Alta Cloete's Blog: www.altacloete.wordpress.com, page 13

100 dae van inperking: Anoniem 4

[image error]

A man walks across a deserted square in central Cape Town, South Africa, two weeks into the country’s coronavirus lockdown.

Ouderdom: 39

Beroep: Projekbestuurder

Huwelikstatus: Getroud

Waar woon jy? Limpopo

Alleen? Wie saam met jou? (Name is nie nodig nie.) Self, Man en 1 kind (12)

In watter opsig(te) beskou jy jou situasie tydens inperking as uniek of besonder uitdagend? Op die stadium dink ek nie daar is enige iets uniek of uitdagend nie. Ons is gelukkig genoeg om beide nog te werk en ‘n inkomste te verdien.

Hoe het jy gevoel toe die noodtoestand afgekondig is? Ons het reeds die maandag voor die afkondiging sekere “vibes” by die werk gekry. die dag voor dit het ons ons dogter en haar 2 neefs en 2 niggies Pretoria toe geneem om bietjie by ouma en oupa te kuier. Ek het toe die Maandag middag met my skoonma gereel dat ons mekaar halfpad ontmoet om die kinder op te laai. Die selfde Maandag oggend tussen 5 en half sewe is 2 van ons honde vergiftig. Net voor die president se toespraak (ons was nog opad huis toe) het my man laat weet dat my hondjie ook oorlede is. Dit saam met die afkondiging het my “numb” gemaak. Ek het eers die volgende dag regtig weer oor alles kon dink.

Hoe het jy gevoel toe algehele inperking (vlak 5)afgekondig is? Ek kon nie regtig die impak van die inperking “comprehend” nie. Dit was asof alles net gevris was. So, sommer net so, sonder enige waarskuwing.

Hoe het jy die drie dae direk voor inperking deurgebring? Ek het reeds die maandag voor die aankondiging met my etenuur ‘n klomp goed gaan koop. Ek het vriende in Belgie wat my aangeraai het om solank te begin voorberei en ook raad gegee het wat om te koop. Ek het nie nodig gehad om toilet papier op te gaar nie. Ek koop as ‘n reel omtrent 8 pakke van 48 (haha). Die volgende drie dae het ek ‘n paar goed moes koop soos vleis en groente. Ek moes ook my plante wat ek in my kantoor gehad het huis toe bring. Plante wat al die afgelope 14 jaar saam met my van kantoor tot kantoor getrek het. Dit het die realiteit vir my laat insink.

Hoe het jou lewe met inperking op vlak 5 verander? Dit was vir my ‘n aanpassing om van die huis af te werk omdat ek nie gewoond is aan tegnologie soos MSTeams, ens nie.

Wat was die moeilikste tydens vlak 5? Om te sien hoe besighede wat “non-essential services” is moes toemaak. Om te besef dat dit my vriende is wat gaan sukkel sonder ‘n inkomste.

Wat is vir jou positief tydens vlak 5? My man was vir twee weke by die huis voordat hulle weer moes gaan werk. Die feit dat die skole gesluit was het veroorsaak dat ek en ons dogter baie meer tyd saam kon spandeer. Toe die skole begin werk stuur het sy in die dag by my gesit terwyl ek gewerk het.

Hoe het die mense gevaar wat saam met jou ingeperk was? Ek dink ons het almal eintlik redelik goed aangegaan. Dit was bietjie van ‘n pla dat ons nie ons vriende of maats so gereeld kon sien nie.

Hoe het jy die verlenging van vlak 5 ervaar? Alhoewel ek dit verwag het, was dit nogsteeds vir my ‘n skok.

Wat het jy die meeste gemis op vlak 5? Daar is teveel om nou aan te dink.

Hoe het die verandering na vlak 4 jou geraak? Vir my persoonlik was daar nie veel verandering nie. Ons moes nogsteeds so veel as moontlik van die huis af werk.

Waaroor was jy bly met die verlaging na vlak 4? Die illusie van meer vryheid

Waaroor was jy kwaad met die verlaging na vlak 4? Ek was nogal ontsteld oor die feit dat drank en sigarette verban was. Meer die sigarette. Beide my ouers en my broer rook. Ek het geweet dat hulle nie sal ophou net omdat dit nie nou tegelaat was om verkoop te word nie.

Daar was in sekere opsigte nie veel verandering nie. Dit was so half asof dit net ‘n naam verandering was.

Is jy iemand wat voor inperking gereeld geoefen het? Ja, ek het probeer om elke Saterdag die Parkrun te doen, in die koeler maande gan stap ek ook twee keer ‘n week. Ons somers is hel warm.

Het jy tydens vlak 5 geoefen? Nee

Hoe het jy dit gedoen?

Hoe het jy die drie ure oefentyd op vlak 4 ervaar? Dit was vir my ‘n ongelooflike lekker toegewing

Hoe het die verlaging na vlak 3 jou geraak? Ek het nie regtig enige verskil ervaar nie. Ek weet dit maak nie sin nie, maar ‘n mens was so gewond an hoe dinge gewerk het dat jy maar aangegaan het op dieselfde trant.

Waaroor was jy bly toe vlak 3 aanbreek? Dat daar meer winkels oop kon maak. Ek het byvoorbeeld op ‘n stadium in vlak 4 gordeyne gesoek, en kon dit nie koop nie.

Waaroor was jy kwaad toe vlak 3 aanbreek? Nie enige iets spesifiek nie.

Hoe vaar jy op hierdie stadium (na 100 dae) oor die algemeen emosioneel?

In Februarie 2020 is ek met bipoler 2 gediagnoseer. Dit was vir my ‘n ongelooflike groot skok. Ek het gedink ek gaan sien die psigiater om net my medikasie uit te sorteer omdat dit gevoel het of die anti-depressante my net meer depresief gemaak het. Ek dink die veranderde medikasie as gevolg van die diagnose het my in staat gestel om in ‘n beter “mind space” te wees wat my weer toegelaat het om die inperking oor die algemeen beter te hanteer. Dit het ook nie gehelp dat ons honde net so voor die tyd dood is nie. Dit was vir my asof alles net te saam gebeur het.

Is jy finansieel erg geraak? Beide ek en my man het nog heeltyd ‘n salaris ontvang

Wat is nou vir jou die moeilikste? Die feit dat ‘n mens maskers dra en heeltyd jou hande moet spuit in die openbaar is ‘n aanhoudende bevestiging van die situasie waarins ons ons nou bevind. Dit gaan nie weg nie.

Wat kan jy uit die ervaring haal wat positief is? Ons is meer aanpasbaar as wat ons werklik besef. Tegnologie is nie nodwendig 100% euwel nie. In hierdie tyd bring dit ons tog nader aan mekaar.

Bly jy op datum met die Covid 19-situasie in SA? Ja

Deur watter medium? Hoe gereeld kyk/luister jy na nuus oor Covid 19? Facebook, Woldometer.com. ek probeer tenmiste een keer ‘n dag kyk wat gaan aan. Ek probeer om nie na die nuus te kyk of luister nie. Dan raak dit net te veel.

