மதமும் மதமாற்றமும் Quotes

“1926, 1927, 1928ஆம் ஆண்டுகளிலே ஒரு ஜாதிக்காரன் இன்னொரு ஜாதிக்காரரோடு உட்காரக் கூடாது என்று இருந்த நேரத்திலேயே, தந்தை பெரியார் அவர்கள் நோட்டீஸ் போட்டு, சமபந்தி போஜனம் இருந்தாக வேண்டும் என்ற முறையை உருவாக்கினார்கள்.”
― தொல். திருமாவளவன், மதமும் மதமாற்றமும்

“நாட்டின் தந்தையாகிய மகாத்மா காந்திஜி அவர்களை கொலை செய்த கொடியவர்கள் ஆர்.எஸ்.எஸ்.காரர்கள் என்பதை நாம் மறந்துவிடக்கூடாது. ஆசியாவின் ஜோதியாக பாராட்டப்பட்ட பண்டித நேரு அவர்கள் அந்த இயக்கத்தின் பெயரைச் சொன்னாலே வாய் நாறுகிறது என்று சொன்னதையும் நாம் மறந்துவிடக்கூடாது.”
― தொல். திருமாவளவன், மதமும் மதமாற்றமும்

“இந்த நாட்டில் வகுப்பு ஒற்றுமையைக் குலைத்து சமுதாயங்களுக்கு இடையில் வேற்றுமையை வளர்த்து வேறுபட்ட மதத்தார்களுக்கிடையிலே கலவரங்களை மூட்டி அமைதியைக் கெடுப்பதிலே கண்ணும் கருத்துமாக இருக்கக்கூடிய ஒரு கூட்டத்தினர் என்று இன்றைய இந்தியாவின் பிரதமர் பெருமைக்குரிய இந்திராகாந்தி அம்மையார் அவர்களாலேயே இனம் காட்டப்பட்டவர்கள் ஆர்.எஸ்.எஸ். இயக்கத்தினர். இவர்களுடைய தூண்டுதலில், வழிகாட்டுதலில், ஏற்பாட்டில், சதித்திட்டத்தில் சிக்கியவர்கள்தான் ஏற்கனவே நொந்து போய் இருக்கக்கூடிய அரிசனங்களைப் பற்றி களங்கங்களை கற்பிக்கவும், அவதூறு கூறவும், குற்றம் சுமத்தவும் ஈடுபட்டிருக்கிறார்கள். நாட்டின் தந்தையாகிய மகாத்மா காந்திஜி அவர்களை கொலை செய்த கொடியவர்கள் ஆர்.எஸ்.எஸ்.காரர்கள் என்பதை நாம் மறந்துவிடக்கூடாது. ஆசியாவின் ஜோதியாக பாராட்டப்பட்ட பண்டித நேரு அவர்கள் அந்த இயக்கத்தின் பெயரைச் சொன்னாலே வாய் நாறுகிறது என்று சொன்னதையும் நாம் மறந்துவிடக்கூடாது.”
― தொல். திருமாவளவன், மதமும் மதமாற்றமும்

