Alta Cloete's Blog: www.altacloete.wordpress.com, page 12

100 dae van inperking: Marietjie

 

[image error]

Ouderdom: 54

Beroep: Huisvrou

Huwelikstatus: Getroud

Alleen of saam met iemand: Saam met man en twee volwasse kinders en een skolier.

Besondere uitdagings: Ons huwelik was op die rotse, maar weens inperking moes ons onder een dak bly. Oudste dogter het ook teruggetrek huis toe.

Gevoel toe noodtoestand afgedkondig is: Vreemd opgewonde oor die nuwigheid.

Gevoel toe algemene inperking afgekondig is: Bekommerd oor hoe dit die land se ekonomie sou raak. Ook bekommerd oorr my bejaarde ma se gesondheid.

Hoe het jy die drie dae voor inperking spandeer? Kos en medisyne gekoop. Saam met mense in toue gestaan en stories gedeel.

Hoe het jou lewe tydens vlak 5 verander? Ek was baie gelukkig om ‘n tydelike werk te kry. Het weer naaldwerk begin doen.

Wat was moeilik tydens vlak 5? Die totale gebrek aan vryheid, veral wat buite draf betref het. Kuiers in koffiewinkels gemis.

Positief tydens vlak 5? Ons gesin het gereeld saam kaart gespeel en tema-aande gehou waar kos en kleredrag volgens ‘n bepaalde land sou wees.

Hoe het die mense saam met jou gevaar? Aanvanklik rustig en goed.

Hoe het jy die verlenging van vlak 5 ervaar? Die verlenging was frustrerend. Ook baie erg om van mense se ekonomiese onsekerheid en swaarkry te hoor.

Wat het jy die meeste tydens vlak 5 gemis? Buite draf

Hoe het die verandering na vlak 4 jou geraak? Bietjie meer vryheid maar ook meer vrees om die virus op te doen.

Waaroor was jy bly tydens vlak 4? Buite oefen en aanlyn inkopies.

Waaroor was jy kwaad tydens vlak 4? Reëls wat nie sin gemaak het nie en onmenslik was in my oë, soos sigarette wat verban was.

Het jy voor inperking geoefen? Ja

Het jy tydens inperking geoefen? Ja

Hoe het jy tydens inperking geoefen? Skelm gaan draf en persoonlike afrigter het programme uitgewerk wat ons tuis kon doen.

Hoe het jy die drie ure oefentyd op vlak 4 ervaar? Aanvanklik fantasties om buite te kon kom en al die ander vrolike gesigte te kon sien. Later gefrustreerd oor die opeenhoping en dat net sekere mense voordeel uit die drie ure soggens kon trek.

Hoe het die verlaging na vlak 3 jou geraak? Vasgenael voor tv gesit om te hoor wat dit presies sou behels.

Waaroor was jy bly op vlak 3? Klerewinkels wat oopgemaak het.

Waaroor was jy kwaad met vlak 3? Van die reëls het steeds geen sin gemaak nie. Vertroue in regering verloor veral omdat hulle nie uit een mond gepraat het nie. Ontsteld omdat van die finansiële hulppakette nie vir blankes toeganklik was nie.

Hoe vaar jy op hierdie stadium (na 100 dae) emosioneel? Danksy werk wat struktuur aan my dag gee, emosioneel stabiel. Huislike omstandighede uitdagend.

Is jy finansieel erg geraak? Nee

Wat is nou vir jou die moeilikste? Onsekerheid oor ons land se toekoms.

Wat kon jy uit die ervaring haal wat positief is? Nouer verhouding met kinders.

Bly jy op datum met die situasie in SA? Ja

Hoe bly jy op datum? News 24, BBC, CNN. KykNet se nuus.

Hoe beinvloed die voortdurende nuus oor die pandemie jou? Ek hou daarvan om op hoogte te bly.

Bly jy op hoogte van die situasie oorsee? Ja

Spesifieke lande? Amerika, Brasilië, Indië, New Zealand, Fiji, Europa

Hoekom? Syfers styg baie, familie daar.

Hoe voel jy oor die stygende syfers in SA? Dit styg nie soveel dat dit my persoonlik bang maak nie.

Wat sou jy tydens inperking anders gedoen het? Aangedring het dat my man ander verblyf kry.

Wat sou jy dieselfde gedoen het? Tyd met kinders spandeer.

Ken jy iemand wat die virus opgedoen en herstel het? Ja

Ken jy iemand wat gesterf het? Nee

100 dae van inperking: Brazelle

[image error]