Hoe beïnvloed die voortdurende nuus oor die virus jou emosioneel? Dit maak my moeg. Ek is nie seker waarooe ons gaan praat wanner alles wer “normaal” is nie.

Bly jy op hoogte van die oorsese situasie? Ek het vriende in Kanada en Belgie en gesels gereeld met hulle. Sal ook op sosiale media bietjie rond kyk.

Is daar spesifieke lande waarin jy belangstel? Kanada, Belgie en Amerika

Hoekom? As gevolg van vriende. En Trump is nogal baie snaaks in sy benadering.

Hoe beïnvloed die stygende sterftesyfer in SA jou? Dit maak my benoud, alhoewel dit laer is per 1 miljoen persone as meeste ander lande

Wat sou jy anders doen as jy nou die ervaring van vooraf kon begin? Ek weet nie. Dit voel so lank terug.

Wat sal jy presies dieselfde doen as jy van vooraf kon begin? Skouer ophaal emoji

Ken jy iemand wat Covid 19 opgedoen en herstel het? Nee

Het iemand na aan jou al aan Covid 19 gesterf? Nee

 

100 dae van inperking: Anoniem 3

[image error]

Ouderdom: 78

Beroep: afgetree/vryskutvertaler

Huwelikstatus: Getroud

Waar woon jy? Panorama, Parow, Kaapstad

Alleen? Wie saam met jou? (Name is nie nodig nie.) Nee, man en 1 getroude kind, 2 kleinkinders (in hul twintigerjare).

In watter opsig(te) beskou jy jou situasie tydens inperking as uniek of besonder uitdagend? Die feit dat ek nie kan vryelik rondbeweeg nie.

Hoe het jy gevoel toe die noodtoestand afgekondig is? Bietjie bekommerd.

Hoe het jy gevoel toe algehele inperking (vlak 5)afgekondig is? Ingehok, soos in ‘n koshuis.

Hoe het jy die drie dae direk voor inperking deurgebring? Klompie inkopies gedoen

Hoe het jou lewe met inperking op vlak 5 verander? Kon nie gaan gim of reataurante en malls besoek nie.

Wat was die moeilikste tydens vlak 5? Om nie te kon kuier nie.

Wat is vir jou positief tydens vlak 5? My geloof en my geliefdes. Veral die kinders in Australië, Nieu-Seeland en Londen wat nei kon ophou met preek nie!.

Hoe het die mense gevaar wat saam met jou ingeperk was? Hulle het elke dag getakel soos hy kom.

Hoe het jy die verlenging van vlak 5 ervaar? Spannend.

Wat het jy die meeste gemis op vlak 5? My vryheid, my aquaërobiese oefeninge, my vriende.

Hoe het die verandering na vlak 4 jou geraak? Dit was bietjie verligting.

Waaroor was jy bly met die verlaging na vlak 4? Die meer vryheid om rond te beweeg.  En die tuiningenieur kon kom red wat te redde is. En my char wat al 26 jaar 2 huise van my af bly, kon kom help …

Waaroor was jy kwaad met die verlaging na vlak 4? Te min. Te laat.

Is jy iemand wat voor inperking gereeld geoefen het? Ja

Het jy tydens vlak 5 geoefen? Ja

Hoe het jy dit gedoen? Saam met my man op die vloer. En bietjie in die tuin gestap

Hoe het jy die drie ure oefentyd op vlak 4 ervaar? Argaïes. Onnadenkend. Geen senior burger met selfrespek oefen daardie tyd van die dag nie.  Alhoewel my hond dit geniet het want my seun het haar uitgeneem …

Hoe het die verlaging na vlak 3 jou geraak? Darem bietjie ligter.

Waaroor was jy bly toe vlak 3 aanbreek? Meer beweegruimte.

Waaroor was jy kwaad toe vlak 3 aanbreek? Mag nie familie/vriende besoek nie en mag nie vlieg nie.  Tweede oudste kleinseun trou in Sept in Gauteng.

Hoe vaar jy op hierdie stadium (na 100 dae) oor die algemeen emosioneel? Redelik goed. Mens pas aan.

Is jy finansieel erg geraak? Nee

Wat is nou vir jou die moeilikste? Die feit dat ‘n mens nog steeds nie jou eie baas is nie.

Wat kan jy uit die ervaring haal wat positief is? Ek spaar geld want ek kan nie rondloop soos ek wil nie.

Bly jy op datum met die Covid 19-situasie in SA? Ja

Deur watter medium? Hoe gereeld kyk/luister jy na nuus oor Covid 19? Radio, televisie, selfoon, rekenaar. Paar keer per dag.

Hoe beïnvloed die voortdurende nuus oor die virus jou emosioneel? Nie veel nie.

Bly jy op hoogte van die oorsese situasie? Ja

Is daar spesifieke lande waarin jy belangstel? Nieu-Seeland, Namibië, Kanada, Engeland en Australië.

Hoekom? Het kinders en vriende daar.

Hoe beïnvloed die stygende sterftesyfer in SA jou? Nie te erg nie. Die siekte moet sy gang gaan.

Wat sou jy anders doen as jy nou die ervaring van vooraf kon begin? Niks

Wat sal jy presies dieselfde doen as jy van vooraf kon begin? Alles.

Ken jy iemand wat Covid 19 opgedoen en herstel het? Ja

Het iemand na aan jou al aan Covid 19 gesterf? Nee

100 dae van inperking: Emma

[image error]

Ouderdom: 33
Beroep: Arbeidsterapeut
Huwelikstatus: Getroud
Waar woon jy? Durbanville
Alleen? Wie saam met jou? (Name is nie nodig nie.)

Saam met my man en babaseuntjie

In watter opsig(te) beskou jy jou situasie tydens inperking as uniek of besonder uitdagend?

Ons seuntjie is net voor die inperking gebore so ons was afgesny van familie vandat     hy 10 dae oud was en het eers weer familie gesien toe hy 11 weke oud was.

Hoe het jy gevoel toe die noodtoestand afgekondig is?

Mens is maar bekommerd oor wat die toekom inhou, het aanvanklik eers onwerklik      gevoel.

Hoe het jy gevoel toe algehele inperking (vlak 5)afgekondig is?

Hierdie prentjie verduidelik dit baie akkuraat…ek het ‘n paar maal op ‘n dag deur    hierdie proses gegaan…heen en weer… (en my hormone was nog lekker deurmekaar             vir ten minste die volgende 6 weke so dit het ook nie gehelp nie J )

Hoe het jy die drie dae direk voor inperking deurgebring?

Ons het maar praktiese planne probeer maak, en lysies van goed wat nodig is.  My           man het al die aankope gaan doen.  Verder het ons probeer om ons familie so stuk-         stuk “vir oulaas” te sien voordat ons die volgende 3 weke gehok gaan wees…wat toe             baie meer as net 3 weke was op die ou einde.

