukkig ‘n kluisenaar saam met ‘n liewe, opgewekte en blymoedige man. Ek weet nie of ek dit alleen sou kon hanteer nie. Ons is gelukkig gesond, maar ek wil ver wegbly van die hospitaal in hierdie tyd.
Bly jy op hoogte van die oorsese situasie?
Ja.
Is daar spesifieke lande waarin jy belangstel?
Ierland, Australië, VSA, Brittanje, Switserland.
Hoekom?
Ek het familielede in al hierdie lande.
Hoe beïnvloed die stygende sterftesyfer in SA jou?
Dit maak my baie bang. Ek probeer aanhou glo dat ons dit nie sal kry nie, omdat ons so versigtig is. Die hospitale in Gauteng raak vol. As ons dit kry, sal ons mekaar moet verpleeg. Maar ek weet dis nie genoeg om dit net te glo nie. Dit kan gebeur. Ek kry die mense wat so dig op mekaar bly baie jammer, soos ook die gesondheidswerkers. En dit tydens die winter en beurtkrag.
Wat sou jy anders doen as jy nou die ervaring van vooraf kon begin?
Niks nie.
Wat sal jy presies dieselfde doen as jy van vooraf kon begin?
Maskers dra, afstand behou, hande was, alles wat in die huis inkom ontsmet. Tuis bly.
Ken jy iemand wat Covid 19 opgedoen en herstel het?
Nee.
Het iemand na aan jou al aan Covid 19 gesterf?
Nee
July 25, 2020
100 dae van inperking: Annamarie Steenekamp
[image error]
Ouderdom: 64
Beroep: Redigeerder / Proefleser
Huwelikstatus: Geskei
Waar woon jy? Durbanville
Alleen? Wie saam met jou? (Name is nie nodig nie.)
Saam met my siels- en lyfgenoot
In watter opsig(te) beskou jy jou situasie tydens inperking as uniek of besonder uitdagend?
My situasie het nie veel verander nie. Ek werk al lankal van die huis af, dus geen nuwe uitdagings wat dit betref nie.
Hoe het jy gevoel toe die noodtoestand afgekondig is?
Dit was nie ’n lekker gedagte nie, maar nie ’n verrassing nie.
Hoe het jy gevoel toe algehele inperking (vlak 5) afgekondig is?
Ek het gedink dis nodig en die regte ding. Ek het egter nie gedink dit sou so lank duur nie.
Hoe het jy die drie dae direk voor inperking deurgebring?
Soos gewoonlik my gang gegaan en meestal tuis.
Hoe het jou lewe met inperking op vlak 5 verander?
Ek kon nie meer na my Pilates-klas toe gaan nie. Ek het reeds vliegkaartjies gekoop om vir my kinders in Gauteng te gaan kuier en dit moes nou uitgestel word.
Wat was die moeilikste tydens vlak 5?
Die feit dat ons nêrens heen mag gery het nie. Ons is gewoond om naweke iewers heen te gaan; daar is soveel mooi plekke in die Kaap.
Wat is vir jou positief tydens vlak 5?
Die stilte. Ons woon naby aan die besige Durbanvilleweg en die min verkeer en absolute stilte snags was wonderlik. Boonop het ons een nag uile gehoor, wat nog nooit voorheen gebeur het nie.
Hoe het die mense gevaar wat saam met jou ingeperk was?
Nie sleg nie. Bygesê, dit was net ná ’n skoueroperasie en dit het in elk geval beweging baie beperk. Bestuur was verbode.
Hoe het jy die verlenging van vlak 5 ervaar?
Teleurstellend, maar ons het dit verwag.
Wat het jy die meeste gemis op vlak 5?
Bewegingsvryheid.
Hoe het die verandering na vlak 4 jou geraak?
Dit was nie soveel van ’n verbetering dat dit werklik saak gemaak het nie. Boonop het ek geïrriteerd begin raak met die ondeurdagte reëls wat gemaak word.