Ouderdom: 63
Beroep: Uitgewer
Huwelikstatus: apart
Waar woon jy? Kaapstad
Alleen? Wie saam met jou? (Name is nie nodig nie.) Dogter in laat 20s.
In watter opsig(te) beskou jy jou situasie tydens inperking as uniek of besonder uitdagend? Hemel vir ‘n introvert, maar alleen sou ek dit seker nie kon baasraak nie.
Hoe het jy gevoel toe die noodtoestand afgekondig is? My dogter het my weke lank al berispe omdat ek so onverantwoordelik is en uitgaan na restaurante, boekklub, vriende, ens. Toe besef ek dis ernstig, en dit het ‘n mate van berusting gebring toe die noodtoestand gekom het. Toe kom my fatalisme tot ‘n val.
Hoe het jy gevoel toe algehele inperking (vlak 5)afgekondig is? Ek het dit verwag, maar die tydsberekening was ‘n groot skok want daardie volgende naweek, sou ek en vriendinne weggaan na ‘n baie idilliese, stil Weskusdorp. Ons het almal so lank daarna uitgesien. Ons het selfs planne gemaak hoe ons mekaar met afstand sou respekteer en het reeds gewerk aan die skoonmaakroetine, sodat almal veilig kon bly.
Hoe het jy die drie dae direk voor inperking deurgebring? ‘n Vriendin was hier van ‘n ander stad. Ons was saam op skool, en dit was heerlik om tyd saam deur te bring, en onbevange te gesels. Ons het saam ‘n boekklubvergadering bygewoon en die bespreking baie stimulerend gevind. Op die Donderdag het ‘n vriendin verjaar. So ses van ons het die koek en tee by ‘n restaurant geniet, maar ek was teleurgestel dat so min mense opgedaag het (ter wille van die vriendin). Ek het ten duurste betaal vir ‘n kompakte waterverfstel omdat ek meer kreatief wou wees tydens inperking.
Hoe het jou lewe met inperking op vlak 5 verander? As semi-afgetree is struktuur in my week baie belangrik. Daar is groepe en klasse en  byeenkomste wat ek as baie belangrik ag, en skielik het dit alles weggeval. My week se struktuur het verdwyn, en eensaamheid het aan die deur kom klop.
Wat was die moeilikste tydens vlak 5? Die gereelde, beplande kontak wat skielik verbreek is. As introvert is dit vir my moeilik om uit te reik, maar lekker om wel soms tussen mense te wees. As die kontak gestruktureerd is, soos met Bybelstudie of hekelgroep, is dit lekker en maklik, en voorsien dit in my behoefte vir kontak.
Wat is vir jou positief tydens vlak 5? Die stilte. Ek was absoluut mal daaroor. Ek is baie geraas/geluidsensitief, en dit was eenvoudig hemels vir my. Ek het ook vir heelwat aanlyndinge ingeskryf soos ‘n kursus oor emosionele intelligensie, kunsklasse, pilates, ens, ens.
Hoe het die mense gevaar wat saam met jou ingeperk was? My dogter is ook ‘n introvert. Ons seg albei baie dankie vir sosiale media, altyd, maar spesifiek in hierdie tyd.
Hoe het jy die verlenging van vlak 5 ervaar? Gelukkig het die kursusse aangehou, en het ek al hoe meer vertroud begin raak met Zoom, wat vir my kontak op ‘n afstand bly gee het.
Wat het jy die meeste gemis op vlak 5? Menslike kontak. Ek is nie lief vir ‘n foon nie. Bel was dus nie werklik vir my ‘n opsie nie.
Hoe het die verandering na vlak 4 jou geraak? Soms het dit my ontstel, want dinge het raserig begin raak. Dit was egter lekker om te kon uitkom en te gaan stap.
Waaroor was jy bly met die verlaging na vlak 4? Dat ek my ander kind meer gereeld kon sien. Hy was in isolasie vir ‘n paar weke tydens vlak 5, weens moontlike blootstelling aan die virus op almal se lippe, maar tydens vlak 4 kon ons darem saam gaan stap.
Waaroor was jy kwaad met die verlaging na vlak 4? Kan nie aan iets dink nie. Dit het my eintlik verbaas dat ek so kalm en rustig was, en selde geirriteerdheid ervaar het; woede glad nie.
Is jy iemand wat voor inperking gereeld geoefen het? Wel, nou ja, ‘n bietjie stap. En waterpilates.
Het jy tydens vlak 5 geoefen? Ja, my skoonsus het smorens op Facebook  aanlynpilatesklasse aangebied en ek het my inkopies te voet gedoen.
Hoe het jy dit gedoen? Aanlyn, binnenshuis. Ek het soms winkels toe geloop.
Hoe het jy die drie ure oefentyd op vlak 4 ervaar? Dit was bietjie vroeg. In my omgewing het dit soos Adderleystraat gelyk! Mense oral, honde oral, kinders op fietse –  net te veel.
Hoe het die verlaging na vlak 3 jou geraak? Aangesien ek nie voltyds werk nie, het dit my nie veel geaffekteer nie. Ek het wel ervaar dat wanneer ek winkels toe gaan, is ek totaal verstom oor mense se gebrek aan sosiale afstand. Dit het my uit die winkels gehou.
Waaroor was jy bly toe vlak 3 aanbreek? Dat daar weer ‘n hupstoot in die ekonomie sou kom. Dat dinge dalk weer normaal sal word …
Waaroor was jy kwaad toe vlak 3 aanbreek? Mense se domheid oor sosiale afstand. Dat die virus nog steeds met ons was en nog nie eers sy kruin bereik het nie.
Hoe vaar jy op hierdie stadium (na 100 dae) oor die algemeen emosioneel? Dit raak nou net te veel. My wankelende geestestoestand het ‘n naam gekry, en ek is bekommerd oor die omvang van die virus in ons land. Ek is onseker oor wat die toekoms inhou. Ek ervaar net te veel dat ek my midde-in The Handmaid’s Tale bevind.
Is jy finansieel erg geraak? Ietwat, aangesien my huurder nie meer werk het nie. Ek moet mooi kyk na my begroting, goed beplan en terughou as dit kom by luukshede.
Wat is nou vir jou die moeilikste? Sal ek die nuwe normaal kan hanteer? Hoe maak ek nou met uitnodigings na mense se huise? Ek wil hulle nie in die gesig vat nie, maar ek wil ook nie alleen deur die lewe gaan nie. Ek praat dan maar oor my risikoprofiel en ko-morbiditeite. Ek is mal daaroor om op my eie in koffiewinkels rond te hang, maar ook met vriende. Dis glad nie meer vir my lekker nie. Met masker aan, is dit net uiters ongemaklik. Wanneer haal jy dit af? Dit voel of ‘n mens dit moet aanhou, aangesien die kelners bemasker is. Al is die tafels wyd versprei, sit mense by die tafels tog ‘n bietjie te na aan mekaar na my sin.
Wat kan jy uit die ervaring haal wat positief is? Wonderlike geleenthede vir aanlynlesings en -geprekke, musiekkonserte, teater en boekbekendstellings het my lewe heerlik gevul. As ‘n mens mooi soek en oordeelkundig is, kos dit min of niks!
Bly jy op datum met die Covid 19-situasie in SA? Ek was aanvanklik die Covidkenniskampioen, maar noudat die virus so erg maai in ons land, moet ek my teen al die stories en skokstatistieke staal. Ek vind ek is geneig om artikels oop te maak, en na ‘n paar sekondes net weer toe te maak omdat ek dit eenvoudig net nie kan hanteer nie.
Deur watter medium? Hoe gereeld kyk/luister jy na nuus oor Covid 19? Hoofsaaklik Facebook, Twitter en Media24. Daar is ‘n paar uitstekende joermaliste wat ek op Faceboek volg, en hulle is ‘n bron van uitstekende, beredeneerde en wetenskaplike inligting.
Hoe beïnvloed die voortdurende nuus oor die virus jou emosioneel?  Uit noodsaak moet myself terughou omdat ek maklik oorweldig kan raak. Ek dink soms ek ly aan pandemie-itis. Dit maak my moeg en dreineer my energie. Dit maak my depressief.
Bly jy op hoogte van die oorsese situasie? Ek luister gereeld na die WGO se persverklarings. Ek volg die situasie in die Amerikas op ‘n afstand, en word dikwels oorweldig deur die getalle.
Is daar spesifieke lande waarin jy belangstel? VSA, veral weens die oranje monster wat daar aan die hoof is se belaglikhede.
Hoekom? Sien 33.
Hoe beïnvloed die stygende sterftesyfer in SA  jou? Dit verstom my. Wanneer dit ook gebeur dat mense wat jy ken, sterf, dan voel jy jouself deel van die pandemie en kan jy baie meer met die statistiek identifiseer.
Wat sou jy anders doen as jy nou die ervaring van vooraf kon begin? Ek dink aan Traffic se liedjie “The low spark of high-heeled boys”, met die lirieke “ If you had just a minute to breathe, and they granted you one final wish, would you ask for something like another chest?”
Wat sal jy presies dieselfde doen as jy van vooraf kon begin? Ek dink aan Traffic se liedjie “The low spark of high-heeled boys”, met die lirieke “ If you had just a minute to breathe, and they granted you one final wish, would you ask for something like another chest?” (Let wel, die herhaling is nie ‘n fout nie. Dis so bedoel. ‘n Mens sou dit ook kon beantwoord met: Soos in 37.)
Ken jy iemand wat Covid 19 opgedoen en herstel het? Ja, ‘n klompie jong mense. Ek weet van mense van my ouderdom of ouer wat oorlede is. Ek het van baie gevalle gelees wat herstel het. Dit bring hoop.
Het iemand na aan jou al aan Covid 19 gesterf? “Na aan my” is relatief. Daar was ‘n tyd wat die persoon na aan my was. Dit het die skok nie minder gemaak nie.

 

100 dae van inperking: Julia Joubert

[image error]

Ouderdom: 48
Beroep: Onderwyseres
Huwelikstatus: Getroud
Waar woon jy? Paarl
Alleen? Wie saam met jou? (Name is nie nodig nie.) Man en 2 dogters
In watter opsig(te) beskou jy jou situasie tydens inperking as uniek of besonder uitdagend?

Uniek omdat ek nie soos gewoonlik my petrol tenk kon vul met my vriendinne se geselskap en koffie nie. Ek moes leer om dit wat ek nodig het uit myself te kry en nie uit ander mense nie. Ek moes leer om op ‘n heel ander manier oor my beroep te dink en dit anders te benader. My skool se kinders het nie almal toegang tot internet en google classroom nie, so ons moes ander plan maak. Daar is absoluut niks wat mens nie per whatsapp kan doen as jy moet nie (ek het klasgegee met demonstrasie videos en werkvelle per whatsapp)

Uitdagend omdat ons ons lewens heeltemal moes herontwerp. (Een keer per week inkopies doen en dan moes jy beplan waar en wanneer jy wat wil koop) Finansieel was dit baie uitdagend omdat ons slegs een inkomste gekry het en daarmee moes klaar kom. (Met genade van Bo het my salaris gerek en gerek en gerek en ons het niks kort gekom nie). Ek kon nie my ma wat in Huis Vergenoegd bly meer daagliks sien nie (genadiglik kan ons vir hulle inkopies doen en hulle wasgoed gaan haal. En hulle word super goed na gekyk en kry alles wat hulle nodig het). Dit is egter baie moeilik vir my om nie my ma te mag besoek nie.

Hoe het jy gevoel toe die noodtoestand afgekondig is?

Ek was onseker, bang en benoud oor wat vir ons voorlê. Maar soos die dae weke geword het, het ek die nuwe normaal aanvaar en maar die beste van ‘n slegte saak gemaak. Dit het baie gehelp dat my kinders by die huis was en hulle net normaal aangegaan het met hullle oefen programme en skoolwerk.

Hoe het jy gevoel toe algehele inperking (vlak 5)afgekondig is?

Dit was ‘n groot aanpassing en ek was onseker oor hoe ek die situasie sou hanteer.

Hoe het jy die drie dae direk voor inperking deurgebring?

Ek het skool gehou en alles in plek probeer kry vir ingeval die inperking aangekondig sou word. Ek het die nodige skoolwerk huis toe gevat en ook dit wat op die rekenaar gestoor is vir myself ge’mail’ sodat ek by die huis kon werk. Daar was toe reeds sprake van inperking. Ek het nie soos die ander mense die winkel ingevaar en alle moontlike brood, pasta en toiletpapier gaan koop nie (my budget het dit nie toegelaat nie) Ek het wel die gewone maandelikse inkopies gaan doen. Ek het seker gemaak my ma het die nodige kruideniersware sodat sy vir die volgende week of twee nie iets sou benodig.

Hoe het jou lewe met inperking op vlak 5 verander?