Hoe het jou lewe met inperking op vlak 5 verander?

Dis ‘n effens moeilik vraag, want die lyn tussen hoe my lewe verander het agv vlak 5 vs om ‘n pasgebore babatjie te hê, is nogal fyn.  Basies was jou “normale” roetine en dit wat vir jou struktuur aan jou dag gegee het, net weggevat.  Elke dag is dieselfde, daar’s nie meer ‘n verskil tusssen naweke en weeksdae nie.  Ek het my ouers ten minste een keer, soms meer, per week gesien en dis net weg.  Ons is ‘n baie gehegde familie en die manier hoe ons moeilike tye hanteer, is om fisies bymekaar te wees – baie drukkies te gee, jou hart uit te praat oor ‘n koppie tee – en daai poot wat die tafel balanseer was afgesaag.

Wat was die moeilikste tydens vlak 5?

‘n Paar dinge:

Om afgesny te wees van jou familie (en om nie jou seuntjie se groei met hulle te kan deel behalwe met whatsapp videos nie).
Om die hele ouerskap storie soortvan self uit te werk, en niemand kan jou regtig aflos nie (my man help vreeslik baie, maar hy moes ook baie werk).
Om in jou huis vasgekeer te wees en nie eers vir ‘n stappie te kan gaan nie, of net ‘n entjie te kon gaan ry nie en dit terwyl dit die pragtigste herfsdae is.


Wat is vir jou positief tydens vlak 5?

My man kon van die huis af werk, so sy “vaderskap-verlof” was heelwat langer as wat      dit sou wees.

Hoe het die mense gevaar wat saam met jou ingeperk was?

My man is ‘n prokureur so dis vir hom baie belangrik om volgens die regte reëls te        leef.  Hy dink ook meer met sy kop as met sy hart.  So ek dink dit was vir hom        makliker omdat daar ‘n rede is hoekom ons ingeperk word en dit is hoe dit is.  Hy’t wel nogal ontsteld geraak wanneer hy winkels toe moes gaan en ander mense hou nie            hulle afstand nie, of as mense nie hulle maskers reg dra nie J

Hoe het jy die verlenging van vlak 5 ervaar?

Dieselfde as soos daai prentjie hierbo J

Wat het jy die meeste gemis op vlak 5?

My mense!!  En die natuur

En dit was ‘n baie vreemde ervaring om te sien dat ander mense “bang” is          vir jou en         vassteek as jy in dieselfde winkelrak afstap, of sommer wegkyk, want “netou   steek ek aan as ek oogkontak maak…”  Party mense kan wel glimlag met jou met             hulle oë, maar dit is darem net mooier om iemand se regte glimlag te kan sien…

O, en drukkies!!!  My liefdestale is fisiese aanraking en kwaliteit tyd – en die geleenthede vir beide was (en is eintlik nogsteeds) baie beperk.

Hoe het die verandering na vlak 4 jou geraak?

Mens was seker minder bang om gestop te word as jy erens heen sou moes ry.  Verder      het dit eintlik maar nog net soos vlak 5 gevoel.  Die spertyd vir oefening was baie    onprakties.  Dit was baie oggende te koud om so vroeg met ‘n klein babatjie uit die    huis te gaan om te gaan stap, en dit was ook gereeld wanneer Baba net mooi aan die             slaap geraak het – so dan maak jy hom beslis nie wakker om te gaan stap nie J

Waaroor was jy bly met die verlaging na vlak 4?

Dat mens soms dit kon regkry om ‘n entjie te gaan stap – al moes jy jaag om 9h00             terug te wees by die huis.

Waaroor was jy kwaad met die verlaging na vlak 4?

Oor die belaglike 3 ure wat beskikbaar was vir oefening – dis mos glad nie logies om           almal te forseer om op dieselfde tyd buite te wees nie…

En mens begin nou al so bietjie soos ‘n kind te voel met die regering wat sommer net        besluit wat jy mag en nie mag doen nie…veral as dit lyk asof hulle nie logies dink oor     al die maatreëls nie.

Is jy iemand wat voor inperking gereeld geoefen het?

Ons het baie gaan stap en verskillende staproetes gedoen en so nou en dan ‘n parkrun.

Het jy tydens vlak 5 geoefen?

Nee… maar ek gebruik hier die herstelproses na geboorte skenk as my verskoning J

En ek wou elke af tydjie net slaap…

Hoe het jy dit gedoen? Nvt
Hoe het jy die drie ure oefentyd op vlak 4 ervaar?

Sien nr 18

Hoe het die verlaging na vlak 3 jou geraak?

Dink mens het so bietjie hoop ervaar – die proses vorder darem en die terugvoer dat     vlak 5 en vlak 4 vir die land wel tyd gekoop het om voor te berei vir die storm wat           oppad is was positief.

Waaroor was jy bly toe vlak 3 aanbreek?

Dat mens meer as net ‘n 3 ure tydgleuf het om buite die huis te kon wees.

Waaroor was jy kwaad toe vlak 3 aanbreek?

Dat mens nogsteeds nie jou familie mag sien nie.

Hoe vaar jy op hierdie stadium (na 100 dae) oor die algemeen emosioneel?

Heelwat beter as aan die begin.  Ek kon al so 3 keer my ouers sien (hulle gaan vir Jean         oppas so die rede waarom ek hulle besoek het is sodat hy kan oefen om na hulle toe te ry   en aan sy oppassers gewoond kan raak).  Ek moet wel oor 2 weke weer begin werk en           mens is maar bekommerd oor hoe jy jou geliefdes gaan gesond hou as jy aan baie       verskillende mense blootgestel word deur die loop van die dag.  Daar het ook baie            regulasies verander by my werk en dit gaan ook ‘n hele ruk neem om aan die nuwe   manier van doen gewoond te raak.

Verder is daar ook al baie meer mense wat jy ken, wat ‘n ervaring met die virus gehad het, sommige met ‘n gelukkige einde en ander weer nie, so ja, dit raak nou “close to   home”…

Is jy finansieel erg geraak?

My man is gelukkig nog elke maand betaal – al was dit maar soms onseker of dit die           geval sou wees – maar ons is baie dankbaar daarvoor.  Ek het wel na 4 maande nog      geen betaling van my UIF kraamverlof   voordele ontvang nie, want daardie    afdeling van die kantoor was aanvanklik gesluit          en is nou so ver agterstallig met           al die eise…so ons hou maar duim vas dat dit             binnekort uitgesorteer word.

Wat is nou vir jou die moeilikste?

