Ինչու ես տխուր Quotes

“Մոռանալը հեշտ է, երբ դա քեզ չի վերաբերում:”
― Սեյրան Գրիգորյան, Ինչու ես տխուր

“Մարդ կա դի­մա­ցինին մի կտոր հաց է տալիս, որ իր բարեկամը դարձ­նի, մարդ էլ կա իր բարեկամին հաց է տալիս, որ իր ստրուկը դարձնի:”
― Սեյրան Գրիգորյան, Ինչու ես տխուր

“Արդարությունը պաշտպանե՛ք արդարադատության պաշտպաններից և հենց դրանով պաշտպանած կլինեք արդարադատությունը:”
― Սեյրան Գրիգորյան, Ինչու ես տխուր

“Անկեղծության մասին աշխարհում գրածներից սարեր են կուտակվել, այնինչ դրանից անկեղծությունը քիչ է շահել:”
― Սեյրան Գրիգորյան, Ինչու ես տխուր

“Կյանքը պայման է՝ մահից առաջ քեզ փորձելու, թե դու ով ես և ինչ արժես:”
― Սեյրան Գրիգորյան, Ինչու ես տխուր

“Սկզբում ես ենթադրում էի, իսկ այնտեղ ավելի համոզվեցի, որ նա հեղափոխական է դարձել միմիայն մի նպատակով՝ իշխանության գլուխ անցնելու: Եվ նա սոցիալիզմի ան­վտանգության անունից սկսեց ոչնչացնել, մաքրել այն ամենը, ինչ կարող էր իշխելուն խանգարել: Աշխարհը մաքրել մարդուց: Ոչ ոք սոցիալիզմին, այս երկրին այնքան վնաս չի տվել, ինչքան նա: Նա, կազ­մակերպ­ված, պետական օրենքի ու քաղաքականու­թյան աստի­ճանի բարձրացրած, սկսեց ոչնչացնել հեղա­փոխության ծիլե­րը, հենց հեղափոխության գաղափարը, որովհետև լավ գիտեր, որ ծաղիկը վտանգավոր չէ, եթե այն ար­մատ չու­նի, և ի պատիվ այդ մեծ գործի` ամբողջ երկիրը ծածկեց համակենտրոնաց­ման ճամբարներով, դիակ­նե­րով և իր հուշարձաններով: Որովհետև նա գի­տեր՝ մի Ստա­լինը քիչ է, հարկավոր է, որ ամեն մի գյուղ ու քա­ղաք, ամեն մի տուն ունենա իր ստալինը, որ իր ստալի­նա­­կանու­թյունից ոչ ոք դուրս չմնա: Գիշերը նրա հու­շար­ձանը շունչ էր առնում, շրջում բոլորի տներով ու հոգիներով և ստիպում, որ ամեն ինչ ընկեր Ստալին դառնա: Ստալինը մեր երակներով հոսում է և դեռ շատ կհոսի նույնիսկ նրանց մեջ, ովքեր դեռ չեն ծնվել: Նա անգամ մեռած ժամանակ մեզ հետ քնում է, արթնա­նում, թույլ տալիս կամ արգելում, հրամայում կամ բղավում, թելադրում անհերքելի ճշմարտություն­ներ: Եվ նա դեռ կշարունակի ապրել, քանի դեռ չենք մաքրվել նրանից, որովհետև Ստալինը կարող է ապրել միմիայն մեր պղտոր արյան մեջ: Մենք դեռ լավ չգի­տենք, թե ինչպիսին է մեզ ցանկացել տեսնել այդ կինտոն, և ինչպիսին ենք դարձել մենք: Միայն վստահ կարելի է ասել՝ Ստալինը մենք ենք, քանի մեր միջից մինչև վերջ չենք մաքրել նրան: Նա ցանկացավ մեր ներսը մաքրել, որպեսզի այնտեղ մի­միայն ստալինա­կան թույնով լի արյունը լցնի:”
― Սեյրան Գրիգորյան, Ինչու ես տխուր

“Երջանկությունը գանձ է, որը թաղված է բոլորիս համար անհայտ տեղում, մենք դատապարտված ենք այդ երջանկությունը որոնելու, երջանկությունն ընդա­մենը ապրելու պատրվակ է:”
― Սեյրան Գրիգորյան, Ինչու ես տխուր