Waar ek elke dag gou winkel toe is om dit wat vir aandete nodig is te gaan koop, moes ek nou beplan wat ek vir die week nodig sou hê. (wat ‘n baie beter opsie is). Ek moes in ag neem hoeveel melk, eiers en vars produkte nodig is vir ‘n week.

Toe die skool eers “begin” het, het ons elke oggend die werk agter die rug gekry en dan moes die huis aan die kant kom.

Die lewe het baie meer teruggekeer na dit wat ek as kind as normaal ervaar het. Die pas van dinge doen was stadiger en almal was rustiger ten spyte van die onsekerheid.

Internettoegang het ook ‘n noodsaaklikheid geraak om op datum te bly met skoolwerk en klasse.

Wat was die moeilikste tydens vlak 5?

Om nie my vriendinne te kon sien vir koffie nie. Sosialisering.

Vir my kinders was dit ook die moeilikste deel van die inperking.

Wat is vir jou positief tydens vlak 5?

Ons het as gesin weer nader aan mekaar beweeg aangesien almal se lewens nie meer     so besig was nie. Ons kon weer rustig sit en koffie drink in die middag en in die aand saam ’n fliek kyk. Ek was meer betrokke by die kinders se skool/universiteits take en wat hulle gedoen het.

Hoe het die mense gevaar wat saam met jou ingeperk was?

My man het dit die moeilikste hanteer aangesien hy ‘n mate van depressie het. Hy moes ook vir ‘n tyd lank die werkloosheid ding in die gesig staar aangesien die boubedryf gesluit was en hulle nie kon werk nie … en dus nie ‘n inkomste kon kry nie. Ek en die kinders het relatief maklik deur die inperking gekom aangesien ons kon fokus op skoolwerk en alles wat ons gewoonlik nie by uitkom nie.

Hoe het jy die verlenging van vlak 5 ervaar?

Teen daardie tyd was ons al in ‘n nuwe roetine en dit het ons nie so baie aangetas nie. Die wete dat die inperking verleng is was erger as die verlenging self.

Wat het jy die meeste gemis op vlak 5?

Sosialisering met vriende, om by my ma te gaan kuier, vryheid om sommer in die kar te klim en gou by iemand in te val.

Hoe het die verandering na vlak 4 jou geraak?

Daar was so bietjie meer vryheid, maar dit het ons nie vreeslik geraak aangesien ons voorgegaan het met die manier van doen van vlak 5.

Waaroor was jy bly met die verlaging na vlak 4?

Dat meer winkels oop is sodat meer mense ‘n inkomste kon kry.

Waaroor was jy kwaad met die verlaging na vlak 4?

Mense wat dink die corona virus is nou weg en dat hulle kan maak soos hulle wil.

Mense wat nie hulle maskers dra nie en so nie respek aan ander toon

Mense wat nie omgee of hulle ander mense aansteek deurdat hulle maak en breek soos hulle wil. Nie hou by die reels.

Die feit dat alkohol beskikbaar gemaak is bo sigarette alhoewel alle logika vir my sê dat mense wat te veel gedrink het hulle nie aan ‘n masker of sosiale distansiering sal steur nie

Winkels wat nie hou by die reels en so my in gevaar stel as ek hulle wil ondersteun. (Vinyard Spar is puik wat sanitering en spasie betref so ek koop al my kruideniersware daar)

Is jy iemand wat voor inperking gereeld geoefen het?

HAHA. Nee glad nie. Maar dit het ‘n invloed op my jongste gehad wat elke dag sport doen. Sy het egter ‘n baie positiewe ingesteldheid en het haar oefen program verander en steeds elke dag haar ritmiese gimnastiek en hokkie geoefen in die tuin.

Het jy tydens vlak 5 geoefen?

Nie ek nie, maar wel albei my kinders.

Hoe het jy dit gedoen?

Die oudste het joga en core oefeninge gedoen in die huis, terwyl die jongste in die tuin haar ritmiese oefeninge gedoen het en ook haar core oefening in die huis gedoen het. Ons het gelukkig ‘n heerlike groot vertrek waar hulle kon oefen.

Hoe het jy die drie ure oefentyd op vlak 4 ervaar?

Dit was heerlik om net uit die erf te kom en te gaan stap en ander mense te sien. Kon darem so in die verbygaan opvang met al die mense in die buurt. My jongste kon haar fiets vat en ook gaan draf.

Hoe het die verlaging na vlak 3 jou geraak?

Dit frustreer my aangesien mense nie ag slaan op die reels. Skole is weer oop en ons kan in die klas sien watter ouers leer nie hulle kinders respek vir ander en om by die reels te hou. Dit is daardie leerders waarmee ons die hele tyd moet sukkel om slegs op hulle eie banke te sit en nie hulle maskers af te haal nie.

Waaroor was jy bly toe vlak 3 aanbreek?

Ons kon teruggaan skool toe alhoewel dit ‘n groot aanpassing was. Dit is egter ook baie lekker aangesien mens net die helfte van die klas op ‘n slag by die skool het en dus baie meer individueel kan werk met die kinders. Dit is lekker om weer my klas te sien.

Waaroor was jy kwaad toe vlak 3 aanbreek?

Dat mense so ‘ignorant’ is oor die situasie waarin ons is.

Hoe vaar jy op hierdie stadium (na 100 dae) oor die algemeen emosioneel?

Dit gaan verbasend goed met ons almal in die Joubert huis. Ek het rustiger geraak oor baie goed, en ek kon fokus op dit wat vir my belangrik is. Ek het geleer dat ek emosioneel baie sterker is as wat ek somtyds dink. Ek het ook weereens bevestiging gekry dat ek eintlik ‘n baie positiewe mens is wat nie lank tob oor dit wat moeilik is of wat my onstel nie.

Is jy finansieel erg geraak?

Ja ons is, want my man kon geen werk doen nie. Maar ons het nooit honger gely of swaar gekry. Ons het eintlik so baie om voor dankbaar te wees.

Ek kon ook nie enige van my Wiskunde klasse gee nie, so my salaris was aansienlik kleiner as gewoonlik.

Wat is nou vir jou die moeilikste?

Om klaar te kom met minder ( My wiskunde klasse mag nog nie begin)

To pick my battles…

Wat kan jy uit die ervaring haal wat positief is?

Dat mens baie meer op jou geloof moet staat maak.

Dat ons eintlik met baie minder kan klaarkom as waaraan ons gewoond is.

Dat die goed wat ons voor lockdown as belangrik beskou het, nie eintlik so belangrik is nie.

Bly jy op datum met die Covid 19-situasie in SA?

Redelik, maar ek spandeer nie tyd om dit na te vors. Sien maar so toevallig wat aangaan en hoor wat op die nuus gesê word.

Deur watter medium? Hoe gereeld kyk/luister jy na nuus oor Covid 19?

Sosiale media, netwerk 24 (koerant en tydskrifte)

Hoe beïnvloed die voortdurende nuus oor die virus jou emosioneel?

Dis hoekom ek nie so baie daarna luister nie … Die media het die vermoë om mense heeltemal te veel op te werk en alles baie erger te maak

Bly jy op hoogte van die oorsese situasie?

Net wat ek raaklees.

Is daar spesifieke lande waarin jy belangstel?

Nee

Hoekom?
Hoe beïnvloed die stygende sterftesyfer in SA jou?

Dit is baie sleg dat mense hulle geliefdes verloor en dat mense nie by hulle geliefdes kan wees in die hospitale nie. Ek is bekommerd omdat so baie mense sterf, maar ek glo en vertrou dat alles sal normaliseer.

Wat sou jy anders doen as jy nou die ervaring van vooraf kon begin?

Nie veel nie.

Wat sal jy presies dieselfde doen as jy van vooraf kon begin?

Ek sou nogsteeds dieselfde hoeveelheid tyd saam met my kinders spandeer het. Ons het weer begin om naweke koek te bak en tyd saam te spandeer in plaas van om heeltyd aan  die jaag te bly na wind.

Ken jy iemand wat Covid 19 opgedoen en herstel het?

Ja ‘n hele paar mense

Het iemand na aan jou al aan Covid 19 gesterf?

Nee

100 dae van inperking: Jonel Birch

[image error]

Ouderdom: 63

Beroep: Tutor

Huwelikstatus: Getroudg

Alleen? Wie saam met jou? (Name is nie nodig nie.)   My eggenoot en honde

In watter opsig(te) beskou jy jou situasie tydens inperking as uniek of besonder uitdagend?

Uitdagend omdat ek gewoond is aan baie tyd op my eie

Hoe het jy gevoel toe die noodtoestand afgekondig is?

Onseker oor die volle implikasies en hewig ontsteld oor ‘n besoek aan Keukenhof wat deur die mat geval het.