Ek sou sê die onsekerheid oor hoe die virus mens se lewe in die langtermyn gaan   verander en om afskeid te neem van die lewe soos jy dit ken…veral omdat jy ‘n klein         mensie het wat jy groot maak en wonder oor hoe dit hulle lewens gaan raak.  Om die             klein kindertjies te sien wat maskers moet dra in die winkels is so jammer – hulle       moet nog speel en nie bekommernisse hê nie.  En sy familie moet hom kan druk en vashou, ens. ens. ens.  So ja, om aan te pas by die ‘nuwe normaal’ is ok vir nou, maar            dit sal so hartseer wees as dit so moet bly.  Ons bid vir ‘n entstof…

Wat kan jy uit die ervaring haal wat positief is?

Omdat dit so lank net ons 3 in die huis was, was dit ook ‘n besonderse geleentheid om     te “bond” met ons nuwe seuntjie.

Ek dink ook dit was/is nogsteeds ‘n geleentheid om geestelik te verdiep.

Bly jy op datum met die Covid 19-situasie in SA?

Ek het aanvanklik, maar daar’s te veel opinies en mens weet elk geval nie wat om te           glo nie (en dit maak my negatief so nee, nie       eintlik meer nie).

Deur watter medium? Hoe gereeld kyk/luister jy na nuus oor Covid 19?

Ek lees nou so een keer in ‘n week iets daaroor of gesels met ander mense en dis vir            my genoeg.  My skoonpa is in ‘n mediese beroep so dis vir my interessant om te hoor             wat hy oor die nuutste verwikkelinge dink.

Hoe beïnvloed die voortdurende nuus oor die virus jou emosioneel?

Ek het my eintlik so half afgesny daarvan omdat dit gevoel het die virus neem mens   se lewe oor.

Bly jy op hoogte van die oorsese situasie?

Nee

Is daar spesifieke lande waarin jy belangstel? Nvt
Hoekom?Nvt
Hoe beïnvloed die stygende sterftesyfer in SA jou?

Dis vir my baie hartseer … veral om te dink dat soveel van daardie mense sonder hulle    geliefdes in die hospitaal moes sterf.  Jy wens dit vir niemand toe nie, en ja, dit maak             mens angstig om te dink dat dit met iemand naby aan jou ook kan gebeur.

Wat sou jy anders doen as jy nou die ervaring van vooraf kon begin?

Dit was nie vir ons regtig moontlik met ‘n pasgebore babatjie nie, maar ek weet van             baie mense wat saam as groter familie bymekaar gaan bly het vir die lockdown – dit           sou vir my baie lekker gewees het.

Wat sal jy presies dieselfde doen as jy van vooraf kon begin?

Ek bel elke dag vir iemand – ‘n familielid of vriendin – en dit help baie.

Ken jy iemand wat Covid 19 opgedoen en herstel het?

Ja

Het iemand na aan jou al aan Covid 19 gesterf?

Nog net kennisse en nie iemand naby nie – nie dat dit enigsins beter is nie.

100 dae van inperking: Elmie van Wyk

[image error]

Ouderdom: 65 jaar en 1 week

100 dae van inperking: Ellen Botha

[image error]

Left: Security guards stand at the entrance of a camp that houses homeless people in Standfontein, Cape Town, during the coronavirus lockdown. Right: Homeless people receive food at the camp. Many worry that overcrowding puts them at risk of catching the virus.

Ouderdom:  78

Beroep: Afgetree

Huwelikstatus: Weduwee

Waar woon jy? Parow-Noord

Alleen? Wie saam met jou? (Name is nie nodig nie.) My seun en sy lewensmaat

In watter opsig(te) beskou jy jou situasie tydens inperking as uniek

of besonder uitdagend?  Die feit dat ek nie in my motor kan klim om ‘nentjie te gaan ry nie.  Die feit dat ek nie meer alleen kan loop sonder ‘n loopring nie. Dit vereensaam my.

Hoe het jy gevoel toe die noodtoestand afgekondig is? Paniekerig en baie bekommerd oor my en my huismense se gesondheid.  Dit was ‘n groot skok van “nie weet” wat vorentoe gaan gebeur nie.

Hoe het jy gevoel toe algehele inperking (vlak 5)afgekondig is?  vasgevang in ‘n onbekende situasie. Baie onseker van alles.

Hoe het jy die drie dae direk voor inperking deurgebring? Kon wel nog na geliefkoosde Café Chameleon saam met vriende gaan.  Dit was ‘n weeklikse bymekaarkom met ‘n paar vriende.

Hoe het jou lewe met inperking op vlak 5

verander?  In dié opsig dat eie bietjie vryheid om te kom en gaan soos ek wou, daarmee heen was.

Wat was die moeilikste tydens vlak 5? Soos hierbo by 12.  Was geweldig ontsteld dat ek nie na die gedenkdiens van my swaer by hulle huis kon gaan nie. My sus het gesoebat dat ek moes kom, maar daar is gesê dat ons ‘n boete van meer as R1,000 sou betaal of in hegtenis geneem sou word.

Wat is vir jou positief tydens vlak 5?  Dat ek steeds musiek kon luister en op sosiale media bedrywig kon wees, het ontsaglik baie gehelp. Vir die eerste keer het eie sterflikheid ook ‘n werklikheid geword.  Dit was nodig om daaraan te dink.

Hoe het die mense gevaar wat saam met jou

ingeperk was? Ons al drie het deur stadia van vrees vir die virus gegaan, veral in die begin.

Hoe het jy die verlenging van vlak 5 ervaar?  Was kwaad, maar het verstaan dat dit nodig was vir eie veiligheid.

Wat het jy die meeste gemis op vlak 5? Daardie weeklikse bymekaarkom met vriende.

Hoe het die verandering na vlak 4 jou geraak?   Persoonlik was dit maar baie dieselfde as vlak 5.

Waaroor was jy bly met die verlaging na vlak 4?  Soos hierbo.

Waaroor was jy kwaad met die verlaging na vlak 4? Dat ons steeds nie kon rook nie!

Is jy iemand wat voor inperking gereeld geoefen

het? Nee, liggaamlike toestand kon net ligte oefening hanteer.

Het jy tydens vlak 5 geoefen? Net die bed-oefeninge vir die vervangde heupe, soos voorheen.

Hoe het jy dit gedoen? Soos hierbo.

Hoe het jy die drie ure oefentyd op vlak 4 ervaar?  Soos hierbo

Hoe het die verlaging na vlak 3 jou geraak? Juis omdat ek huisgebonde is, het dit nie veel verandering teweeg gebring nie. Dit was goed om weer ‘n drankie te kon drink

Waaroor was jy bly toe vlak 3 aanbreek? Soos hierbo.

Waaroor was jy kwaad toe vlak 3 aanbreek?  Dan die rook van sigarette steeds verbode was!  Dat ons sosiale verkeer steeds ingeperk was.

Hoe vaar jy op hierdie stadium (na 100 dae) oor die algemeen emosioneel?  Dit wissel steeds tussen vrees vir en aanvaarding van hierdie onnatuurlike situasie waarin ons almal ons bevind.

Is jy finansieel erg geraak? Nie erg nie, en ek help ander finansieel op ‘n klein manier om kop bo water te probeer hou.

