Alta Cloete's Blog: www.altacloete.wordpress.com, page 5

The Well-Lived Life – Dr Gladys McGarey

Wonderlike boek vol wysheid deur die ongelooflikste 102-jarige vrou.

Dr Gladys McGarey, the mother of holistic medicine and a still-practicing doctor at 102, reveals her powerful secrets for how to live with joy and vitality at any age.

The Well-Lived Life offers a counterintuitive approach to living a rich, full, and purposeful life that isn’t about conserving energy, but rather about spending it wildly. By inspiring readers to find their “juice” and live in alignment with their true purpose, offering them healing at the deepest level – in body, mind, and spirit.

By sharing stories of miraculous healing from her patients as well as from her own extraordinary life, Dr. Gladys will transform how readers think not only about health and healing, but ultimately a satisfying life.

Hier antwoord sy ‘n paar vrae: https://www.penguinrandomhouse.co.za/penguinbooksblog/qa-well-lived-life-author-dr-gladys-mcgarey

Daar is baie onderhoude met haar op YouTube beskikbaar.

Sluitstuk – Johann Rossouw

Hierdie boek slaan duidelik op Karel Schoeman se lewe en dood. Ek wonder hoeveel is feit en hoeveel is fiksie.

Inligting van die uitgewer:

Drie jaar ná die dood van een van Afrikaans se grootste skrywers kom ’n Nederlandse vrou Suid-Afrika toe om navorsing vir ’n biografie oor sy lewe te doen. Sy besoek die skrywer se voormalige vakleerling om meer oor die enigmatiese figuur vas te stel – bykans dertig jaar nadat die twee mans se weë pynlik geskei het.

Onder die priemende blik van die biograaf lê die vakleerling, eens ’n aspirantskrywer en nou ’n Zen-monnik, sy lewe bloot in die bestek van een nag.

Wie was die groot skrywer werklik? Waarom was die impak van sy kluisenaarsbestaan en sy werk op die jong man so enorm? Hoekom het die skrywer hom na sy eensame sterfbed laat kom? Wat is die ware rede agter die Nederlander se biografie?

Sluitstuk  is ’n elegiese roman oor verlange, verlies, wraak en versoening wat die roete na stilte en die skeppingsimpuls oopskryf.

30 beste Bokke – Dawie Boonzaaier

Wie is die beste Springbok van die moderne era?

Hoe kies jy tussen Bakkies Botha en Eben Etzebeth? Moet Os du Randt of Beast Mtawarira jou skrum anker? Sou Juan Smith vir Pieter-Steph du Toit disnis duik? Hierdie vrae, en soveel meer, word deur ’n gesaghebbende paneel van voormalige Bok-afrigters soos Carel du Plessis, Nick Mallett, Jake White en Peter de Villiers beantwoord.

Van die land se top rugbyskrywers bied onderhoude, interessante statistiek, foto’s en staaltjies uit die kleedkamer. Daarby word die beste en grootste oorwinnings in Bok-rugby gelys, die Suid-Afrikaanse taktiese innovering word ontleed, en ’n beste Springbok-vyftiental word aangewys.

Die mavericks, die grootste duikslae, die sakke vol trofeë, die inspirerende leiers, die kan-nie-mis-stelskoppers, en ja, die absolute rugbygenieë, word met hierdie boek gevier.

Volkleur, leesbaar en vol lekker feite en brokkiesBydraes deur toprugbyskrywers soos Bokkie Gerber, Vata Ngobeni, Brenden Nel en Simnikiwe XabanisaOmvattend: dit sluit ook die beste Bok-spanne, -oorwinnings en individuele vertonings in Oor die skrywer: Dawie Boonzaaier is ‘n joernalis by die weeklikse koerant, Rapport. Hierdie boek word in samewerking met dié koerant vrygestel.

Dwelm – Rudie van Rensburg

Twee gewese speurders word koelbloedig langs ’n plaasdam afgemaai . . .
En Kassie en Rooi moet die moordsaak oorneem by ’n uitgedunde Paarlse speurspan wat al ’n week lank daarmee kleitrap. Kassie bevraagteken die Paarliete se afleiding dat diefstal die motief vir die moorde was. Wanneer hy en Rooi ander moontlikhede ondersoek, begin dinge doller as kopaf raak.
Om sake vir Kassie te vererger, beleef hy ’n yslike persoonlike krisis wat hy nie weet hóé om te hanteer of op te los nie . . .

https://www.nb.co.za/af/view-book/?id=9780795802607

Diana se dag – Helene de Kock

Inligting van die uitgewer:

Toemaar, jou dag sal kom . . . Dis die woorde wat Diana Botha, wynmaker van die spoglandgoed Soeterwijn, help om staande te bly en telkens weer die lewe met nuwe ywer aan te pak. As jong meisie erf sy die las van ’n skande vir iets waaraan sy geen skuld het nie. Dit pla haar tot ’n studiebeurs haar help om haar passie vir wynmaak te laat ontluik. Maar in die Boland leer sy opnuut dat vooroordeel steeds stewig in die mensdom sit.