Hoe het jy gevoel toe algehele inperking (vlak 5)afgekondig is?

Dankbaar vir die tyd van rus en stilte, omdat daar ‘n afsnydatum was – net 3 weke

Hoe het jy die drie dae direk voor inperking deurgebring?

Met vakansie in die Drakensberg wat toe kortgeknip moes word.  Moes vroeg terugkeer en oorhaastig alles in plek kry.

Hoe het jou lewe met inperking op vlak 5 verander?

Gevoel van magteloosheid en ook fyn beplanning om die dae vol te maak met aktiwiteite

Wat was die moeilikste tydens vlak 5?

Ons kon nie gaan stap met ons 3 skaaphonde nie.  Dit was ‘n geweldige uitdaging om hulle besig te hou.

Wat is vir jou positief tydens vlak 5?

Kwaliteittyd saam met my man

Hoe het die mense gevaar wat saam met jou ingeperk was?

Aanvanklik goed want dit was vir n beperkte tyd

Hoe het jy die verlenging van vlak 5 ervaar?

Met moedeloosheid, frustrasie en vrees.  Die vorige 3 weke was genoeg.

Wat het jy die meeste gemis op vlak 5?

Vryheid van keuses / natuur en botaniese tuin / koffiewinkels / vriende

Hoe het die verandering na vlak 4 jou geraak?

Niks daadwerkliks het verander aan die roetine nie maar depressie het beslis begin intree

Waaroor was jy bly met die verlaging na vlak 4?

Dat dit darem ‘n teken van hoop was dat ons vorentoe beweeg

Waaroor was jy kwaad met die verlaging na vlak 4?

Geen regulsasies het meer sin gemaak nie. Daar was soveel teenstrydighede.  Ek het

vertroue in die besluitnemers begin verloor.

Is jy iemand wat voor inperking gereeld geoefen het?

Nee

Het jy tydens vlak 5 geoefen?

Ja  om positief te probeer bly

Hoe het jy dit gedoen?

Bietjie stap en strekoefeninge

Hoe het jy die drie ure oefentyd op vlak 4 ervaar?

Positief omdat ons wel kon begin stap met die honde maar dit was te min.

Hoe het die verlaging na vlak 3 jou geraak?

Ek het begin dink dat daar dalk hoop is dat ons tog die eindpunt sal bereik.

Waaroor was jy bly toe vlak 3 aanbreek?

Meer vryheid om “normale” aktiwiteite te begin bv uiteet en dat werkers weer kon kom.  Hulle is nie net van salarisse (wat ons wel betaal het ) afhanklik nie maar ook die kos wat hul saamneem huis toe.

Waaroor was jy kwaad toe vlak 3 aanbreek?

Al die onregverdighede /  werkloosheid /  honger mense oral

Hoe vaar jy op hierdie stadium (na 100 dae) oor die algemeen emosioneel?

Sleg.  Dikwels depressief, nie gefokus nie,  belangeloos.  On the road to nowhere.

Bekommerd oor my man se gemoedstoestand en ons gesondheid.

Is jy finansieel erg geraak?

Ek is baie dankbaar dat ons wel ‘n vaste inkomste het, maar ek werk deeltyds en spaar baie lank om ‘n doel te bereik, bv Keukenhof.  Die geldelike verlies daar rondom is vir my persoonlik erg.  Die Lugredery verskaf net ‘n “voucher” – wat ek nie noodwndig sal kan gebruik nie. Die visa – kostes en al die verblyfplekke wou nie terugbetaal nie.

Wat is nou vir jou die moeilikste?

Dat ek nie my familie en vriende in die Kaap kan besoek nie, want ek mag nie vlieg nie.

Wat kan jy uit die ervaring haal wat positief is?

Dat daar BAIE is om voor dankbaar te wees!!  Ons is nog gesond. Daar is baie baie mense wat veel slegter af is.

Bly jy op datum met die Covid 19-situasie in SA?

Nie meer so gereeld soos aan die begin nie.

Deur watter medium? Hoe gereeld kyk/luister jy na nuus oor Covid 19?

TV en koerante.   Al minder en minder.

Hoe beïnvloed die voortdurende nuus oor die virus jou emosioneel?

Ek wil dit nie meer hoor nie, want daar is te veel leuens betrokke.

Bly jy op hoogte van die oorsese situasie?

Soms.

Is daar spesifieke lande waarin jy belangstel?

Europa

Hoekom?

Dit gee moed om te sien dar daar wel lande is wat herstel.

Hoe beïnvloed die stygende sterftesyfer in SA jou?

Dit is vreesaanjaend

Wat sou jy anders doen as jy nou die ervaring van vooraf kon begin?

Niks want die begin was positief toe ons nog gemotiveerd was.

Wat sal jy presies dieselfde doen as jy van vooraf kon begin?

Beplanning van ‘n daaglikse roetine

Ken jy iemand wat Covid 19 opgedoen en herstel het?

Ja

Het iemand na aan jou al aan Covid 19 gesterf?

Nee

100 dae van inperking: Jo Els

[image error]

Ouderdom: 63
Beroep: Landdros
Huwelikstatus: Getroud
Waar woon jy? Tarkastad, Oos Kaap
Alleen? Wie saam met jou? (Name is nie nodig nie.)
My vrou
In watter opsig(te) beskou jy jou situasie tydens inperking as uniek of besonder uitdagend? – Seker nie “uniek” nie, maar in redelike mate uitdagend. Ek is as essensiele werker elke dag aan diens by Landdroskantore, en het daardeur daaglikse kontak met ander beamptes, polisiebeamptes ens.
Hoe het jy gevoel toe die noodtoestand afgekondig is? – reg aan die begin? Daar was so onkundige tipe van “excitement” gewees, dit was iets vreemd, nie n politieke noodtoestand nie……

Hoe het jy gevoel toe algehele inperking (vlak 5)afgekondig is? – dit was n nugtere besef dat iets ernstig iewers aan die gebeur is

 

Hoe het jy die drie dae direk voor inperking deurgebring? – in ons huis saam met my vrou, en baie tv gekyk om te hoor wat aangaan, andersins was ek by die werk.

 

Hoe het jou lewe met inperking op vlak 5 verander? – die verbod op sosiale reise het baie verander, ons eie persoonlike lewe is nie dramaties direk beinvloed nie.

 

Wat was die moeilikste tydens vlak 5? – gebrek aan vryheid om te gaan waar jy wil, en om soms saam met vriende/fam te wees, of n koppie koffie te gaan drink. Dis baie makliker as wat miljoene ander moes trotseer

 

Wat is vir jou positief tydens vlak 5? – seeninge, baie baie seeninge. Fisiese gesondheid en n stabiele huis

 

Hoe het die mense gevaar wat saam met jou ingeperk was? My vrou verdien n goue ster, sy hou eintlik maar alles bymekaar

 

Hoe het jy die verlenging van vlak 5 ervaar? – met n groter mate van frustrasie. En met toenemde besef dat ons leiers ook hulpeloos en soms hopeloos mistas.

 

Wat het jy die meeste gemis op vlak 5? Om te kan reis.

 

Hoe het die verandering na vlak 4 jou geraak? – nie daadwerklik nie, ek kan regtig nie onthou nou wat die verskille was nie.

 

Waaroor was jy bly met die verlaging na vlak 4? – geen antw

 

Waaroor was jy kwaad met die verlaging na vlak 4? – geen antw

 

Is jy iemand wat voor inperking gereeld geoefen het? Nie aktiewe sport of oefening nie, ons is sosiale stappers laatmiddag en my vrou is n ywerige tuinier. Sy het gewoel en gewerfskaf.

 

Het jy tydens vlak 5 geoefen? Paar maal om huis gestap maar dit was vervelig. Dit was die “in-ding” Omdat ons op die meer afgelee platteland woon, het ons steeds soms in namiddae n paar straatblokke ver gaan stap

 

Hoe het jy dit gedoen? Soos by vraag 23

 

Hoe het jy die drie ure oefentyd op vlak 4 ervaar? – nie van toepassing, 6vm is dit nog donker(ig) en ek het ook elke dag gaan werk. Saterdae en sondae was vir laatslaap

 

Hoe het die verlaging na vlak 3 jou geraak? – meer toelating om te kan reis na Oos Londen waar ons n beach cottage het, kon oor naweke daarheen gaan en tyd spandeer, dit was n groot verligting

 

Waaroor was jy bly toe vlak 3 aanbreek? – meer besighede wat kon oopmaak, paar koffiewinkels ens

 

Waaroor was jy kwaad toe vlak 3 aanbreek? – die aanhoudende en soms irrasionele beperking op baie aktiwiteite wat geen logiese sin maak nie….die harwar oor goeters soos sigarette en drank, die weersprekings deur NCC

 

Hoe vaar jy op hierdie stadium (na 100 dae) oor die algemeen emosioneel? – werksgewyse sukkel dit beslis, die infrastrukeer verkrummel voor my oe maar regeringswoordvoerders ignoreer baie praktiese probleme wat ons in regstelsel ondervind. Dit lei tot uiterste frustrasies omdat baie personeel situasies uitbuit en bloot van werk wegbly. Weereens, my vrou is n rots en vertroosting en veilige hawe. Ek is baie geseend op daardie vlak.

