இரா. எட்வின் [R.Edwin]'s Blog, page 97

கவிதை 77

அதுவாகவும் இருக்கலாம்
இல்லாமலும் இருக்கலாம்
அதுவாகவே இருக்கட்டும்

கவிதை 76

கனவே வேண்டாமென்றெல்லாம் சொல்லக்கூடாது நீ
எதையேனும் தொலைப்பதற்கு நான் வருகிறமாதிரி
கனவு வரவேண்டும் உனக்கு
அதில் எதையேனும் தொலைத்து தொலைத்துவிட்டு
கவிதை எழுத வேண்டும் நான்

கவிதை 75

நீ கொடுத்த ரெண்டாயிரத்தில்
மருந்துக்கு
ஆயிரத்தி தொள்ளாயிரத்து நாற்பது போக
பாக்கெட்டில் அறுவது
மூக்கைக் கடந்துவிடாமல்
உசிரைக் கட்டிப்போட்டுள்ளன அந்த மருந்துகளென்ற வகையில்
நீயெனப் படுவது
என் உசிரும் அறுவது ரூபாயும்

025

இயற்பியல்
வேதியியல்
உயிரியல், கணிதம்
முதல் பிரிவில்

இயற்பியல்
வேதியியல்
கணிதம், கணினி
இரண்டாம் பிரிவில்

வரலாறு
பொருளியல்
வணிகவியல், கணிதவியல்
மூன்றாம் பிரிவில்

கணினி
தட்டச்சு
தையல் என நீளும்
தொழிற் பிரிவுகள்

இவற்றோடு
எல்லாப் பிரிவிற்கும்
சேர்க்க

தமிழ் அல்லது விருப்ப மொழி
ஆங்கிலம்
மற்றும்
நன்கொடை