Ons skulde – P.P. Fourie

Van die uitgewer:

Emma reis na Clarens om haar man se as te strooi. Terwyl sy by tante Vera tuisgaan, daag ’n geheimsinnige koevert op waarvan die inhoud Vera angsbevange maak. Dit blyk dat sy jaarliks anoniem só gedreig word voordat daar op iets wat vir haar kosbaar is toegeslaan word. Wie koester ’n wrok teen Vera? Waarom? Sal Emma antwoorde vind voordat die teisteraar se wraak toeneem?
Met die spannende ontrafeling van ’n skrikwekkende raaisel word temas van skuld, straf, boetedoening en vergifnis ondersoek.

Saterdag val ek vir jou – Cecilia Steyn

This post is for subscribers

Type your email…

Subscribe

Verbly julle in die hoop – Helena Hugo

Verbly julle in die hoop is die tweede boek in die drieluik met die temas geloof, hoop en liefde wat verbeeld word deur die lewensverhaal van Andreas Beyers. Ons eerste ontmoeting met ’n jong Andreas is in Geloof soos ’n mosterdsaadjie, en hier vind ons hom waar hy terug delf in die verlede. Dit is Vrydag 20 Maart 2020: Die huis waar Andreas die afgelope vyf jaar gewoon het, is opgepak. Die volgende dag vertrek hy saam met sy kinders na ’n aftreeoord in die Strand waar hy die laaste jare van sy lewe sal slyt. Hoewel Covid-19 inperkings aan die orde van die dag is, weet die meeste Suid- Afrikaners, asook Andreas en die ander mense op die plattelandse dorpie glad nie wat op hulle wag nie. Verbly julle in die hoop sal harte aanraak en twyfelaars nuwe moed gee. Jesus se volgelinge hoop nie omdat hulle wens dat dit eendag beter met hulle sal gaan nie; hulle leef in blydskap omdat hul wense reeds vervul is. Dit moes Andreas Beyers eers leer voordat hy blywende geluk kon vind.

Inligting van LAPA Uitgewers

Onder ‘n bloedrooi hemel – Annemarie van Niekerk

Hierdie boek se Nederlandse uitgawe het alreeds ‘n belangrike prys gewen! (Die skrywer is ‘n Suid-Afrikaner wat in Nederland woon en werk.)

Van die uitgewer:
In haar memoir vervleg Van Niekerk haar eie lewensverhaal aangrypend en onthutsend eerlik met ’n verkenning van die groot kwessies in ons land: geweld teen vroue, skuld en onmag, aandadigheid en keuse. Onder ʼn bloedrooi hemel is ʼn diep ontroerende persoonlike reis, van geweld na genade, meesterlik vertel.

Annemarié van Niekerk woon in Den Haag, maar keer terug Suid-Afrika toe vir die begrafnis van haar liewe vriend Ruben, wat saam met sy ma op hul plaas in die Oos-Kaap vermoor is.

Dié reis lei haar terug na ander reise: van haar grootwordjare in die destydse Port Elizabeth in ’n liefdevolle, maar streng Nasionale huishouding, na Umtata, waar sy by UNITRA gaan klasgee, en verstrengel raak in ’n verhouding met Denzel, ’n swart skrywerskollega. Iets wat lei na jarelange ernstige konflik met haar pa. Dan na Hillbrow, en later na Yeoville, waar sy en Denzel – teen die wet – saamwoon en aktief is in skrywerskringe. Tot geweld ook hul verhouding binnedring. Die laaste reis is ’n terugkeer na die moord op Ruben en sy ma, en na die moordenaars se lewens, in ’n strewe na verstaan.

NB-Uitgewers/Publishers

Sensitive: the power of a thoughtful mind in an overwhelming world – J. Granneman & A. Solo

Dr. Elaine Aron is die baanbreker wat die wereld bewus gemaak het dat daar iets soos hoogs sensitiewe mense bestaan. Hieronder is ‘n definisie van die persoonlikheidstrek: A highly sensitive person is more aware of social stimuli, such as other people’s voices and facial expressions. They may be particularly empathetic but also more prone to overstimulation.
Dis ‘n jammerte dat ek eers in my sestigs ontdek het ek val ook onder die rofweg 20% van die bevolking wat die omgewing (fisiek, emosioneel, sosiaal, ens.) meer intens beleef as die meeste mense. En geleer het dis ‘n eienskap, nie ‘n siekte of diagnose nie. Boeke soos Aron se The highly sensitive person en die nuwe Sensitive kan ander help om die ontdekking vroeg in hul lewe te maak. Dit lei tot groter begrip en waardering vir jouself en gee jou vaardighede om nie so maklik oorweldig te raak nie. Ek het in 2019 ‘n aanlyn kursus by dr. Aron gedoen (voor aanlyn kursusse doodgewoon geword het) en dit het my gehelp om op hierdie rype ouderdom myself beter te aanvaar en minder te kritiseer.

Van die uitgewer:

Have you ever been told you’re too sensitive? Welcome to the club.

Nearly 1 in 3 people have the genes to be more sensitive than others. But what if we said it doesn’t have to be the insult it’s always been framed as?

Highly sensitive

· Have a heightened sense of empathy
· Tune into subtle details and make connections that others miss
· Are often wonderfully creative

Through fascinating research, expert storytelling and practical insight, this book will teach you how to unlock the potential in this undervalued strength and leverage it in your relationships, your work and your life.

Shattering the myth that being sensitive is a weakness, Sensitive will change – once and for all – how the world sees sensitive people, and how they see themselves.