 

Is jy finansieel erg geraak? Nee, ontvang volle salaris. My vrou bedryf egter n kleuterskool en moes noodgedwonge sluit…..dit is n passie vir haar, Ons is nie finansieel daarvan afhanklik nie, of net in mindere mate dalk.

 

Wat is nou vir jou die moeilikste? Korrupte gierige politici wat die land se mense van geen waarde ag nie.

 

Wat kan jy uit die ervaring haal wat positief is? Gevalle van menslike meelewendheid, mense wat nou nood by ander raaksien en dienooreenkomstig optree. Kindness in face of adversity.

 

Bly jy op datum met die Covid 19-situasie in SA? – nee, nie spesifiek in detail nie, maar ek is bewus wat grootliks aangaan sonder om daarop te konsentreer, ek probeer altans.

 

Deur watter medium? Hoe gereeld kyk/luister jy na nuus oor Covid 19? – lees meestal News24 nuusdekkings op internet. Vermy tv-nuus sover ek kan

 

Hoe beïnvloed die voortdurende nuus oor die virus jou emosioneel? As ek dit moet kyk, raak ek omgesukkeld en geirriteerd – daar is baie hartseerverhale wat mens diep tref.

 

Bly jy op hoogte van die oorsese situasie? Ja, soms

 

Is daar spesifieke lande waarin jy belangstel? VSA

 

Hoekom? Ons seun en skoondogter is sedert Aug 2019 op n drie jaar werkskontrak daar en daarom is dit vir ons belangrik hoe hulle dit beleef. En of hul veilig is

 

Hoe beïnvloed die stygende sterftesyfer in SA jou? – nog nie direk nie.

 

Wat sou jy anders doen as jy nou die ervaring van vooraf kon begin? – ek het regtig geen idee nie. Moeilike vraag…..

 

Wat sal jy presies dieselfde doen as jy van vooraf kon begin? – my menslikheid wou behou

 

Ken jy iemand wat Covid 19 opgedoen en herstel het? Ja, verskeie

 

Het iemand na aan jou al aan Covid 19 gesterf? Genadig niemand persoonlik nie, maar wel n polisiebeampte op ons dorp wat laasweek oorlede is.

100 dae van inperking: Izak de Vries

[image error]

Ouderdom: 51
Beroep: Uitgewer
Huwelikstatus: Getroud
Waar woon jy? Mowbray, Kaapstad
Alleen? Wie saam met jou? (Name is nie nodig nie.) Een vrou, twee kinders, een “huurder” wat ons deur universiteit help, twee katte en (nou) drie honde.

In watter opsig(te) beskou jy jou situasie tydens inperking as uniek of besonder uitdagend?

Ek werk al vir tien jaar van die huis af, so vir my is dit minder moeilik.

Hoe het jy gevoel toe die noodtoestand afgekondig is?

Dit was ’n slim besluit op daardie stadium.

Hoe het jy gevoel toe algehele inperking (vlak 5)afgekondig is?

Dit was ’n slim besluit op daardie stadium.

Hoe het jy die drie dae direk voor inperking deurgebring?

Ons het baie gaan stap.

Hoe het jou lewe met inperking op vlak 5 verander?

Om nie te kon (wettiglik) hardloop nie, was nie pret nie.

Wat was die moeilikste tydens vlak 5?

Die honde wou gaan stap en hulle kon nie.

Wat is vir jou positief tydens vlak 5?

My seun het ’n hondjie aangeneem.

Hoe het die mense gevaar wat saam met jou ingeperk was?

Verbasend goed.

Hoe het jy die verlenging van vlak 5 ervaar?

Op daardie stadium het die besluit sin gemaak.

Wat het jy die meeste gemis op vlak 5?

Om te kon gaan hardloop.

Hoe het die verandering na vlak 4 jou geraak?

Ek kon hardloop.

Waaroor was jy bly met die verlaging na vlak 4?

Ek kon hardloop en met die honde stap.

Waaroor was jy kwaad met die verlaging na vlak 4?

Die ure vir oefening was simpel en het nie sin gemaak nie.

Is jy iemand wat voor inperking gereeld geoefen het?

Ja.

Het jy tydens vlak 5 geoefen?

Ja, maar dit was moeilik. Ek het dus ook berus en my lyf laat rus.

Hoe het jy dit gedoen?

Bietjie om die huis gedraf.

Hoe het jy die drie ure oefentyd op vlak 4 ervaar?

Lekker om weer te hardloop, maar te veel mense!

Hoe het die verlaging na vlak 3 jou geraak?

Makliker oefening.

Waaroor was jy bly toe vlak 3 aanbreek?

Ons kon weer in die bos gaan stap.

Waaroor was jy kwaad toe vlak 3 aanbreek?

Van die regering se maatreëls maak ekonomies geen sin nie. Glad nie. Die hele land ly daaronder.

Hoe vaar jy op hierdie stadium (na 100 dae) oor die algemeen emosioneel?

Ek donner aan.

Is jy finansieel erg geraak?

Ek is een van die min mense wat regdeur (bitter hard) kon werk.

Wat is nou vir jou die moeilikste?

Ek is bekommerd oor mense wat nie kan werk nie.

Wat kan jy uit die ervaring haal wat positief is?

My aanlynvaardighede het verbeter.

Bly jy op datum met die Covid 19-situasie in SA?

In breë trekke. Detail laat ek aan die dokters.

Deur watter medium? Hoe gereeld kyk/luister jy na nuus oor Covid 19?

Ek lees wêreldwyd, ek het nie ‘n TV nie.

Hoe beïnvloed die voortdurende nuus oor die virus jou emosioneel?

Ek neem nie detail op nie – die meeste is konfliktered.

Bly jy op hoogte van die oorsese situasie?

In breë trekke.

Is daar spesifieke lande waarin jy belangstel?

Nee. Ek probeer lande se respons vergelyk.

Hoekom?

Dit was wel interessant om te sien hoe verskillende lande dit hanteer het.

Hoe beïnvloed die stygende sterftesyfer in SA jou?

Meer mense gaan steeds aan TB dood.

Wat sou jy anders doen as jy nou die ervaring van vooraf kon begin?

Nee veel nie.

Wat sal jy presies dieselfde doen as jy van vooraf kon begin?

Ek weet nie.

Ken jy iemand wat Covid 19 opgedoen en herstel het?

Ja.

Het iemand na aan jou al aan Covid 19 gesterf?

Kollegas van my geliefde.

100 dae van inperking: Ingrid de Beer

 

[image error]

Ouderdom: 64

Beroep: Huisvrou/sekretaresse by ELEOS

Huwelikstatus: Getroud

Waar woon jy? Pretoria maar was vir Fase 5 en 4 in Shelley Point by ons seehuis.

Alleen? Wie saam met jou? (Name is nie nodig nie.) My man

In watter opsig(te) beskou jy jou situasie tydens inperking as uniek of besonder uitdagend? Niks regtig uniek nie. Ek is gewoond om ons kinders en kleinkinders gereeld te sien, en dit was ‘n groot uitdaging om dit nie te kon doen nie. Ek moes ook die tegnologie vinnig baasraak om vergaderings te kon bywoon.

Hoe het jy gevoel toe die noodtoestand afgekondig is? Dit was nodig.

Hoe het jy gevoel toe algehele inperking (vlak 5)afgekondig is? Verlig. Geweet (of gehoop en bid) hulle sou alles in plek kon kry vir die groot aantal gevalle wat sou kom.

Hoe het jy die drie dae direk voor inperking deurgebring? Ons het nie uitsonderlike aankope gaan doen nie want ons het toe net by die see aangekom en het reeds alles aangevul. Ons het wel ons griepinspuiting gaan kry die middag voor die inperking, en warm klere aangekoop aangesien ons nie by ons permanente huis was nie.

Hoe het jou lewe met inperking op vlak 5 verander? Omdat ons by die seehuis was, was ons gewoond om daar nogal afgesonder te wees. Wat wel verander het, was ons oefenpatroon. Ons moes ‘n roete om die huis uitwerk om elke dag te kan stap. En om elke dag kos te maak en NOOIT uit te eet nie. Ek doen dit steeds, ons het nog nie vir die afgelope 120 dae iets anders as my kos geeet nie. Ons voel net veiliger om dit so te doen.

