Meri

“Чудно е како некогаш луѓето ви оставаат погрешен впечаток на почетокот, а некогаш сосема лажен. Или, едноставно се менуваат со текот на времето, а ти се прашуваш дали можеби отсекогаш биле такви?”
― Мери Арсова, Опасна игра

“Во животот најважно е да се погледнеш себеси со очите на другиот, да го сфатиш светот со неговиот ум, и така ќе ги дознаеш неговите потреби.”
― Игор Станојоски, Диссомнии

“Колку пати сме го оставиле чедото дома само затоа што сме морале да работиме. Сме го оставиле и паметот до кај него, а нашето тело тргнало на работа? Но, тоа само ние го знаеме. Децата се свесни за нашето отсуство, но не и за нашата растргнатост во мигот. Тие знаат дека им недостигаме, но не знаат колку нам ни недостигаат. Колку се тие сиот свет во нашите очи. Колку жртви би поднеле за нив. И колкави планини би поместиле за нив. И само за нив!”
― Билјана Мартиновска, Заборавениот куфер

“Се вртам и му го гледам грбот на силниот Евген Дворак, кој не сака да му го видам лицето,
затоа што знае дека ќе се преплашам.
Затоа што го слуша мојот сеуште детски плач, вели да ги избришам солзите и да бидам силна,
а потоа забележувам како неговата снага се спушта на подот и го крши сопственото ветување.
И тој ден, како најтемната ноќ во мојот живот, умира старата Ингрид.”
― Јован Илиески, Ноќта кога ја напуштив Прага