“Ժամանակներն անհասկանալի ու շատ բարդ են: Եվ այս ժամանակներում, որպեսզի բարին պահպանվի, հարկավոր է երեխաներին սովորեցնել ամեն ինչ տես­նել ճիշտ այնպես, ինչպես որ այն կա` իր դաժա­նու­թյուն­­­ներով, խաբկանքներով, անիմաստությամբ, ստո­րու­­թյուններով: Եվ միայն փորձությունների միջով անց­նե­լուց հետո բարին, խիղճը, ճշմարտությունը, գաղա­փարը և մարդկային մյուս բարեմասնությունները կարժեքավոր­վեն: Թե չէ խաղալ հանուն խաղի ստո­րություն է: Մեր օրերում բարին երբեմն այնքան թույլ է, որ նույնիսկ ամենաթեթև քամուց սկսում է մրսել, դողալ, մահու չափ հիվանդանալ, ջերմել, անգամ մեռնել: Ապ­րում ես ու չկաս: Բոլորի հետ քնում, արթնանում, աշխատում ես, բայց քո գոյությունը փուչ է, անէություն: Իսկ փրկու­թյունը միակն է այսօր. քաշվես ինքդ քո պատյանի մեջ ու ամեն կերպ պահպանես էությունդ, թե չէ որ տեղն իմացան, որ գլխի ընկան՝ այնտեղ «ավե­լորդություն» կա, կպոկեն ու իրենց ցեխոտված ոտքերի տակ տրո­րելով կոչնչացնեն:”
― Սեյրան Գրիգորյան, Ինչու ես տխուր

“Թե հավատաս մարդուն, դու կգտնես նրան, չհավատաս, մեկ է, աշխարհ անցնես չես գտնի:”
― Սեյրան Գրիգորյան, Ինչու ես տխուր

“Ա՜խ, մարդի՛կ, մարդի՛կ, ինչպե՞ս չգիտեք, ինչպե՞ս չեք հաս­կանում, որ այդ հզոր էակը` մարդը, նաև թույլ է և միշտ էլ կարոտ է մարդու կարեկցանքի:”
― Սեյրան Գրիգորյան, Ինչու ես տխուր

“Միայն իր հողում մարդը կարող է երջանիկ լինել, մնացած տեղերում նա հյուր է, և ամեն ինչ խաբկանք է:”
― Սեյրան Գրիգորյան, Ինչու ես տխուր

“Ի՞նչ կարող է տալ այն քաղաքը, որից քեզ համար ոչինչ հարազատ չի մնացել, որի համար դու նույնչափ օտար ես, ինչքան ասենք անգլիացին կամ ֆրանսիացին: Դու նրա համար չկաս, ինչքան էլ կոկորդդ պատռես, թե կարոտել ես:”
― Սեյրան Գրիգորյան, Ինչու ես տխուր

“Խելոք լի­նե­լու համար շատ են հիմար, սակայն դա չի խան­գա­րում, որ հենց դրանցպեսները մնացածներին սովորեց­նեն ապրելու և մեռնելու «վեհ» ձևերը:”
― Սեյրան Գրիգորյան, Ինչու ես տխուր

“Մենակությունը երդվել էր, որ նրան երբեք մենակ չի թողնի:”
― Սեյրան Գրիգորյան, Ինչու ես տխուր

“Ճշմարտությունը միգուցե լավ բան է, բայց եթե այն պետք չէ ոչ մեկին, գրոշ էլ չարժի:”
― Սեյրան Գրիգորյան, Ինչու ես տխուր

“Սկզբից լավություն ես անում իբր անշահախնդիր, հետո լավություն ես անում լավության դիմաց, հետո դիմացինիդ հասկացնում ես, որ վատություն չես ուզում անել՝ անկախ նրանից՝ դու դա կարո՞ղ ես, թե՞ ոչ, և դա նրա համար դառնում է լավություն:”
― Սեյրան Գրիգորյան, Ինչու ես տխուր

“Սուտը մեր գլխավերևում արևի փոխարեն մեզ պահում-պահպանում է, ջերմացնում, իշխանություն և փառք պարգևում: Սուտը չեն հնարել, այդ սուտն է մեզ հնարել: Նա մեզ թելադրել է ստրկանալ: Մենք ուրախ ենք, որ կարողանում ենք նրա պաշտպանությանն ապավինել: Սուտը հրաշքներ չի գործում, բայց հանուն ստի մենք ինչ տեսակի «հրաշք» ասես չենք գործում, ինչ տեսակի հրաշք ասես չենք հնարում, անգամ պատ­րաստ ենք հանուն այդ ստի զոհվելու, հանուն այդ ստի զոհաբերելու ամեն ինչ։ Եվ դա դառնում է ապրելու հիմնական իմաստը:”
― Սեյրան Գրիգորյան, Ինչու ես տխուր