Waaroor was jy bly met die verlaging na vlak 4?
Meer besigheid is toegelaat, wat beteken het ek kon my oogoperasie ondergaan.
Waaroor was jy kwaad met die verlaging na vlak 4?
Die ondeurdagte, onlogiese beperkings. Die belaglikheid van sommige besluite. Die besef dat selfs iets wat aanvanklik positief gelyk het, ook deur korrupsie besmet is.
Is jy iemand wat voor inperking gereeld geoefen het?
Gereelde Pilates, minder gereelde kardio.
Het jy tydens vlak 5 geoefen?
Ja, ek het al die Pilatesklasse (3 per week) per video gevolg en gedoen. Kardio op die oefenfiets begin byvoeg.
Hoe het jy dit gedoen?
Danksy die feit dat ek reeds apparaat soos ’n oefenfiets, oefenmat, rekke, bal en ring het, kon ek alles op my eie tyd, op die sitkamermat doen.
Hoe het jy die drie ure oefentyd op vlak 4 ervaar?
Dit het geen verskil aan my gemaak nie. Ek ry op my statiese oefenfiets in die spaarkamer. Ek het nie kans gesien vir die horde mense en honde op straat nie. Buitendien staan ek nie sesuur op om in die donker te gaan stap nie.
Hoe het die verlaging na vlak 3 jou geraak?
Dit was ’n verligting en het mens bietjie hoop gegee.
Waaroor was jy bly toe vlak 3 aanbreek?
Dat ons weer iewers heen kon ry of langs die see gaan stap (al is dit dan op die sypaadjie – nog ’n dom reëling). Dat ons weer die platteland kon geniet en met vriendelike mense gesels. En later, dat my haarkapper en ander oor wie ek bekommerd was, nou weer kan werk.
Waaroor was jy kwaad toe vlak 3 aanbreek?
Dat daar steeds reëls was wat nie sin maak nie en selfs later steeds belaglike besluite geneem word, soos dat 50 mense by die kerkdienste toegelaat word, of selfs die casino; dat jy in die lang tou by die supermark mag staan, maar nie by mense mag kuier nie.
Hoe vaar jy op hierdie stadium (na 100 dae) oor die algemeen emosioneel?
Dit begin my nou vang. Ek raak maklik huilerig. Ek wil na my kinders toe gaan; by die jongste gaan sit en haar ondersteun met haar probleme en hartseer. Die oudste kry ook swaar, is baie moeg en gespanne weens werksdruk en die feit dat sy my mis. Vir die eerste keer het sy, wat gewoonlik so sterk is, gesê sy het nie die emosionele kapasiteit vir sekere kwessies nie. Ek mis my vriende in Gauteng en is besorg oor hulle; twee van hulle is nie jonk nie: 74 en 82 en ek wil nie daaraan dink dat ek hulle dalk nie weer kan sien nie. Met Mathys se aanlyn-CD-vrystelling het dit my erg getref.
Is jy finansieel erg geraak?
Ja, ek het vir twee maande bitter min tot geen werk gehad nie. As vryskutter is dit erg, want daar is geen gereelde salaris nie. Ek het net gebid dat ek genoeg sou kry sodat ek kon aanhou om my huishulp te betaal.
Wat is nou vir jou die moeilikste?
Dat dit voel of alles net erger en slegter raak en ek weet nie wanneer gaan ons ons kinders sien nie.
Die feit dat soveel mense so bitter swaar kry: derduisende mense het reeds hul werk verloor; mense ly honger; mediese personeel was nog nooit onder soveel druk nie – hulle word fisiek en emosioneel uitgemergel. Dis ondenkbaar verskriklik.
Die bedreiging van die virus wat oral is, soos ’n monster wat wag om alles en almal te verslind. Dit is oorweldigend en laat mens soms wonder of enigiemand heelhuids anderkant gaan uitkom.