“தமிழ்நாட்டிலுள்ள பல பத்திரிகை நிருபர்களும் சம்பவம் நடந்த மறுநாளே இதைக் குறித்து சம்பந்தப்பட்ட மக்களை எல்லாம் பேட்டி கண்டு அதிகாரிகள் இடத்திலும் விசாரித்து அறிக்கை தந்திருக்கிறார்கள். மீனாட்சிபுரம் அரிசன சகோதரர்கள் ஒரு படுபாதகத்தை இழைத்துவிட்டதாகக் குற்றம் சாட்டப்படுகிறது. அவர்கள் பணம் கொடுத்து விலைக்கு வாங்கப்பட்டார்கள் என்று இழித்துரைக்கப்படுகிறது. அவர்கள் எல்லாம் கள்ளச்சாராயம் காய்ச்சுவோர், கள்ளநோட்டு அடித்துப் பரப்புவதில் ஈடுபட்டிருந்தோர், கொலைக் குற்றங்களில் சம்பந்தப்பட்டிருந்தோர் என்றெல்லாம் பாரதூரமான குற்றச்சாட்டுக்களை இந்த நாட்டில் மிக மதிப்புக்குரியவர்களும் சங்கைக்குரியவர்களுமான சன்னிதானங்கள், மதத்தலைவர்கள், மடாதிபதிகள் ஆகியோர் சுமத்த ஆரம்பித்தனர். இதுநாள் வரையில் இப்படிப்பட்ட பயிற்சிகளில் ஈடுபடாத மகா சன்னிதானங்கள் மிக பயங்கரமான குற்றச்சாட்டுகளை சுமத்தியதோடு என்றுமில்லாத நடவடிக்கைகளில் ஈடுபட முற்பட்டதை இந்த நாடு கண்டது. இதற்குரிய பின்னணியைத்தான் மாண்புமிகு உறுப்பினர்களும் இந்த நாடும் தெளிவாகப் புரிந்துகொள்ள வேண்டும் என்று நான் விரும்புகிறேன். இந்த நாட்டில் வகுப்பு ஒற்றுமையைக் குலைத்து சமுதாயங்களுக்கு இடையில் வேற்றுமையை வளர்த்து வேறுபட்ட மதத்தார்களுக்கிடையிலே கலவரங்களை மூட்டி அமைதியைக் கெடுப்பதிலே கண்ணும் கருத்துமாக இருக்கக்கூடிய ஒரு கூட்டத்தினர் என்று இன்றைய இந்தியாவின் பிரதமர் பெருமைக்குரிய இந்திராகாந்தி அம்மையார் அவர்களாலேயே இனம் காட்டப்பட்டவர்கள் ஆர்.எஸ்.எஸ். இயக்கத்தினர். இவர்களுடைய தூண்டுதலில், வழிகாட்டுதலில், ஏற்பாட்டில், சதித்திட்டத்தில் சிக்கியவர்கள்தான் ஏற்கனவே நொந்து போய் இருக்கக்கூடிய அரிசனங்களைப் பற்றி களங்கங்களை கற்பிக்கவும், அவதூறு கூறவும், குற்றம் சுமத்தவும் ஈடுபட்டிருக்கிறார்கள். நாட்டின் தந்தையாகிய மகாத்மா காந்திஜி அவர்களை கொலை செய்த கொடியவர்கள் ஆர்.எஸ்.எஸ்.காரர்கள் என்பதை நாம் மறந்துவிடக்கூடாது. ஆசியாவின் ஜோதியாக பாராட்டப்பட்ட பண்டித நேரு அவர்கள் அந்த இயக்கத்தின் பெயரைச் சொன்னாலே வாய் நாறுகிறது என்று சொன்னதையும் நாம் மறந்துவிடக்கூடாது. இவர்களால் திசை திருப்பி விடப்பட்ட பெருமைக்குரிய சன்னிதானங்கள் ஆண்டவன் பெயரால் கீதோபதேசங்கள் செய்யும் தங்கள் திருவாயால் இல்லாததையும் பொல்லாததையும் சொல்ல ஆரம்பித்தார்கள். அதைப்பற்றி எல்லாம் கூட நாம் கவலைப்படவில்லை. ஏனென்றால் இந்த நாட்டில் உள்ள இந்து சமுதாய பெருமக்களும் தமிழ் பெருங்குடி மக்களும் உண்மையை உணர்ந்து நடுநிலை பேணி நடந்து வருகிறார்கள் என்பது நமக்கு நன்றாகத் தெரியும். நமக்குள்ள வேதனை எல்லாம், தந்தை பெரியாரின் உணர்விலே தோன்றி, அறிஞர் பெருந்தகை அண்ணாவின் அரவணைப்போடு வளர்ந்து உருவெடுத்திருப்பதாக சொல்லப்படும் இன்றையத் தமிழக அரசு, அந்த ஆர்.எஸ்.எஸ். வகுப்புவாத இயக்கத்தின் கையில் சிக்கிவிட்டதே என்ற வேதனைதான் நமக்கு மேலிட்டிருக்கிறது.”
― தொல். திருமாவளவன், மதமும் மதமாற்றமும்