Wat is nou vir jou die moeilikste?  Die moeilikste is om van maand tot maand te hoor dat hierdie pandemie nie tot ‘n einde kom nie, dit maak mens moedeloos. Bitter jammer vir mense wat hulle werk verloor het, wat moet honger ly, wat geen hoop op ‘n beter toekoms het nie.

Wat kan jy uit die ervaring haal wat positief is?  Huismense wat nader na mekaar beweeg, die liefde en bystand van vriende per e-posse, dat mense oor die algemeen meer vir mekaar omgee en help, op watter wyse ookal.

Bly jy op datum met die Covid 19-situasie in SA? Ja.

Deur watter medium? Hoe gereeld kyk/luister jy na nuus oor Covid 19? Die pers, TV, artikels deur kundiges en sosiale media.

Hoe beïnvloed die voortdurende nuus oor die virus jou emosioneel?  By tye raak mens afgestomp en voel of jy asseblief niks meer wil weet of hoor nie.

Bly jy op hoogte van die oorsese situasie?Ja

Is daar spesifieke lande waarin jy belangstel? Nee

Hoekom? Dit bly maar ‘n wereldwye ding en mens wil nie vergelykings tref met wat in elk geval met beperkte kennis nie altyd in die kol sal wees nie.

Hoe beïnvloed die stygende sterftesyfer in SA jou?  Bekommerd, veral oor die jonger geslag

Wat sou jy anders doen as jy nou die ervaring van vooraf kon begin?   Hierdie is iets wat niemand sien kom het of verstaan nie. Dis ‘n virus onbekend selfs aan die medici en meeste van ons het maar in die donker rondgetas. Ek sou beslis nie weet wat anders ek sou gedoen het nie.  AS ons langer hier op Vlak 5 gebly het, kon daar redeneer word dat daar nie soveel mense aangesteek sou word nie. Maar hoe ‘n invloed sou dit hê op werkloosheid en die ekonomie van ons land?  Dit kan nie teen mekaar opgeweeg word nie. Catch 22.  Hierdie virus is groter as die mens.

Wat sal jy presies dieselfde doen as jy van vooraf kon begin?   My omstandighede is weens ouderdom, immobiliteit en ander gesondheidskwale van so ‘n aard dat daar eintlik niks is wat anders as juis nou sou wees nie.

Ken jy iemand wat Covid 19 opgedoen en herstel het? Nee

Het iemand na aan jou al aan Covid 19 gesterf? Nee

100 dae van inperking: Bobbejaan

[image error]

Shoppers line up outside a supermarket in the township of Khayelitsha. On day nine of the lockdown, there was a two-hour wait to get into the store.

Ouderdom: 66
Beroep: Konsultant
Huwelikstatus: Enkel
Waar woon jy? Strand
Alleen? Wie saam met jou? (Name is nie nodig nie.) Net ek
In watter opsig(te) beskou jy jou situasie tydens inperking as uniek of besonder uitdagend?
Hoe het jy gevoel toe die noodtoestand afgekondig is? Geskok maar het dit verwag agv wereldwye tendens.
Hoe het jy gevoel toe algehele inperking (vlak 5)afgekondig is? Geskok, maar het aanvaar en het beplan dienooreenkomstg
Hoe het jy die drie dae direk voor inperking deurgebring? Vir oulaas gereedgemaak. Nodige inkopies, vir oulaas belangrike kuiers ingekry met vriende en familie
Hoe het jou lewe met inperking op vlak 5 verander? Alleen. Ophou reis (ek was konstant op dreef) Werk. Alle werk het opgehou.
Wat was die moeilikste tydens vlak 5? Werk en die gepaardgaande stimulasie en “sense of fulfilment”
Wat is vir jou positief tydens vlak 5? Om in touch te kom met myself meer as gewoonlik. Refleksie, begin meer lees.
Hoe het die mense gevaar wat saam met jou ingeperk was? NVT
Hoe het jy die verlenging van vlak 5 ervaar? Teleurgesteld, mar weereens aanvaar agv noodsituasie.
Wat het jy die meeste gemis op vlak 5? Kontak, kuier, agv alleen wees die gemis aan face to face gesamentlikheid en die warmte en humor was net in daai konteks kan gebeur
Hoe het die verandering na vlak 4 jou geraak? Was ‘n verligting om te kan loop.
Waaroor was jy bly met die verlaging na vlak 4? Dat ek kan stap!!!!!
Waaroor was jy kwaad met die verlaging na vlak 4? Kan nie onthou met watter vlak dit gekom het nie maar die drank en sigaret ban wat vir my irrasioneel en kontra produktief is en dit sotlikhede van ooptoon skoene en dat jy op ‘n sypaadjie mag stap maar nie op ‘n oop strand nie.
Is jy iemand wat voor inperking gereeld geoefen het? Nee
Het jy tydens vlak 5 geoefen? Min maar bietjie

Hoe het jy dit gedoen? In gange op en af loop in woonstelkompleks en trappe op en af klim.
Hoe het jy die drie ure oefentyd op vlak 4 ervaar? Fantasties vir stap maar frustrerend oor die sotlikheid weereens van reels wat mense wil laat kontak vermy maar hulle forseer om op dieselfde tyd te “oefen”.Hoe het die verlaging na vlak 3 jou geraak? Goed. Voel meer gerus. Stadige terugkeer na normaliteit is goed.
Waaroor was jy bly toe vlak 3 aanbreek? Enige tyd gaan stap. Kontak met mense makliker.
Waaroor was jy kwaad toe vlak 3 aanbreek? Dat sigarette en drank steeds verbode bly. (al rook ek nie en drink nie so baie nie). En toenemend dat die regering nie doen wat hulle belowe tov die armes nie, en die korrupsie wat toeneem.
Hoe vaar jy op hierdie stadium (na 100 dae) oor die algemeen emosioneel? Ok, soms bietjie down, sad. Ergste is dat ek nie my ma kan sien in die versorgingsoord nie.
Is jy finansieel erg geraak? JA baie erg. Geen werk nie.
Wat is nou vir jou die moeilikste? Die magteloosheid. Voel op die kantlyn van die lewe.
Wat kan jy uit die ervaring haal wat positief is? Baie, waardering vir tyd, mense is verdiep. EN ‘n massiewe bewustheid van my bevoorregting in die land van ons. EK eet lekker, leef goed. Baie het niks daarvan nie.
Bly jy op datum met die Covid 19-situasie in SA? Grootliks
Deur watter medium? Hoe gereeld kyk/luister jy na nuus oor Covid 19? Koerante. Sosiale media
Hoe beïnvloed die voortdurende nuus oor die virus jou emosioneel? Dis verwarrend. Ook vreesaanjaend. Mens wil nie graag een van die statistieke word nie en nog minder veroorsaak dat iemand anders dit word.
Bly jy op hoogte van die oorsese situasie? Min of meer.
Is daar spesifieke lande waarin jy belangstel? Afrika…
Hoekom? Is waar ons is.