Wat kan jy uit die ervaring haal wat positief is?
Ek kon rus en het myself gereeld herinner dat dit nodig is, ek weer werk sal hê en dat dinge beter sal word, al duur dit lank.
Ek waardeer opnuut my hartsmense.
Ek het die waarde besef van:
mense – hoe kosbaar verhoudings is;
die deel van ’n glimlag – met die maskers is dit nie sigbaar nie, en ironies, iets wat ons nou die nodigste het;
aanraking – noudat dit verbode is, kom mens agter dat jy eintlik ’n behoefte daaraan het; die virus gaan ons almal velhonger maak;
beweging – as mens nie eers in die straat mag afstap nie, besef jy hoe ’n voorreg dit is om net na die bome te kan kyk, die tarentale dop te hou wat oral in die groen stroke skrop; kinders wat in ’n park speel; seesand tussen jou tone te voel; die vars lug van die platteland in te asem en die gasvryheid te ervaar van die mense wat jy daar ontmoet het.
Bly jy op datum met die Covid 19-situasie in SA?
Ja.
Deur watter medium? Hoe gereeld kyk/luister jy na nuus oor Covid 19?
Lees die meeste dae die nuus. Kyk na die syfers en waar die infeksies die meeste voorkom.
Hoe beïnvloed die voortdurende nuus oor die virus jou emosioneel?
Soms raak ek moedeloos, selfs paniekbevange. Dit voel soms steeds onwerklik. Meestal besef ek dit het al voorheen gebeur, soos met die Groot Griep. Ek hoop en bid net dat ek en my geliefdes dit sal oorleef en mekaar weer sal kan omhels.
Bly jy op hoogte van die oorsese situasie?
Nee.
Is daar spesifieke lande waarin jy belangstel?
Nee.
Hoekom?
n.v.t
Hoe beïnvloed die stygende sterftesyfer in SA jou?
Dis aaklig om gereeld te hoor hoeveel mense nou weer dood is. Dis soos ’n oorlog. Dit werk negatief op almal se gemoedere in.
Wat sou jy anders doen as jy nou die ervaring van voor af kon begin?
Miskien meer mediteer en myself geestelik sterker maak. Meer mense bel en net hoor hoe dit gaan. Nog meer oefen.
Wat sal jy presies dieselfde doen as jy van voor af kon begin?
Steeds oefen, die son en skoon lug geniet, die ruskans waardeer.
Ken jy iemand wat Covid 19 opgedoen en herstel het?
Ja. Boonop is hy ’n diabeet en het al ’n hartaanval gehad. Dit gee mens hoop.
Het iemand na aan jou al aan Covid 19 gesterf?
Nee.
July 24, 2020
100 dae van inperking: Anoniem 1
A man walks across a deserted square in central Cape Town, South Africa, two weeks into the country’s coronavirus lockdown.
Naam: Anoniem 1
Ouderdom: 64
Beroep: Deeltydse korttermynversekeringsmakelaar/pensionaris
Huwelikstatus: Getroud
Alleen? Wie saam met jou? (Name is nie nodig nie.)
Eggenoot en volwasse dogter
In watter opsig(te) beskou jy jou situasie tydens inperking as uniek of besonder uitdagend?
Nie uniek nie, wel uitdagend omdat ek die hele (te groot!) huis skielik alleen moes behartig sonder my huishulp wat twee maal per week kom werk het voor die inperking.
Hoe het jy gevoel toe die noodtoestand afgekondig is?
Baie onseker oor wat die toekoms vir ons gaan inhou. Onseker of ons byvoorbeeld kos sou kon koop as dinge sou vererger, wat ek geglo het wel sou gebeur.
Hoe het jy gevoel toe algehele inperking (vlak 5)afgekondig is?
My vermoede is bevestig dat dinge uitdagend sou word binne die afsienbare toekoms.