Wat was die moeilikste tydens vlak 5? Om nie LANGS die see te gaan stap nie terwyl jy hom sien en hoor en ruik. En om nie ons kinders te sien nie, al was hulle so naby.

Wat is vir jou positief tydens vlak 5? Ek het geweet al ons kinders is veilig en dit was familietyd. Almal is so besig en dit was die eerste keer dat hulle almal as families kon saamwees. Vir ons ook. Dit was vir my lekker om net saam met my man te kon wees.

Hoe het die mense gevaar wat saam met jou ingeperk was? My man het soms bietjie moedeloos gevoel. Maar gelukkig doen hy houtwerk en het hom daarmee besig gehou en ook met tuinwerk en goed regmaak in en om die huis.

Hoe het jy die verlenging van vlak 5 ervaar? Mmmm. Ons het dit nie verwag nie, en dit was vir my nogal ‘n aanpassing. Ek het baie uitgesien na die stap in die oggende, maar dit kon toe steeds nie.

Wat het jy die meeste gemis op vlak 5? Om nie te kon ry waar jy wou nie. Om êrens langs die pad stil te hou en iets te eet. Ek mis dit steeds.

Hoe het die verandering na vlak 4 jou geraak? Eintlik nie veel nie. Die hardeware winkels het oopgemaak so my man kon nog hout en gereedskap gaan aankoop, en ek kon nog 2 legkaarte koop.

100 dae van inperking: Hilze-Marie Malherbe

[image error]

Ouderdom: 44

Beroep: huisma

Huwelikstatus: getroud

Waar woon jy? Paarl

Alleen? Wie saam met jou? (Name is nie nodig nie.) Saam met my gesin, man, 2 pre-teens

In watter opsig(te) beskou jy jou situasie tydens inperking as uniek of besonder uitdagend?

Die eerste kwartaal was baie besig. Het amper gevoel of tyd ons vooruit hardloop. Verlede jaar het ek klaargemaak met my chemo, die jaar was die eerste keer wat ons weer semi-normaal begin leef het, meer uitgekom en tussen mense. Kwarantyn het gevoel sooa bekende terrein omdat ons so lank in afsondering gwleef het agv my diagnose.  Dit was goed om pause te druk.

Hoe het jy gevoel toe die noodtoestand afgekondig is?

Bang, onseker, ek het besef dat ek geen vorige ondervinding het van n pandemie nie. In daardie opsig het my diagnose my in n mate gehelp. Ek het begin doelbewus asem haal. Gefokus op dit wat ek kan beheer- ons het genoeg kos, veilige behuising. Ons het geleef een dag op n slag. Dit het vir ons gewerk. Baie gereflekteer, gereeld. Dit was ook nodig dat ek my emosies moes verstaan om my kinders te help wat angstig was.

Hoe het jy gevoel toe algehele inperking (vlak 5)afgekondig is?

Veilig, gerus. Ja het die erns van die saak besef, maar vir my was die besluit goed. Ek het toe al meer geweet van die virus en beaef dat dit sie beste manier is om die virua te vertraag, maar ook vir die gesondheidsveld om gereed te maak.

Hoe het jy die drie dae direk voor inperking deurgebring? By die huis, laaste skool take. Ek het op n stil oggend winkel toe gegaan en die noodsaaklike gaan koop, brood melk, vars groente vrugte. Ons het n koffie gaan drink by ons gunsteling plek saam met die kinders. Ek het uitgesien na kwarentyn.

Hoe het jou lewe met inperking op vlak 5 verander? Almal by die huis, moes nuwe planne maak oor hoe ons kerk gaan hou. Dit was woes. Moes aan nuwe maniere dink om met mense wat nood het kontak te maak. Baie beplanning en kreatiewe laterale denke. Maar ook baie saam tyd. Ons het elke ete saam geeet, het besef ona moes n nuwe ritme kry. Was amoer soos as ons kamp- nou net by die huis. Die eerste tyd het sooa vakansie gevoel in n mate. Ek het geweet dat ons nie net vir 3 weke ingeperk gaan wees nie- het wyd gelees. Ek moes die kinders se skoolwerk op n manier bestuur.

Wat was die moeilikste tydens vlak 5? Nuwe planne vir n onseker tyd. Geen timeframe. En die fopnuus, mense se histerie. Mense wat met die witbrood onder die arm kla. Dit was vir my moeilik om te sien hoe my bruin en swart broera en susters swaarkry. In taxis moet ry en blootgestel is. My kinders se onsekerheid oor skool. Of hulle die jaar moet oordoen. Om te sien hoe hulle reageer op die verliese van die jaar( my gr 7 dogter wat so baie verloor in die jaar) te sien hoe my man moeg raak.

Wat is vir jou positief tydens vlak 5? Die saam wees. Ons kon net op ons gesin fokus. Ons was in n bubble, geen invloede van buite. Ons kon ons kompas weer regkry. Ons het allerande mal goed gedoen. Speletjies geapeel, date aande gehou ens. Dit was lekker om so intens by my kinders ae lewe betrokke te wees. Baie gesprekke maar ook baie alleen tyd

Hoe het die mense gevaar wat saam met jou ingeperk was? Kinders was aanvanklik angstig, maar toe hulle sien ons is ok toe was hulle ook beter. Hulle het die nuwe ritme can skool geniet. ( het sy uitdagings gehad, maar hulle het goed aangepas), het later kontak begin mis van hul maats. My man baie hard gewerk, maar dit het tog ook nuwe energie losgemaak. Ons was eerlik met mekaar oor waar ons is op die spesifieke dag. Ons was gelukkig nooit almal saam ‘af’ nie.

Hoe het jy die verlenging van vlak 5 ervaar? Ek het dit verwag. Dit was vir my goed. Maar het tog die feit dat ons regtig in onseker tye leef beklemtoon. Moes baie direk my geestesgesondheid bestuur. Bewus leef.Wat het jy die meeste gemis op vlak 5? Vryheid. Om sommer net in die straat te stap , om sommer net winkel toe te gaan en noe dit te beplan as dit stiller is nie. Om my ma te sien.

Hoe het die verandering na vlak 4 jou geraak? Nie veel nie. Aanlyn skool het ons toe baie besig gehou. Man werk van huis af. Ons het n goeie ritme gehad en dag roetine. Ons het net 1 keer ‘n week winkel toe gegaan. Een van ons.

Waaroor was jy bly met die verlaging na vlak 4? Oefentyd. Jy kon buite jou huis beweeg. Was goed om mense in die straat te sien. Het besef dat daar nog ‘lewe’ is buite ons huis. Dat skole nog nie begin het nie.

Waaroor was jy kwaad met die verlaging na vlak 4? Mense se arrogansie/selfsug. Fopnuus. Mense om my wat leef asof daar nie n pandemie is nie – partytjies en braaie om ons.

Is jy iemand wat voor inperking gereeld geoefen het?  Ja, gim

Het jy tydens vlak 5 geoefen? Bietjie, maar het baie goes rondom huis gedoen, huis geverf, tuin gemaak ens. So baie oefening ingekry

Hoe het jy dit gedoen? Gesin het saam oefenige gedoen, volleyball gespeel trappe geklim

Hoe het jy die drie ure oefentyd op vlak 4 ervaar? Goed vir die siel. Die strate het gelewe. Dit was baie uplifting! Maar het ook besef dat ek mense aa n bedreiging sien. Het besef dat die virus enige plek kan wees.

Hoe het die verlaging na vlak 3 jou geraak?

Nie veel nie. Kinders het skool toe gegaan later in vlak 3. Kon na buurdorp ry om inkopies te doen by fabriekswinkel.

Waaroor was jy bly toe vlak 3 aanbreek? Bietjie meer vryheid.

Waaroor was jy kwaad toe vlak 3 aanbreek? Mense se houding. Ek verstaan die alkohol inperking. Dink dit sal vir mense beter wees om sigarette te hê.

Hoe vaar jy op hierdie stadium (na 100 dae) oor die algemeen emosioneel? In 2 stryd oor mense se houding. Mense wat leef asof die virus hulle nie raak nie. Gaan goed met kinders in skool, dit maak my gerus. Gaan goed emosioneel, maar kan voel dat ek n wegbreek nodig het. Mis die see.

Is jy finansieel erg geraak? Nee maar familielede het werk verloor, geen salaris gekry of verminderde salaris.

Wat is nou vir jou die moeilikste? Mense se houding, se gedrag mense se naels wat uitkom- ek besef dis ‘n angsreaksie, maar raak moeiliker om posities te bly. Ek leef meer na binne.