“Կարծում ես՝ քծնելը հե՞շտ գործ է: Շողոքոր­թե­լուց առաջ պետք է միշտ բարձրաձայն հայհոյել շողո­քորթությունը: Միայն այդ ժամանակ այն կիմաստա­վորվի, կարժեքավորվի և կարժանանա հասարակական բարձր գնահատականի: Ամեն հասարակություն ար­ժանի է իր իսկ ստեղծած ստերին: Իսկ դու գիտե՞ս, թե սուտն ինչու է հզոր, չգիտես: Սուտը ուժեղ է, որովհետև այն ամեն օր է ծնվում, իսկ ճշմարտությունը՝ մեկ անգամ:”
― Սեյրան Գրիգորյան, Ինչու ես տխուր

“Մարդու դժբախտությունը մարդ ծնվելու մեջ չէ, այլ դժբախտ ծնվելու: Իսկ դժբախտ ծնվելիս էլ փրկություն չունես դրանից:”
― Սեյրան Գրիգորյան, Ինչու ես տխուր

“Հասարակությանը պարբերաբար սիրահետում են իրենց նպատակներին հասնելու համար: Իհարկե, այդ ամենը արվում է հանուն հասարակական շահի, իսկ հասարակությունը, իր հերթին առանձանապես չդիմադրելով, տրվում է իրեն սիրահետողներին: Այդպիսին է հասարակությունը։ Պատահում է, որ հասարակությանը բռնաբարում են, իսկ նա չի էլ դիմադրում, այլ հարմար դիրք է ընդունում, որ դրանից ավելի մեծ հաճույք ստանա: Իսկ սիրահետողներն ու բռնաբարություն կատարել ցանկացողները քիչ չեն:”
― Սեյրան Գրիգորյան, Ինչու ես տխուր

“Կյանքում կարևորն անկկեղծությունը չէ, այլ անկեղծ խաղալը:”
― Սեյրան Գրիգորյան, Ինչու ես տխուր

“Որպեսզի սեփական պատիժը գոնե քիչ թեթևացնի, մարդն իր կյանքը լցնում է սարքովի հիմարություն­նե­րով, սարքովի գաղափարներով, սարքովի զգացում­նե­րով, սարքովի երջանկությամբ։”
― Սեյրան Գրիգորյան, Ինչու ես տխուր

“Աշխարհում ամենամեծ սուտը բնավ էլ սուտ չէ, այլ մարդու հնարած հեքիաթն է իր մասին, որը վեր է հանել ամեն ինչից ու երկրպագում է: Այդ հեքիաթը մեկ երևում է կրոնի, մեկ գաղափարի, մեկ անմահության և ինչ տեսքով ասես, որ չի երևում:”
― Սեյրան Գրիգորյան, Ինչու ես տխուր

“Շատ փող ունեցողի աչքերը հաշվելուց է ցավում, չունեցողինը՝ չունենալուց:”
― Սեյրան Գրիգորյան, Ինչու ես տխուր

“Տեսնես ի՞նչ հրաշք­ներից է ձուլված կինը՝ այդ խելակորույս, այդ մոգական, այդ աստվածաշունչ էակը։ Եվ չկա մի ուժ, որ դիմանա, չխոնարհվի այդ տարօրինակ էակի առաջ:”
― Սեյրան Գրիգորյան, Ինչու ես տխուր

“Աշխարհը գոյություն ունի, որովհետև կինն է այդպես ցանկանում:”
― Սեյրան Գրիգորյան, Ինչու ես տխուր

“Սիրի՛ր մարդկանց, բայց սիրելուդ չափ էլ զգու՛յշ եղիր նրանցից: Ընկերն էլ է մարդ, թշնամին էլ:”
― Սեյրան Գրիգորյան, Ինչու ես տխուր

“Անտեր ես, անտերի տերը անտերությունն է:”
― Սեյրան Գրիգորյան, Ինչու ես տխուր

“էս հիմնարկում շատ բան ականջովդ կընկնի, աչքովդ անց կկենա, իմացա՛ծ եղիր՝ ո՛չ լսել ես, ո՛չ տեսել։ Բալա՛ ջան, երբեմն լսելն ու տեսնելն ավելի վտանգավոր է, քան հանցանք կատարելը։”
― Սեյրան Գրիգորյան, Ինչու ես տխուր

“Ով ճահճից չի փրկվել, չի հասկանա, թե ինչ է նշանակում ամուր գե­տի­նը։”
― Սեյրան Գրիգորյան, Ինչու ես տխուր