“அறிஞர் பெருந்தகை அண்ணா அவர்கள் முதலமைச்சராக இருந்த காலத்தில் இப்படிப்பட்ட சம்பவங்கள் நடந்தபோது அன்றைய சட்டமன்றத்தில் இதைப் பற்றி கேள்வி கேட்கப்பட்டபோது, அப்போது அரிசன நல்வாழ்வுத்துறை அமைச்சராக இருந்த திருமதி சத்தியவாணிமுத்து அம்மையார் அவர்கள், இப்படி மதம் மாறியவர்களை இந்த அரசு வரவேற்கிறது என்று குறிப்பிட்டிருந்தார்கள். இவை சட்டமன்ற பதிவேடுகளில் பதியப்பட்டிருக்கின்றன. மதுரை மாவட்டத்தில் நடைபெற்ற மதமாற்றம் பற்றி திராவிட இனத்தின் தந்தையும் பகுத்தறிவுப் பகலவனுமாகிய தந்தைப் பெரியார் அவர்கள் குறிப்பிட்டார்கள். “இனி அரிசனங்களை ஒருவன் பறையன், சக்கிலி, சண்டாளன் என்று இழிவாகக் கூற முடியாது. எந்தத் தெருவிலும் நடக்கலாம். யாருடனும் போட்டி போடலாம். பள்ளிவாசல்களுக்கு தாராளமாகச் செல்லலாம். தோளோடு தோள் நின்று தொழலாம். வேதம் படிக்கலாம். ஆகையினால் முகமதிய மதத்தை தழுவினால்தான் தீண்டத்தகாதவர்களுக்கு சீக்கிரத்தில் உடனே சமூக அந்தஸ்து அளிக்க முடியும் என்று கருதுகிறேன். இந்த நிலை ஏற்படாமல் இருக்க வேண்டும் என்பதற்காக நான் எவ்வளவோ பாடுபட்டு பார்த்தேன். ஆகையினால் தீண்டாமை முதலிய கொடுமைகள் ஒழிய வேண்டும் என்று கருத்துடையவர்களும் ஒற்றுமையை எதிர்பார்க்கும் மக்களுக்கு சுயமரியாதை உணர்ச்சியை ஊட்ட வேண்டும் என்னும் கருத்து உள்ளவர்களுக்கும் நமது நாட்டில் இப்போது உள்ள முக்கிய வேலை தீண்டப்படாதவர்கள் முகமதியர் ஆவதை ஆட்சேபிக்காதிருப்பதே ஆகும் என்பது எனது தாழ்மையானதும், கண்ணியமான அபிப்ராயமும் ஆகும்” என்று அவர் கூறிய கருத்து விடுதலை நாளேட்டிலே வந்திருக்கிறது.”
― தொல். திருமாவளவன், மதமும் மதமாற்றமும்

“மதம்மாறிய மக்கள் தாங்கள் நினைத்ததை அடைந்துவிட்டோம் என்று தற்போது சொல்கிறார்களா?'

ஆமா, அந்தஸ்த்து வந்துருச்சில்ல. பாய் வாங்கன்னுதான சொல்றான். நான் பாதிரியாரா ஆகாம இருந்திருந்தா இஸ்லாமியராத்தான் மாறியிருப்பேன். இந்தப் பிரச்சனையெல்லாம் முடிந்தவுடன் அமெரிக்கா, இங்கிலாந்து முதலான நாடுகள்ள போய் ஒரு கோர்ஸ் படிச்சேன். இப்ப உலகம் பூரா நடக்கும் கான்பரன்ஸ்க்கு பேச்சாளரா போறேன்.”
― தொல். திருமாவளவன், மதமும் மதமாற்றமும்

“அம்பேத்கர் பௌத்தத்திற்கு மதம் மாறியதை முன் மாதிரியாகக் கொண்டு மீனாட்சிபுர மக்கள் மதம் மாறினார்களா? அம்பேத்கரின் தாக்கம் இந்த மக்களிடம் இருந்ததா?'