Wat kan jy uit die ervaring haal wat positief is? Om gesond te wees is regtig n groot stuk genade. Om te fokus op dit wat jy kan beheer help. Om doelbewus asem te haal. My gesin is vir my kosbaar. Ek besef dat as dit net ek en my man was, sou dit baie anders gewees het. Om te sien hoe vinnig die aarde kan herstel. Om te sien hoe goed dit mense doen om net te rus.

Bly jy op datum met die Covid 19-situasie in SA? Nie meer nie. Het vir die eerste 50 dae elke dag data versamel, grafieke getrek. Dit het my angstig gemaak.

Deur watter medium? Hoe gereeld kyk/luister jy na nuus oor Covid 19? Ek lees baie, mediese verslae en mensstories. Politiek maak my moeg. Kyk nie nuus nie. Lees nie koerant nie.

Hoe beïnvloed die voortdurende nuus oor die virus jou emosioneel? Dis nodig, want ek besef dat ek nog sukkel om te besef dat daar regtig ‘n virus is. Die virus het nog nie n gesig vir my nie. Nie familie of vriende wat dit het nie, net kennisse. Maar ek kies wat ek na luister.

Bly jy op hoogte van die oorsese situasie? Ja, maar ek beperk dit.

Is daar spesifieke lande waarin jy belangstel.   Nee

Hoe beïnvloed die stygende sterftesyfer in SA  jou? Dis vir my erg, veral as ek dink dat ons gesondheidstelsel nie oral ewe goed is nie. Was voorbereid daarop, maar sit bly erg om die syfer te sien styg en te besef dat dit iemand se geliefde is.

Wat sou jy anders doen as jy nou die ervaring van vooraf kon begin? Wol gaan koop! By die hardeware winkel omgaan.

Wat sal jy presies dieselfde doen as jy van vooraf kon begin? Die saamwees koester.

Ken jy iemand wat Covid 19 opgedoen en herstel het? Ja

Het iemand na aan jou al aan Covid 19 gesterf? Nee

100 dae van inperking: Helena le Roux

[image error]

Ouderdom: 73

Beroep: Afgetrede onderwyseres

Huwelikstatus: getroud

Waar woon jy? StilbaaiAlleen?

Wie saam met jou? (Name is nie nodig nie.) my man

In watter opsig(te) beskou jy jou situasie tydens inperking as uniek of besonder uitdagend? Ons was gewoond om elke oggend en middag met ons hond te gaan stap. Asook baie met vriende saamgekuier en met die bure. Tydens die eerste inperking kon ons dit glad nie meer doen nie.

Hoe het jy gevoel toe die noodtoestand afgekondig is? Was baie onseker. Bekommerd. Het nog nooit so iets beleef nie.

Hoe het jy gevoel toe algehele inperking (vlak 5)afgekondig is? Hoe gaan ons dit oorleef?  Dadelik begin om my negatiewe gedagtes, positief te swaai. Was nie so maklik nie.

Hoe het jy die drie dae direk voor inperking deurgebring? Ek was winkel toe, het kos gekoop. Asof winkels nooit weer oopmaak nie. Apteek toe en al ons medikasie gekry asook panados vir koors, keelseerpille ens.

Hoe het jou lewe met inperking op vlak 5 verander? Drasties.Net tuis gebly.Kon nie stap buite die erf nie.

Wat was die moeilikste tydens vlak 5? Dat ons nie mag stap buite die erf nie.

Wat is vir jou positief tydens vlak 5? Ons het baie kreatief geraak. My man het erf rondom huis oopgemaak sodat ons om die huis kon stap.

 

Hoe het die mense gevaar wat saam met jou ingeperk was? My man was stiller al hoe meer gelees. Dit was vir hom sleg dat sy mansvriende nie kan kom koffie drink nie.

Hoe het jy die verlenging van vlak 5 ervaar? Ek was aanvanklik moedeloos. Totdat ek nuwe vaardighede begin het : Nuwe patrone gebrei en gehekel.

Wat het jy die meeste gemis op vlak 5? Samesyn met vriende. Verlang na ons kinders.

Hoe het die verandering na vlak 4 jou geraak? Dit was wonderlik dat ons kon stap. Die tyd was sleg, want 6uur was nog skemer en koud. Dit het egter n groot verskil gemaak dat ons buite die erf kon stap.

Waaroor was jy bly met die verlaging na vlak 4? Dat ons kon stap en ten minste ander mense kon sien verby stap.

Waaroor was jy kwaad met die verlaging na vlak 4? Die tye wat 6 tot 9 was.

Is jy iemand wat voor inperking gereeld geoefen het? Gereeld gestap.

Het jy tydens vlak 5 geoefen? Ons het om die huis gestap en strekoefeninge gedoen.

Hoe het jy dit gedoen? Ons het 40 keer om die huis gestap. Die oefeninge binne op die mat gedoen.

Hoe het jy die drie ure oefentyd op vlak 4 ervaar? Dit was goed, maar die tyd was sleg.

Hoe het die verlaging na vlak 3 jou geraak? Ek het uitgesien om my hare te laat sny.

Waaroor was jy bly toe vlak 3 aanbreek? Dat die land se ekonomie ‘n bietjie aan die gang kon kom.

Waaroor was jy kwaad toe vlak 3 aanbreek? Ons het toe nog lank gewag voor die haarsalon kon oopmaak.

Hoe vaar jy op hierdie stadium (na 100 dae) oor die algemeen emosioneel? Ek is emosioneel nou aangepas. Ek verlang net baie na ons kinders in die Boland, want ons kuier nog nie.

Is jy finansieel erg geraak? Ja, my beleggings baie minder werd.  Baie armer.

Wat is nou vir jou die moeilikste? Om nie ons kinders te sien nie.

Wat kan jy uit die ervaring haal wat positief is? Ek het baie nuwe dinge geleer en baie kreatief geraak.

Bly jy op datum met die Covid 19-situasie in SA? Ja

Deur watter medium? Hoe gereeld kyk/luister jy na nuus oor Covid 19? Netwerk 24 en die nuus.

Hoe beïnvloed die voortdurende nuus oor die virus jou emosioneel? Ek voel soms magteloos.

Bly jy op hoogte van die oorsese situasie? Ja

Is daar spesifieke lande waarin jy belangstel? Nee

Hoekom? Ek kyk maar na die hele spektrum van waar dit voorkom,

Hoe beïnvloed die stygende sterftesyfer in SA jou? Maak my morbied.

Wat sou jy anders doen as jy nou die ervaring van vooraf kon begin? Niks

Wat sal jy presies dieselfde doen as jy van vooraf kon begin? Sal weer probeer om myself so positief as moontlik in te stel. Te aanvaar wat ek nie kan verander nie.

Ken jy iemand wat Covid 19 opgedoen en herstel het? Nee

Het iemand na aan jou al aan Covid 19 gesterf? Nee

Inperking in Ierland: Gerlene Kennedy

[image error]

Ouderdom: 44
Beroep: Senior arbeidsterapeut by a dagsentrum vir volwassenes met fisiese (en kognitiewe) gestremdhede
Huwelikstatus: Getroud
Waar woon jy? Glenbrook, in die Cork hawe
Alleen? Wie saam met jou? (Name is nie nodig nie.) Met my Ierse man (46) en ons seun John (11)
In watter opsig(te) beskou jy jou situasie tydens inperking as uniek of besonder uitdagend? Ek het Lupus. Dus val ek in die risiko area. Ek is ook die enigste arbeidsterapeut vir 60+ volwassenes met fisiese gestremdhede. Hul en hul bejaarde ouers val ook in die risiko areas. Ek doen sedert derde week van April tuisbesoeke ipv om hul te sien in ons sentrum wat tans nog steeds gesluit is vir hul (groot werk is tans aan die gang om dit so veilig moontlik te maak sodat hul kan terugkom). Covid neem als oor ja, maar gewone probleme vir gestremde mense gaan aan. Druksere ontwikkel. Rolstoele breek. ‘n Geisoleerde lewe word nou meer geisoleerd vir hul agv “cocooning” – die term wat ons gebruik in Ierland vir bejaardes en kwesbare mense wat hulself moet veilig hou tydens Covid hier in Ierland.
Hoe het jy gevoel toe die noodtoestand afgekondig is? Ek was besig met ‘n besoek aan ‘n residentiele sentrum vir volwassenes waar een van my kliente na toe sou trek omdat hy meer sorg nodig het. Skielik kry ons notifikasies op ons selfone wat afkondig dat die skole die volgende dag sou sluit tot en met die Paasfees vakansie…. Die hare in my nek het skielik regop gestaan. Ek het dadelik gedink, maar ons beide werk, wat nou? Wie gaan na John kyk? Paar ure later het ons besef die lewe soos ons dit tot nou geken het, het verander. Skielik het ALMAL begin regmaak vir “van die huis af werk”.

