ساره الشريف

“البحر بيضحك ليه
و أنا نازلة أدلع أملا القلل

البحر غضبان مابيضحكش
أصل الحكاية ماتضحكش
البحر جرحه مابيدبلش
و جرحنا ولا عمره دبل

و البحر بيضحك ليه
و أنا نازلة أدلع أملا القلل

مساكين بنضحك م البلوه
زي الديوك و الروح حلوه
سارقاهام السكين حموه
ولسه جوه القلب أمل !

و البحر بيضحك ليه
و أنا نازلة أدلع أملا القلل

قللنا فخارها قناوي
بتقول حكاوي و غناوي
يا قلة الذل أنا ناوي
ما أشرب و لو في الميّه عسل

و البحر بيضحك ليه
و أنا نازلة أدلع أملا القلل

ياما ملينا و ملينا
لغيرنا .. و عشطنا ساقينا
صابرين و بحر ما يروينا
شايلين بدال العلّة علل

و البحر بيضحك ليه
و أنا نازلة أدلع أملا القلل

في بالي ياما و على بالي
و اللي بيعشق ما يبالي
مايهمنيش من عزالي
يا حلوة لو مرسالي وصل

و البحر بيضحك ليه
و أنا نازلة أدلع أملا القلل

بيني و بينك سور ورا سور
و أنا لا مارد و لا عصفور
في ايدي ناي و الناي مكسور
و صبحت أنا في العشق مثل

و البحر بيضحك ليه
و أنا نازلة أدلع أملا القلل”
― نجيب سرور, منين أجيب ناس

“يارب
ياللي سايبلي الحبل ع الغارب
أنا غرقان بدون قارب
ومعرفتش أعوم وحدي
وكل ما امدلك يدي
وتنشلني
وأعوم شبرين
إديا يفلفصوا الاتنين
وأقولك سيبلي انا الباقي
تسيبلي الحبل ع الغارب
تخش المية حلقي .. اشرق
فاصرخلك .. وأقول بغرق
وأقولك عمري ما حسيبك
فتنشلني
أعوم شبرين
إديا يفلفصوا الاتنين
وأسيب إيدك
وأعيد الكرّه ميت مره
وماتخذلنيش ولا مره
تقوللي حضنهم بره
لا عمره يساع دراع سيدك
ونا لسه
بسيب إيدك !”
― مصطفى إبراهيم, ويسترن يونيون فرع الهرم

“عيناك نافذتان على حلم لا يجيء. و في كل حلم أرمّم حلما و أحلم.”
― محمود درويش

“ثم ان الحب لا يستجدى. هو إما موجود أو غير موجود.”
― لطيفة الزيات, الباب المفتوح