Hoe beïnvloed die stygende sterftesyfer in SA jou? Dis vreesaaanjaend.
Wat sou jy anders doen as jy nou die ervaring van vooraf kon begin? Gereelder oefen rooster opstel van wat om te doen, lees internet, vriende bel ens.
Wat sal jy presies dieselfde doen as jy van vooraf kon begin?viriende en familie bel en sinvolle gesprekke hê. Lees. Langs die see af loop.
Ken jy iemand wat Covid 19 opgedoen en herstel het? Ja
Het iemand na aan jou al aan Covid 19 gesterf? Ja (redelik na)

 

100 dae van inperking: Eleanor van Zyl

[image error]

Left: Security guards dispense hand sanitizer to shoppers entering a mall in the suburb of Noordhoek, Cape Town. Right: shoppers select fresh fruit and vegetables.

Ouderdom: 55
Beroep: Verspreider van verfverwante produkte
Huwelikstatus: Geskei
Waar woon jy? Bellville
Alleen? Wie saam met jou? (Name is nie nodig nie.) My dogter en seun
In watter opsig(te) beskou jy jou situasie tydens inperking as uniek of besonder uitdagend? Was reeds onder enorme finasiële druk agv totale verlies van besigheid na 2 inbrake en diefstal van alle voorraad en toerusting.
Hoe het jy gevoel toe die noodtoestand afgekondig is? Vreesbevange, want ek het reeds die gevolge begin voel en besef in Januarie – Februarie.
Hoe het jy gevoel toe algehele inperking (vlak 5)afgekondig is? Verslae en of die mat finaal onder my voete uitgeruk word.
Hoe het jy die drie dae direk voor inperking deurgebring? Elke miniuut gebruik om nog ‘n laaste paar sente te verdien. Het darem onthou om tussendeur toiletpapier en nie-bederfbare kos aan te koop.  Nie uitermate nie.
Hoe het jou lewe met inperking op vlak 5 verander?Ek het vroeg opgestaan en met ‘n koppie koffie en beskuit in die tuin gesit en probeer sin maak oor hoe nou verder. Ek het soms my gevoelens geteken en geskryf.
Wat was die moeilikste tydens vlak 5? Geen kontak met vriende en familie en die gevoel van magtelose onsekerheid.

Wat is vir jou positief tydens vlak 5? Daar was tyd vir alles waarvoor daar nooit andersins tyd was nie. Ordentlik voorbereide etes saam met my gesin. Tyd om in my tuin te werk en take in en om die huis te doen.
Hoe het die mense gevaar wat saam met jou ingeperk was? Heelwat verbetering in die verhouding tussen broer en suster en daarom ‘n kalmte in die huis.
Hoe het jy die verlenging van vlak 5 ervaar? Gelate, want die koeël was nou klaar deur die kerk.
Wat het jy die meeste gemis op vlak 5? Die see en natuur.
Hoe het die verandering na vlak 4 jou geraak? Dit het ‘n mate van bevryding gebring, maar ook ‘n vrees van waar ek fondse gaan kry om weer van onder af te begin.
Waaroor was jy bly met die verlaging na vlak 4? Ons kon gaan stap.
Waaroor was jy kwaad met die verlaging na vlak 4? Die onnodige inperkings wat nie sin gemaak het nie soos verbod op rook. Rook nie self nie, maar dit het mense se fokus laat verskuif na ontevredenheid en onmin en daar het skielik ‘n verdeeldheid ontstaan.
Is jy iemand wat voor inperking gereeld geoefen het? Ja – gereeld gaan stap en my werk verg ook fisiese krag wat my gesond en fiks hou.
Het jy tydens vlak 5 geoefen? Ja
Hoe het jy dit gedoen? Kon nie gaan stap nie, maar het baie hard binne en buite die huis gewerk.
Hoe het jy die drie ure oefentyd op vlak 4 ervaar? Dit is goed om in die oggend te begin met oefening.
Hoe het die verlaging na vlak 3 jou geraak? Het verligting gebring. Daarmee saam die wonder en vrees oor waar die geld vir alle agterstallige betalings moet kom.
Waaroor was jy bly toe vlak 3 aanbreek? Almal in ons huis kon begin werk.
Waaroor was jy kwaad toe vlak 3 aanbreek? Oor die ellende en verwoesting wat gesaai is en die onvermoë van die regering om na die land se nood na basiese behoeftes om te sien.
Hoe vaar jy op hierdie stadium (na 100 dae) oor die algemeen emosioneel? Ervaar uitermatige stres en slapeloosheid agv finansiële nood.
Is jy finansieel erg geraak? Tot op die rand van boedel oorgee, maar ek sal bly glo dat daar ‘n wonderwerk sal gebeur, want dit is al wat my sal red.
Wat is nou vir jou die moeilikste? Om in die nag te slaap.
Wat kan jy uit die ervaring haal wat positief is? Die natuur het gerus, mense kon rustiger wees en tyd saam met hulle gesinne spandeer. Tyd om terug te sit en oor die doel en waardes van sekere dinge te reflekteer.
Bly jy op datum met die Covid 19-situasie in SA? Ek probeer my oor teen die grond hou, maar is meer selektief en volg nie meer die syfers so slaafs soos aan die begin nie.
Deur watter medium? Hoe gereeld kyk/luister jy na nuus oor Covid 19? RSG wanneer ek rondry in die dag met aflewerings.
Hoe beïnvloed die voortdurende nuus oor die virus jou emosioneel? Vrees dat ek of een van my naastes dit sal opdoen.
Bly jy op hoogte van die oorsese situasie? Nie in detail nie. Net die hooftrekke.
Is daar spesifieke lande waarin jy belangstel? Australië
Hoekom? Vriende het aan die begin van die jaar daarheen emigreer.
Hoe beïnvloed die stygende sterftesyfer in SA jou? Wanneer die syfers van sterftes bekend gemaak word raak dit my baie diep. Die besef hoe onmenslik erg dit vir die persoon wat gesterf het en die naasbestaandes moet wees om so alleen en verwyderd van omgee te moet sterf of iemand te verloor.
Wat sou jy anders doen as jy nou die ervaring van vooraf kon begin? Ek kan nie regtig aan iets dink nie. Ek het my tyd so goed as moontlik benut om met nuttige en positiewe dinge besig te bly.  Ek sou dalk vroeër begin maskers maak het en minder gestres het. Al die stres het my niks in die sak gebring nie, behalwe ‘n naar kol op die maag.
Wat sal jy presies dieselfde doen as jy van vooraf kon begin? Vroeg opstaan. Tyd maak vir koffie in die oggend. Tyd vir rustige etes. Tyd spandeer saam met my gesin. Baie aandag aan die diere. Tyd maak vir stokperdjies.
Ken jy iemand wat Covid 19 opgedoen en herstel het? Ja ‘n hele paar mense.
Het iemand na aan jou al aan Covid 19 gesterf? Gelukkig nie.