 

Hoe het jy gevoel toe algehele inperking (vlak 5)afgekondig is? Op 12 Maart het ons gehoor skole sluit dadelik, so ook alle opvoedkundige plekke en “social distancing” word ‘n realiteit. Op 24 Maart kondig on Taoiseach (eerste minister) af dat ons in volle “lockdown” gaan. Vir my het die gevoel soos ‘n deurskynende tsunami wat aan die kom is vanaf ‘n oostelike rigting. Snaaks genoeg het ek kort-kort gedink ek’s bly my ouers leef nie meer in hierdie tyd nie. En ek het hartseer gevoel vir my seun, vir wat kan voorlê.

 

Hoe het jy die drie dae direk voor inperking deurgebring? Voor formele lockdown was ons al reeds gevra om tuis te bly. Ons het sekergemaak ons het genoeg brandhout (dit was nog koud so aan die einde van die winter). Ons het ook deur ons kos en ander dinge gegaan om seker te maak ons is voorbereid om geen onnodige ritte te down nie. Ook het beide ek en my man seker gemaak als is opgestel om ons werk van die huis af te doen. Ken was ook aangewys as sy ouers se ondersteuning omdat hul in die cocoon kategorie geval het. Hy mag dus hul inkopies en apteek besoeke vir hul doen.

 

Hoe het jou lewe met inperking op vlak 5 verander? Rustig geword. Kleiner geword. Van dag tot dag gefokus. Elke aan 7 uur nuus dopgehou. Ons het in ‘n goeie roetine probeer val met werk en homeschooling. Ek het glad nie in ‘n kar gekom in daai tyd nie, behalwe vir ‘n rit na my werksplek aan die einde van die eerste twee weke van lockdown.
Wat was die moeilikste tydens vlak 5?Om nuus te kyk en te sien wat aangaan in Italie en Spanje….. Gevoel daardie trauma is oppad na ons.
Wat is vir jou positief tydens vlak 5?Rustigheid as ek deur die venster kyk. Ek en my gesin het skielik baie kosbare tyd bymekaar.
Hoe het die mense gevaar wat saam met jou ingeperk was?My seun het eers gedink dis vakansie. Dit het hom ‘n rukkie gevat om te besef ons moet so ver as moontlik ons normale roetine hou van skoolwerk/werk en oefen en eet en slaap! My man was skitterend deurentyd. Hy is die enigste van 5 kinders wat hier naby sy ouers bly. Hy het hul dus deurentyd ook fisies kon ondersteun met kruideniersware ens.

 

Hoe het jy die verlenging van vlak 5 ervaar? Na ons lockdown periode van twee weke is ons fases aangekondig. Ons regering het dit ongelooflik goed gelei en het ek dit net so aanvaar. Was rustig en tevrede daarmee.

 

Wat het jy die meeste gemis op vlak 5? Niks. Ek was okay met die 2 km radius waarin ons kon beweeg. My man het al die inkopies gedoen, omdat ek (met Lupus) myself liewer weg van die gehou het. Werk net voor “staying at home” was ongelooflike stresvol. Lockdown het my half “gered”. Ek het steeds gewerk van die huis af, maar die vreeslike stres-element was skielik weg.

 

Hoe het die verandering na vlak 4 jou geraak? Ek was bly ons kon nou na a radius van 5 km beweeg. Ek en my gesin kon nou verder stap elke dag wat lekker was. Maar reeds van fase 5 af kon ek orals in ons “county” ry vir my werk, so ek het kon voel “ek kom uit”.

 

Waaroor was jy bly met die verlaging na vlak 4? Om verder te kon stap met my gesin.

 

Waaroor was jy kwaad met die verlaging na vlak 4?Niks.

 

Is jy iemand wat voor inperking gereeld geoefen het? Stap ja. Maar dis dit.

 

Het jy tydens vlak 5 geoefen?Ek het my seun het dadelik met Joe Wicks se PE with Joe begin elke oggend om 9 vm op YouTube. Dit het ons “gered” en ons reggeruk vir homeschooling! Ek het elke oggend om 6:15 opgestaan. Om 7:15 begin werk en ‘n uur gewerk (terwyl die res van die huis nog geslaap het) voor PE with Joe.

 

Hoe het jy dit gedoen? PE with Joe vir 30 minute weeksdae. Stap meeste dae van die week ook.

 

Hoe het jy die drie ure oefentyd op vlak 4 ervaar?

 

Hoe het die verlaging na vlak 3 jou geraak? Nou kon ons 20 km radius ry! Ons kon vriende sien, met social distancing! Alhoewel ons my skoonouers ook kon sien, het hul besluit dat ons dit nog moet uithou tot later, tot ons almal nog veiliger is. My man het aangehou om hul te sien weekliks wel vir hul inkopies.

 

Waaroor was jy bly toe vlak 3 aanbreek?

 

Waaroor was jy kwaad toe vlak 3 aanbreek?

 

Hoe vaar jy op hierdie stadium (na 100 dae) oor die algemeen emosioneel? Die eerste paar weke het ek gereeld op ‘n Dinsdag of Woensdagmiddag sommer in my bed geklim. Ek kon net niks anders doen nie. Na ‘n uur of so was ek weer okay. Ek is oor die algemeen okay, maar vang myself gereeld dan dink ek wanneer gaan ek weer my sus sien. Watter wereld gaan my kind ‘n grootmens in wees eendag?

 

Is jy finansieel erg geraak? Dankbaar dat ons nie geraak is nie. My man en ek het beide aangehou met ons normale ure en normale salarisse. Baie dankbaar hiervoor. Ek het ook in die tyd, veral tydens April en Mei (toe ek min gery het) my ekstra geld oorgeplaas na ‘n dienssentrum in George (Wes-Kaap) waar hul kindertjies kosgee.

 

Wat is nou vir jou die moeilikste? Werk. Ons probeer kliente terugkry na ons sentrum op ‘n veilige manier. Ons ontwikkel ook ‘n virtuele sentrum met sessies aanlyn. Dis ‘n logistieke nagmerrie. Meeste kliente se ouers ken nie van rekenaars nie. Sommige het nie eens wifi nie.

 

Wat kan jy uit die ervaring haal wat positief is?Alhoewel ons geseend is met waar ons bly en ons bure het ons hul in die tyd nog beter leer ken en die wat ons nie so goed geken het nie, ken ons ook nou beter. Ons het vir mekaar konfyt gemaak en skons gebak en by ons tuinhekkies gelos. Ons regering is/was skitterend in hul leierskap. Die tyd met my kind en man is so kosbaar.

 

Bly jy op datum met die Covid 19-situasie in SA? Sover ek kan ja. My niggie is ‘n dokter en my tannie ‘n suster. Ek hou my hart vas vir hul. En my hele familie (ouma is 96) en vriende.

 

Deur watter medium? Hoe gereeld kyk/luister jy na nuus oor Covid 19?In die begin daagliks. Nou as ek dit vang op TV. SA nuus meestal via Facebook of my suster.

 

Hoe beïnvloed die voortdurende nuus oor die virus jou emosioneel? Op en af. As ek sien van spikes en getalle wat opkruip in bv Duitsland of selfs hier in Ierland dan sidder ek.

 

Bly jy op hoogte van die oorsese situasie? Ja, ek luister en kyk wat aangaan, veral in VSA, SA en UK.

 

Is daar spesifieke lande waarin jy belangstel? SA, VSA en VK (oor hul wanbestuur)). Indie. My dierbare kollega se ouers is in Indie. Ek volg daardie situasie ook.

 

Hoekom? Bo beantwoord.

 

Hoe beïnvloed die stygende sterftesyfer in SA  jou? Ek kyk en ek hou dop en hou net my hart vas. Dit is ‘n realiteit dit gaan gebeur.

 

Wat sou jy anders doen as jy nou die ervaring van vooraf kon begin? Ek sal minder verkeerde dinge geëet het in April/Mei. Ek het bietjie trooseet gedoen, dink ek. Paar ponde opgetel.

 

Wat sal jy presies dieselfde doen as jy van vooraf kon begin? By my normale werksure gehou het. My seun gefokus gehou het op skoolwerk ook. Sodat daar darem ook “normaliteit” was.

 

Ken jy iemand wat Covid 19 opgedoen en herstel het? Nie persoonlik nie. Touch wood al ons kliente tot nou toe ook nog skoon!!

 

Het iemand na aan jou al aan Covid 19 gesterf?Nee.