Hoe het jy die drie dae direk voor inperking deurgebring?
Ek onthou nie spesifiek die eerste twee nie, maar die laaste dag het ek en my man Hartebeespoortdam toe gery om ons veertigste huweliksherdenking (die 29ste, dus reeds ingeperk) voortydig te gaan vier. Ons was redelik gelate oor die situasie, hoewel ons nie eers meer ’n goeie restaurant kon oop kry nie. Almal was besig om gereed te maak vir die inperking.
Hoe het jou lewe met inperking op vlak 5 verander?
Ek was aanvanklik vreeslik ingestel daarop om te sorg dat daar genoeg kos in die huis is! Die ekstra huiswerk het my baie meer besig gehou as gewoonlik, dus was daar nie tyd vir verveeld wees nie.
Wat was die moeilikste tydens vlak 5?
Die ekstra huiswerk. Dit het my nie juis gepla dat ek huisgebonde was nie, want ek gaan nie besonder graag uit nie. Dit was lastig (is steeds) om alle kruideniersware wat afgelewer is, af te was.
Wat is vir jou positief tydens vlak 5?
Ek het deelgeneem aan ’n hekelprojek, en dit was ’n lekker uitdaging om met my wolvoorraad klaar te kom. Hekel en lees is maar altyd, ook tydens die inperking, my “happy place”.
Hoe het die mense gevaar wat saam met jou ingeperk was?
Beide my man en dogter het met hulle werk aangegaan vanaf die huis, en het dit goed hanteer. My dogter het later begin swaar trek omdat sy haar koor baie mis, en sy hou nogal daarvan om naweke bietjie te gaan rondstap in ’n winkelsentrum of sommer bietjie te gaan ry.
Hoe het jy die verlenging van vlak 5 ervaar?
Dit was nie vir my ’n verrassing nie, dus het dit my ook nie juis ontstel nie.
Wat het jy die meeste gemis op vlak 5?
Ons kerkdienste behoort bo-aan die lys te wees, maar die verligting om nie heeltyd bekommerd te wees oor die interaksie met ander mense nie, het swaarder geweeg as die gemis.
Hoe het die verandering na vlak 4 jou geraak?
Ek het dit nie juis anders beleef as Vlak 5 nie.
Waaroor was jy bly met die verlaging na vlak 4?
Was vir my om’t ewe.
Waaroor was jy kwaad met die verlaging na vlak 4?
Die sinnelose tye vir oefening
Is jy iemand wat voor inperking gereeld geoefen het?
Stap in die woonbuurt
Het jy tydens vlak 5 geoefen?
Ja, matig
Hoe het jy dit gedoen?
Ons het vroegaand om die huis gestap, uit by die hek en buite van een kant van die hoekerf tot by die ander, dan weer in en om die huis.
Hoe het jy die drie ure oefentyd op vlak 4 ervaar?
Sinneloos!
Hoe het die verlaging na vlak 3 jou geraak?
Ek kon my huishulp terugkry, maar het verkies om dit nie te doen nie, agv die openbare vervoer risiko. Ons het dus steeds betaal vir dienste nie gelewer nie, want ons was te jammer vir haar om haar nie te betaal nie. Verder was daar nie juis vir ons ’n verskil nie.
Waaroor was jy bly toe vlak 3 aanbreek?
Kon nou vroegaand stap sonder om te voel ek oortree die wet. Verder maar dieselfde. Die sigarette en drank debakels raak ons nie.
Waaroor was jy kwaad toe vlak 3 aanbreek?
Ek kon nie insien waarom sekere industrieë meer geraak word as ander nie. Baie van die reëlings het nie sin gemaak nie.
Hoe vaar jy op hierdie stadium (na 100 dae) oor die algemeen emosioneel?
Ek sou sê redelik goed.
Is jy finansieel erg geraak?