இல்லை, இல்லை, போலீஸ் அட்ராசிட்டி மற்றும் அரசோட ஆதரவு இல்லாததனால்தான் மதம் மாறினாங்க. இஸ்லாத்துக்குப் போனா அந்தஸ்து, பாதுகாப்புக் கிடைக்கும்னுதான் போனாங்க. அன்னைய சூழ்நிலைக்கு அம்பேத்கர் பற்றி பேசவோ, அவரது கருத்துக்களைச் சொல்லவோ இங்கே ஆள் இல்லை.”
― தொல். திருமாவளவன், மதமும் மதமாற்றமும்

“மதம் மாறிய மீனாட்சிபுரம் மக்களிடமிருந்து பழைய முஸ்லீம்கள் பெண் எடுப்பதில்லை. ஆனால் பெண் கொடுப்பார்கள் என்ற குற்றச்சாட்டு இருக்குதே?'

அப்படியெல்லாம் இல்ல. பொருளாதாரச் சூழ்நிலைகளைப் பாப்பாங்கல்ல. ஒரே அந்தஸ்துல இருந்தா கட்டிக்கிருவாங்க. இது எல்லாச் சமூகத்திலும் இருக்குல்ல.”
― தொல். திருமாவளவன், மதமும் மதமாற்றமும்

“மதம் மாறிய பின்னர் இஸ்லாம் மதத்தில் ஏற்கனவே இருந்தவர்கள் அவர்களை ஏற்றுக் கொண்டார்களா?

ஓ! ஏத்துகிட்டாங்களே. துபாய்ல மீனாட்சிபுரத்துக்காரன் மாதிரி பாங்கு ஓத முடியாதுன்னு சொல்றாங்கல்ல. பிறவி முஸ்லீமவிட அருமையா ஓதுவாங்களாம் மீனாட்சிபுரம் முஸ்லீம்ங்க. அப்படி டாப்புக்கு போயிட்டாங்க. பெரியவீட்டு பிள்ளைககூட சம்பந்தம் பண்றாங்க. மாற்றம் வந்திருச்சில்லையா?”
― தொல். திருமாவளவன், மதமும் மதமாற்றமும்

“காவல் ஆய்வாளரான பாலுச்சாமி மேற்கொண்ட வன்கொடுமைகள் பற்றிக் கூறுங்கள்.' 

தங்கராஜைத் தேடும்போது அந்த ஊர்ல ஒரு பொண்ணு இருந்திருக்கு. அந்த பொண்ணு தங்கராஜ் கூட நட்பா இருந்திருக்கும்போல. அந்தப் புள்ளைய பயங்கரமா கொடுமைபண்ணி லத்திய பெண்ணுறுப்புல விட்டு கொடுமைப் படுத்தியிருக்காங்க. இவங்களையெல்லாம் கேட்க ஆளில்லை. இந்த டார்ச்சரப் பாத்த மக்கள்தான் இஸ்லாத்துக்கு மாறுனாங்க.  

இந்திராகாந்தி அம்மா ரொம்ப சப்போர்ட்டா இருந்தாங்க. ‘மக்வானா’வ அனுப்புனாங்க. அவர் எஸ்.சி.; அப்போதைய உள்துறை அமைச்சர். அவர் அசோக்குமாரைப் பாத்துட்டு பேட்டி கொடுத்தாரு. அப்புறம் இளைய பெருமாள் அண்ணன் வந்தாங்க. தெளிவான அறிக்கையை இந்திராகாந்தி அம்மாகிட்ட கொடுத்தாங்க. இந்திராகாந்தி அம்மையார், தனக்கு நெருக்கமான பர்சனல் அசிஸ்டென்ட்ட அனுப்பி விரிவான அறிக்கையை எடுத்து வரச்சொல்லி வாங்கிக்கிட்டாங்க.