 

 

100 dae van inperking: Dibi Symington

[image error]

Ouderdom: 29 jaar en 236 maande
Beroep: Staatsaanklaer
Huwelikstatus: Getroud
Waar woon jy? Vryheid, KZN
Alleen? Wie saam met jou? (Name is nie nodig nie.) Man, twee kinders, skoonouers en Boston Terriër
In watter opsig(te) beskou jy jou situasie tydens inperking as uniek of besonder uitdagend? My man en skoonouers is al drie in die hoërisiko-groep as gevolg van ouderdom en onderliggende gesondheidsprobleme. Ek het egter deurgaans gewerk (werk met die publiek) en is ergo ERG oor persoonlike ontsuiwering – stort ten minste twee en dertig keer ‘n dag, ontsmet hande, hare, klere en skoene elke keer as ek by die huis kom, sosiale distansiëring; die hele pakket en nog.
Hoe het jy gevoel toe die noodtoestand afgekondig is? Ambivalent. Aanvanklik vol verwagtinglose blymoedigheid. Ek het egter van die begin af my bedenkinge gehad oor die grondwetlikheid daarvan en moet bieg – aanvanklik was ek dankbaar oor die ekstra tyd want ek was besig om ‘n manuskrip klaar te maak – maar hoe langer ons daarin is, hoe meer is dit duidelik dat die land se beste belang nie noodwendig die regering se hoogste prioriteit is nie. Vir die eerste keer begin ek nou moerig, opstandig, rebels en plain moeilik raak.
Hoe het jy gevoel toe algehele inperking (vlak 5)afgekondig is? Ek het steeds gewerk, so dit het my nie te veel geraak nie.
Hoe het jy die drie dae direk voor inperking deurgebring? Ek was in die Kaap en het die Swartbergpas deurkruis.
Hoe het jou lewe met inperking op vlak 5 verander? Sien 10
Wat was die moeilikste tydens vlak 5? Om my man met sy gesondheidsprobleme veilig te hou
Wat is vir jou positief tydens vlak 5? Die hele land was positief. Dit was asof daar ‘n samehorigheidsgevoel was; asof ons almal saam in die ding was.
Hoe het die mense gevaar wat saam met jou ingeperk was? Hulle het beslis almal gewig opgetel!
Hoe het jy die verlenging van vlak 5 ervaar? Met geringe irritasie, maar steeds met blymoedigheid.
Wat het jy die meeste gemis op vlak 5? Eerlik nie veel nie. Ek was nie so ingeperk as baie ander nie – my werk is tot noodsaaklike diens verklaar. Dit was maar steeds die roetine van werk en huis. Ek dink egter die res van die gesin het gesukkel om aan hulle verlies aan vryheid gewoond te raak.
Hoe het die verandering na vlak 4 jou geraak? Net soos met die vorige vrae, nie te veel nie.
Waaroor was jy bly met die verlaging na vlak 4? Die geringe uitbreiding van vryhede. Dit was egter so min, dit het nie veel van ‘n verskil gemaak nie.
Waaroor was jy kwaad met die verlaging na vlak 4? Die regering se roekelose en somtyds gemene manier waarop hulle onsinnige en drakoniese maatreëls afgeforseer het.
Is jy iemand wat voor inperking gereeld geoefen het? Nee
Het jy tydens vlak 5 geoefen?

100 dae van inperking: Danie Botha

[image error]

A man walks across a deserted square in central Cape Town, South Africa, two weeks into the country’s coronavirus lockdown.

Ouderdom: 64
Beroep: Vryskutskrywer
Huwelikstatus: Ongetroud
Waar woon jy? Buite Napier op n kleinhoewe, Wes-Kaap.
Alleen? Wie saam met jou? (Name is nie nodig nie.) Alleen.
In watter opsig(te) beskou jy jou situasie tydens inperking as uniek of besonder uitdagend? Omdat ek alleen is, mis ek menslike kontak meer as gewoonlik nou.
Hoe het jy gevoel toe die noodtoestand afgekondig is? Ek het dit aanvaar want ek het die motivering daaragter ondersteun.
Hoe het jy gevoel toe algehele inperking (vlak 5) afgekondig is? Ek was onrustigerig, maar ek het geglo dis belangrik om dit te doen.
Hoe het jy die drie dae direk voor inperking deurgebring? Niks besonder nie, dag-tot- dingetjies gedoen. Normaal.
Hoe het jou lewe met inperking op vlak 5 verander? Meer afgesonder as voorheen, maar aanvanklik was dit nie so erg nie; ek het verstaan waarom dit gedoen word.
Wat was die moeilikste tydens vlak 5? Om niemand te mag sien nie.
Wat is vir jou positief tydens vlak 5? Ek het geglo dis goed omdat dit n belangrike doel sou dien.
Hoe het die mense gevaar wat saam met jou ingeperk was? Ek was alleen.
Hoe het jy die verlenging van vlak 5 ervaar? Ek het dit aanvaar omdat dit nodig was, al was dit nie lekker nie.
Wat het jy die meeste gemis op vlak 5? Mense.
Hoe het die verandering na vlak 4 jou geraak? Geen groot verandering nie, ook nie in my gemoed nie.
Waaroor was jy bly met die verlaging na vlak 4?
Ek kon begin uitsien na meer positiewe stappe in die toekoms.
Waaroor was jy kwaad met die verlaging na vlak 4? Niks spesifieks nie.
Is jy iemand wat voor inperking gereeld geoefen het? Gereeld nee, maar soms.
Het jy tydens vlak 5 geoefen? So ‘n bietjie.
Hoe het jy dit gedoen? Gestap hier op my werf (ek het ruimte).
Hoe het jy die drie ure oefentyd op vlak 4 ervaar? Dit het my nie juis geraak nie omdat ek wel hier kan stap.
Hoe het die verlaging na vlak 3 jou geraak? Gemoedstoestand meer positief.
Waaroor was jy bly toe vlak 3 aanbreek? “Voor in die wapad brand ‘n lig.”
Waaroor was jy kwaad toe vlak 3 aanbreek? Niks juis nie.
Hoe vaar jy op hierdie stadium (na 100 dae) oor die algemeen emosioneel? Minder goed as wat ek sou wou.
Is jy finansieel erg geraak? Darem nie. GELUKKIG nie.
Wat is nou vir jou die moeilikste? Om te voel ek is nie ‘vry’ nie. Beperk tov van rondbeweeg.
Wat kan jy uit die ervaring haal wat positief is? Heelwat mense begin besef “Not everything is about ME.”
Bly jy op datum met die Covid 19-situasie in SA? Ja
Deur watter medium? Hoe gereeld kyk/luister jy na nuus oor Covid 19? Ek kyk NOOIT TV nie. Ek raadpleeg die internet, en koop koerante.
Hoe beïnvloed die voortdurende nuus oor die virus jou emosioneel? Maak my onrustig.
Bly jy op hoogte van die oorsese situasie? Redelik.
Is daar spesifieke lande waarin jy belangstel? Europa en Amerika
Hoekom? Ek het vriende daar.
Hoe beïnvloed die stygende sterftesyfer in SA jou? Maak my onrustig.
Wat sou jy anders doen as jy nou die ervaring van vooraf kon begin? Dalk meer, wanneer ek kon, wou uitkom.
Wat sal jy presies dieselfde doen as jy van vooraf kon begin? Die nuus bly volg.
Ken jy iemand wat Covid 19 opgedoen en herstel het? Ja, n Hollandse vriendin.
Het iemand na aan jou al aan Covid 19 gesterf? Nee.