My man se kontrak is opgeskort vanaf 1 Julie, dus is ons nou skielik met pensioen! Dit gaan vreemd wees om nie teen maandeinde ’n inkomste te kry nie.
Wat is nou vir jou die moeilikste?
Die wete dat ek of my mense die siekte enige tyd, enige plek op die lyf kan loop. Gaan steeds die minimum uit die huis uit.
Wat kan jy uit die ervaring haal wat positief is?
Elke dag se stukkie dankbaarheid vir ons gesin wat nog gesond is. En dankbaarheid vir tegnologie wat mens in kontak hou met jou kinders wat ver is.
Bly jy op datum met die Covid 19-situasie in SA?
Nie in geweldige detail nie.
Deur watter medium? Hoe gereeld kyk/luister jy na nuus oor Covid 19?
Ek lees soggens op Twitter wat NCID gerig oor die toetse van die vorige dag, en lees hier en daar op Maroela Media/FB ’n berig. Spandeer minder as ’n halfuur per dag daaraan.
Hoe beïnvloed die voortdurende nuus oor die virus jou emosioneel?
Dit is vir my byna ’n bevestiging van dit wat ek voorsien het, dus krap dit my nie té veel om nie. Ek was wel bietjie ontspoor toe iemand wat ek persoonlik ken, gister gediagnoseer is. Dit maak dit meer “werklik”.
Bly jy op hoogte van die oorsese situasie?
Ook maar bolangs. Kyk soms waar lê SA op die lys van lande mbt toe getalle.
Is daar spesifieke lande waarin jy belangstel?
Italië, Engeland en Amerika
Hoekom?
Italië, sommer sentimentele redes omdat ek die land besoek het. Engeland omdat my dogter se vriendin daar woon, Amerika omdat ons gereeld luister na Amerikaanse predikers wat ook nou in leë geboue preek.
Hoe beïnvloed die stygende sterftesyfer in SA jou?
Ek staan nog half op die kantlyn en lees dit soos statistieke, omdat niemand naby my al ’n slagoffer was nie.
Wat sou jy anders doen as jy nou die ervaring van vooraf kon begin?
Ek glo nie veel anders nie.
Wat sal jy presies dieselfde doen as jy van vooraf kon begin?
Ek sou weer dieselfde optree.
Ken jy iemand wat Covid 19 opgedoen en herstel het?
Nee, net iemand wat tans siek is.
Het iemand na aan jou al aan Covid 19 gesterf?
Nee
July 21, 2020
100 dae van inperking: Alta Breedt
Skuilnaam as jy dit verkies: –
Ouderdom: 67
Beroep: Hoopvolle skrywer/ pensioenaris
Huwelikstatus:Getroud
Waar woon jy?Pietermaritzburg
Alleen? Wie saam met jou? (Name is nie nodig nie.)
My man
In watter opsig(te) beskou jy jou situasie tydens inperking as uniek of besonder uitdagend?
Ons het 7mnde gelede, in n regte egte Wendy-huisie ingetrek, op familie se erf. Ons was maar net 5mnde getroud en die inperking plaas groot druk op ons verhouding, want die spasie is bitter klein en beslis nie ideaal vir inperking.
Hoe het jy gevoel toe die noodtoestand afgekondig is?
Was hoopvol dat dit vinnig verby sal wees.
Hoe het jy gevoel toe algehele inperking (vlak 5)afgekondig is?
Geskok oor die erns van die situasie. Bekommerd oor wanneer ek weer my kinders sal kan besoek. Bekommerd oor mense wat nie inkomste kan verdien en klein besighede wat sal sluit
Hoe het jy die drie dae direk voor inperking deurgebring?
Ons is pensioenarisse, met n rustige lewenstyl, so ons was maar rustig. Het nood-aankope gedoen sover dit moontlik was, want dit was VOOR pensioendag
Hoe het jou lewe met inperking op vlak 5 verander?
Niks het dramaties verander. Dit voel partykeer asof ons 2 in n borrel leef en asof ons na ‘n TV-verhaal kyk.