அதுக்கப்புறம் பொன் பரமகுரு ஐ.ஜி. மேல அந்தம்மாவுக்கு கோவம் வந்து பொன் பரமகுருதான் இந்த டார்ச்சர் எல்லாம் பண்றாருன்னு புரிஞ்சிக்கிட்டாங்க. அந்த அறிக்கைக்கு முன்னாடிவர அரசு வேறு ஒரு தோற்றத்தை உருவாக்குச்சு. காசுக்காக மதம் மாறிட்டாங்கன்னு உருவாக்குனாங்க. அப்படி எந்த மக்களும் பணத்துக்காக மதம் மாறல. மக்வானாவும், இந்திராகாந்தியின் பர்சனல் அசிஸ்டெண்ட்டும் இந்திராகாந்தி அம்மாகிட்ட விரிவான அறிக்கை குடுத்திருக்காங்க. போலீஸ் வன்கொடுமையாலதான் இவங்க எக்ஸ்ட்ரீம்க்கு போயி மதம் மாறியிருக்காங்கன்னு. அந்த ரிப்போர்ட் எந்தளவுக்கு தாக்கமா இருந்துருக்குன்னா, அவுங்க சென்னை வரும்போது ஐ.ஜி. பொன் பரமகுரு சல்யூட் அடிச்சிருக்கான். அவனோட அடையாள அட்டையைப் பார்த்ததும் You Are Still in Service? ன்னு எம்.ஜி.ஆரப் பக்கத்துல வைச்சிக்கிட்டே கோவமா கேட்டுருக்காங்க.  அந்தளவுக்கு அந்த ரிப்போர்ட் அவுங்களுக்கு பதிவாயிருச்சு.  அதுக்கப்புறம் எம்.ஜி.ஆர். அவர வேறு பணிக்கு மாத்திட்டாரு.”
― தொல். திருமாவளவன், மதமும் மதமாற்றமும்

“இஸ்லாம் போனா சாதி போய்விடுமா?'

ஆமா. உடனே மறைஞ்சிருதில்ல. உதாரணத்துக்கு எங்க அண்ணன் செல்லையா சேந்தமங்கலத்துல அரசு மருத்துவரா இருக்காரு. போலீஸ்காரன் கேக்குறான். குடிச்சிருக்கான். சர்டிபிகேட் குடுன்னு. இவர் ‘மாட்டேன் அவன் குடிக்கல’. எப்படி குடிச்சிருக்கான்னு குடுக்கிறதுன்னு கேக்க, அந்த போலீஸ் இவர இழுத்துப் போட்டு அடிச்சிருக்கான். கவர்மெண்ட் டாக்டரையே அடிச்சிருக்கான். அவரு கேஸ் குடுக்காரு. எடுக்க மாட்ரானுக. உடனே இஸ்லாத்துக்கு மாறுனாரு. இப்ப அவரோட மூணு பிள்ளைகளும் வெளிநாட்டுல வெல் செட்டில் ஆயிட்டாங்க. அந்தக் காலத்தில நம்ம மக்களும் பயத்துல இருந்ததுனால சப்போர்ட் பண்ண முடியல.

ராமர்ன்னு ஒரு வாத்தியார். சங்கரன்கோயில் பக்கத்துல பெருங்கோட்டூர் ஊருல வீடு கேட்டு நாயா அலைஞ்சாரு. வீடு கிடைக்கல. முஸ்லீமா மாறி ரகமத்துல்லான்னு போனாரு. கமுதிக்குப் போனாரு. அங்க செட்டியார் கூப்டுறாரு, எங்க தெருவுல வீடு இருக்குன்னு. நாடார் கூப்பிடுறாரு, எங்க தெருவுல வீடு இருக்குன்னு. முஸ்லீம்காரர் சொல்றாரு எங்கயும் போக வேணாம். பள்ளிவாசல்கிட்ட வீடு இருக்கு. இங்க இருங்கன்னு. அவரு சொல்றாரு பள்ளனா இருந்து வீடு தேடி நாயா அலஞ்சேன்.  அப்ப யார்னு மேல கீழ பார்த்தான். வீடு இல்லன்னு சொன்னான். இப்ப எல்லாப் பயலும் எங்க தெருவுல வீடு இருக்கு வான்னு சொல்றான். அப்ப ஒரு மாற்றம் வருதில்ல. இதுக்குத்தான் முஸ்லீமா மாறணும்னு ஆசை வந்தது. சமுதாயத்துல ஒரு அந்தஸ்து கிடைக்குதில்ல. உத்தம பாளையத்துல கருத்த ராவுத்தர் இருக்காருல்ல. அவரு ஒருவகையில எனக்கு சொந்தக்காரர். அவரு கன்வெர்ட் ஆயி அந்தஸ்து ஆயிட்டாருல்ல.