100 dae van inperking: Christelle

[image error]Beroep: Tuisblyma, dws Manager of All

Huwelikstatus: Getroud

Waar woon jy? George

Alleen? Wie saam met jou? Man en twee seuns

In watter opsig(te) beskou jy jou situasie tydens inperking as uniek of besonder uitdagend? Eintlik glad nie. Ons huis, tuin en uitsig is groot genoeg, en ons was nie in krisis nie,

Hoe het jy gevoel toe die noodtoestand afgekondig is? Ons het dit verwag. Ons het ook Ierland dopgehou en min of meer geweet wat kom.

Hoe het jy gevoel toe algehele inperking (vlak 5)afgekondig is? Ons was voorbereid, hetgenoeg aankope vooraf gedoen en geweet dat die skool ook voorbereid iwas vir ten minste ses weke. Ons is gelukkig om nie ingehok te voel nie, want ons kyk uit op ’n groen area en ons huis is groot genoeg sodat ons nie op mekaar se tone trap nie.

Hoe het jy die drie dae direk voor inperking deurgebring? Laaste aankope van ekstra vars produkte wat ons sou nodig hê, verder was ons eintlik rustig.

Hoe het jou lewe met inperking op vlak 5 verander? Nie te erg. Twee weke daarvan was “skoolvakansie” en vir die eerste maal in jare het ons nie kuiergaste gehad nie:-(  Almal het dit benut as ’n RUStyd. Ek hanteer in elk geval self die wasmasjien en skottelgoedwasser, so dit was nie ekstra werk nie. Ons het Vlak 5 letterlik op die stoep deurgebring,

Wat was die moeilikste tydens vlak 5? Om nie te kon uitgaan om bv fiets te ry na die dam nie, of ver te hardloop (my man).

Wat is vir jou positief tydens vlak 5? Ons kon letterlik RUS en ons lewe kleiner trek.

Hoe het die mense gevaar wat saam met jou ingeperk was? Almal was rustig.

Hoe het jy die verlenging van vlak 5 ervaar? Pfff…het dit verwag.

Wat het jy die meeste gemis op vlak 5? Om te kon uitgaan strand toe, dam toe, buite en ver te oefen.

Hoe het die verandering na vlak 4 jou geraak? Ons het dit geniet om ver te gaan stap en weer te kon fietsry. Die tye het ons nie gepla nie, want ons is in elk geval oggendmense wat vroeg op en uit is. My man kon ook weer werk toe ry (Gauteng).

Waaroor was jy bly met die verlaging na vlak 4? Sien bo.

Waaroor was jy kwaad met die verlaging na vlak 4? Die sinnelose regulasies wat bv stap op strand of in parke verbied.

Is jy iemand wat voor inperking gereeld geoefen het? Ja.

Het jy tydens vlak 5 geoefen? Ja, ons het ’n rondtebaan in die tuin uitgelê. Ek het 3-5 km gestap of gedraf, my man het tussen 10-21 km gedraf. Ons het ook CrossFit-gebaseerde oefening gedoen.

Hoe het jy die drie ure oefentyd op vlak 4 ervaar? Dit was heerlik om buite te kom en soveel meer mense op straat te kry. Dit skep ’n baie veilig omgewing.

Hoe het die verlaging na vlak 3 jou geraak? Lewe amper terug normaal. Skool het weer begin, my man ry steeds Gauteng toe en kon reeds een maal vlieg via CT.

Waaroor was jy bly toe vlak 3 aanbreek? Meer normaliteit i.t.v. van mense wat kan werk, ek kon weer Pilatesklas toe gaan.

Waaroor was jy kwaad toe vlak 3 aanbreek? Steeds sinnelose regulasies. En mense wat die verligting van die inperking uitbuit en hulself te buite gaan.

Hoe vaar jy op hierdie stadium (na 100 dae) oor die algemeen emosioneel? Sekerlik okei. Ek het op ’n stadium kontak begin mis, hoewel my vriendekring klein en spesifiek is. Maar ons reël om maats te ontmoet tydens stappe by die dam, dan kan die kinders en ma’s kuier.

Is jy finansieel erg geraak? Nee, dank Vader.

Wat is nou vir jou die moeilikste? Ons die huis stofvry te hou! Ons het goed gedoen tot nou, bietjie lui die laaste maand.

Wat kan jy uit die ervaring haal wat positief is? Mens kan met baie minder regkom, mens kan jou reaksie op wat ookal om jou gebeur, eintlik goed bestuur. MAAR dit is ook maklik gesê want ons beleef nie ’n krisis nie.

Bly jy op datum met die Covid 19-situasie in SA? So een keer ’n week.

Deur watter medium? Hoe gereeld kyk/luister jy na nuus oor Covid 19? Worldometer en enkele berigte in die Burger.

Hoe beïnvloed die voortdurende nuus oor die virus jou emosioneel? Nie veel. Soms bekommerd, maar kyk dan net na statistiek, en voel weer beter.

Bly jy op hoogte van die oorsese situasie? Ja.

Is daar spesifieke lande waarin jy belangstel? Ierland

Hoekom? My sus woon daar.

Hoe beïnvloed die stygende sterftesyfer in SA jou? Ek kyk uit ’n wetenskaplike oogpunt na die stastiek, in ag genome dat die syfers wel dubbeld kan wees, en ondergerapporteer kan wees en vergelyk dit met tipies Suid-Afrikaanse statistieke van ander risikos.

Wat sou jy anders doen as jy nou die ervaring van vooraf kon begin? Beter roetine met my seuns, en beter roetine na vlak 4 met my eie oefening tuis. ’n Vloerwasmasjien koop voor inperking.

Wat sal jy presies dieselfde doen as jy van vooraf kon begin? Weer rustig wees oor alles.

Ken jy iemand wat Covid 19 opgedoen en herstel het? ’n Vriendin se gewese man was baie siek in London, en het herstel na hy geventileer moes word. “n Pta-vriendin en haar gesin is siek en tans op herstelpad, asook my niggie, ’n dokter by ’n staatshospitaal.

Het iemand na aan jou al aan Covid 19 gesterf? Nee