Wat was die moeilikste tydens vlak 5?
Om nie craft benodighede te kan koop of om koffie by Wimpy te drink as ons dorp toe gaan
Wat is vir jou positief tydens vlak 5?
Die feit dat feitlik die hele land saamgewerk het
Hoe het die mense gevaar wat saam met jou ingeperk was?
My man is n rustige siel, so hy het maar elke dag aanvaar soos dit kom
Hoe het jy die verlenging van vlak 5 ervaar?
Kwaad, omdat ons nog langer moet wag om weer normale dinge te doen. Bitter bekommerd oor mense wat nie inkomste kan verdien.
Wat het jy die meeste gemis op vlak 5?
Om my hare te laat sny!!!!
Hoe het die verandering na vlak 4 jou geraak?
My positief laat voel oor toekoms
Waaroor was jy bly met die verlaging na vlak 4?
Ons kon uitsien na Vlak. 3!!!
Waaroor was jy kwaad met die verlaging na vlak 4?
Is jy iemand wat voor inperking gereeld geoefen het?
Nee, maar my man stap
Het jy tydens vlak 5 geoefen?
Nee, my man gaan stap gereeld
Hoe het jy dit gedoen?
My man stap
Hoe het jy die drie ure oefentyd op vlak 4 ervaar?
Dit was ‘n schlepp om gedwing te word om net sekere tye te mag stap.
Hoe het die verlaging na vlak 3 jou geraak?
Hoopvol dat dinge meer normaal sal word
Waaroor was jy bly toe vlak 3 aanbreek
Hare sny!!! En Wimpy koffie!!!
Waaroor was jy kwaad toe vlak 3 aanbreek?
Die arme rokers! En die absolute absurde reëls en reguladies wat GEEN sin maak, soos watter tipe klere mag jy koop?
Hoe vaar jy op hierdie stadium (na 100 dae) oor die algemeen emosioneel
Die dodelike roetine in die klein spasie maak my nou mal!!!
Is jy finansieel erg geraak?
Ja, want ons sou craft goed by markte verkoop het, wat nou eers heeltemal van die baan is
Wat is nou vir jou die moeilikste?
Die verbod op reis na ander provinsies. Ons mis ons kinders!en ek HAAT die masker met n onheilige passie. Wil nie eers meer dorp toe gaan. Ek mis mense se glimlagte en om myne uit te deel aan iemand wat dit nodig het. Ek mis drukkies!!
Wat kan jy uit die ervaring haal wat positief is?
Dat ek en my (amper nog) splinternuwe man so goed saam kan funksioneer onder druk.
Bly jy op datum met die Covid 19-situasie in SA?
Net wat op RSG nuus gedeel word, anders neem dit jou gedagtes oor.
Deur watter medium? Hoe gereeld kyk/luister jy na nuus oor Covid 19?
Het nie TV, luister net RSG
Hoe beïnvloed die voortdurende nuus oor die virus jou emosioneel?
Ek skakel my gemoed af
Bly jy op hoogte van die oorsese situasie?
Ja, in soverre die nuus dit deel.
Is daar spesifieke lande waarin jy belangstel
Nie juis
Hoekom? –
Hoe beïnvloed die stygende sterftesyfer in SA jou?
Logies is mens bang en bekommerd, veral vir ons kinders se onthalwe, maar ons doen als in ons vermoe om veilig te bly
Wat sou jy anders doen as jy nou die ervaring. van vooraf kon begin?
Daar is nie veel wat ons 2 oues anders KAN doen
Wat sal jy presies dieselfde doen as jy van vooraf kon begin?
Presies wat ons nou doen, wees paraat, bly tuis en ontsmet.
Ken jy iemand wat Covid 19 opgedoen en herstel het?
Nee
Het iemand na aan jou al aan Covid 19 gesterf?
Dank die Here, nee