இந்த போலீசும் கவர்ன்மென்ட்டும் உரிய சப்போர்ட்டும் மரியாதையும் கொடுத்திருந்தா மதம் மாறியிருக்க மாட்டாங்க. மதமாற்றம் நடக்க அரசாங்கமும் ஒரு காரணம். உள்துறை அமைச்சரா இருக்கும்போது கக்கன்ஜீ பழனி கோவிலுக்குள்ள போக முடியல. உள்ள விடல. எவ்வளவு வேதனை. அதுக்குத்தான் மதம் மாற நினைச்சது.”
― தொல். திருமாவளவன், மதமும் மதமாற்றமும்

“கிறித்தவத்துக்கு மாறணும் ஏன் தோணல?'

கிறிஸ்டீன்னா, பள்ளர் கிறிஸ்டீனா? பறையர் கிறிஸ்டீனா? நாடார் கிறிஸ்டீனான்னு கேக்கான். அதுல மாற்றங்க வரலைல்ல.”
― தொல். திருமாவளவன், மதமும் மதமாற்றமும்

“ஏன் இஸ்லாம் மதத்திற்கு மாற வேண்டும் என முடிவு செய்தீங்க?' 

தாழ்த்தப்பட்ட நிலமை போயிரும் இல்லையா! ஆறுமுகம்னு சொன்னா யார்ன்னா கேக்கான். அப்துல் மஜீத்னு சொன்னா வாங்க பாய்னு சொல்றான்ல. அந்த அந்தஸ்துக்காகத்தான்.”
― தொல். திருமாவளவன், மதமும் மதமாற்றமும்

“அந்த காலத்துல எஸ்.பி.தான் காண்ஸ்டபில செலெக்ட் பண்ணுவாங்க. அப்போ பொன் பரமகுரு ஐ.ஜி. என்ன பண்ணிட்டாரு செலெக்சன் ஆனவங்கள கழிச்சு விட்டுட்டு தேவர்களா பாத்து செலெக்ட் பண்ணி தென் மாவட்டங்கள்ல போட்டாரு. அப்போ நம்ம மக்கள் போய் கேஸ் குடுத்தாலும் எடுக்க மாட்டான், அரசோட ஆதரவும் நமக்கு கிடையாதுன்னு மக்கள் எல்லாம் குழம்பி போனாங்க.”
― தொல். திருமாவளவன், மதமும் மதமாற்றமும்

“சைக்கிள்ல போகமுடியாது. செருப்பு போட்டு நடக்க முடியாது. வேட்டிய ஏத்தி கட்டக் கூடாது. மழை பெஞ்சாலும் குடைபுடிச்சிட்டு போகக்கூடாதுன்னு பல ரூல்ஸ் அந்தூர்ல.”
― தொல். திருமாவளவன், மதமும் மதமாற்றமும்

“சாதியவாதிகள் நம்ப வீட்டுக்குள்ள வந்தா ஆண்கள் வெளிய வந்திரணும். இந்தச் சூழல் பல இடங்கள்ல இருந்தது.”
― தொல். திருமாவளவன், மதமும் மதமாற்றமும்

“இட ஒதுக்கீடு கிடைக்கவில்லை என்ற எண்ணவோட்டம் எழுந்ததுண்டா?'

அதெல்லாம் ஒன்னும் இல்லை. அது எதுவும் வேணாமென்றுதானே மதம் மாறினோம். இடஒதுக்கீடே வேண்டாம். எந்த துவேஷமும் வேணாம். மரியாதைக்குத் தானே மதம் மாறியிருக்கோம்.”
― தொல். திருமாவளவன், மதமும் மதமாற்றமும்

“நீங்கள் பணிக்குப் போகும்போது எஸ்.சி. ஒதுக்கீட்டில் சென்றிருப்பீர்கள். மதம் மாறிய பிறகு பி.சி. பிரிவில் வந்திருப்பீர்கள். ஏதேனும் நெருக்கடி ஏற்படவில்லையா?'

அப்படி எதுவும் ஏற்படவில்லை. பணிக்குச் சேர்ந்து மூன்று அல்லது நான்கு ஆண்டுகள் ஆனால் மதம் மாறிக் கொள்ளலாம் என்ற ஒரு ஜி.ஓ. இருக்கிறது.”
― தொல். திருமாவளவன், மதமும் மதமாற்றமும்

“மீனாட்சிபுரத்தில் வன்முறைகளை அதிகம் நிகழ்த்தியது பிராமணர்களா? தேவர்களா?'

தேவர் மட்டும்தான்.”
― தொல். திருமாவளவன், மதமும் மதமாற்றமும்

“இந்துவா இருந்துட்டு முஸ்லீமா நீங்க மாறும்போது உங்க மனசு எப்படி இருந்தது?'

நாங்கள் விருப்பப்பட்டுதானே மாறினோம். பெரியார் அதுதான் சொல்லுறாரு. சாதி வேண்டாம்னா முஸ்லீமா மாறு அப்பிடின்னு. அம்பேத்கரும் அதுதான் சொல்றாரு. முஸ்லீமா மாறுறதுதான் அவரு எண்ணம். ஆனா, அப்படி மாறுனா இன்னொரு பாகிஸ்தான் வந்துரும்னு புத்த மதத்திற்கு மாறுனாரு.”
― தொல். திருமாவளவன், மதமும் மதமாற்றமும்

“இரட்டைக் கொலையை ஒட்டித்தானே காவல்துறையின் வன்முறைகள்...?'

அதுதான் மீனாட்சிபுரத்தைத் தாக்கிடுச்சு. நான் அரசாங்கத்தில் வேலை பார்த்தபோது என்னோட சுப்பீரியர் ஆபிசர் என் சாதியச் சொல்லித் திட்டுனதுனால, நான் செருப்ப கழற்றி அவர அடிச்சிட்டு ஊருக்கு வந்துட்டேன். அப்பொழுது ஊரில் எல்லாம் நடந்ததைச் சொன்னாங்க. எல்லோரும் ஒன்றுகூடி பேசி முடிவு எடுத்தோம். அப்படி எடுத்த முடிவுதான் டோட்டல் கன்வெர்சன், ஒட்டுமொத்தமா கையெழுத்து; ஒட்டுமொத்தமா இஸ்லாம். இஸ்லாமிற்கு மாறிய மறுநாளில் இருந்து போலீஸ் ஊருக்குள் வரவில்லை. அதோடு அந்த கொலை கேஸ் நின்றிருச்சு. அதுக்கப்புறம் போலீஸ் எங்க பாதுகாப்புக்காகத் தான் வாராங்க.”
― தொல். திருமாவளவன், மதமும் மதமாற்றமும்

“லெப்பை என்று ஏன் போட்டுக்கொண்டீர்கள்?

நாங்கள் எஸ்.சி. என்கிற பெயரில் கிடைக்கக்கூடிய எல்லாச் சலுகைகளையும் புறக்கணித்து விட்டோம். அடியோடு மறுத்துவிட்டோம். அதன்பிறகு இஸ்லாம் மார்க்கத்தில் உள்ளவர்கள் லெப்பை என்று போட்டுக்கொண்டால் சில சலுகைகள் கிடைக்கும் என்றனர். அதனால் லெப்பை என்று போட்டுக் கொண்டோம். லெப்பை என்று போட்டாலும் பி.சி.யில் தான் வரும்.”
― தொல். திருமாவளவன், மதமும் மதமாற்றமும்

“திடீர்னு இந்துப் பண்பாட்டுல இருந்து இஸ்லாத்துக்கு மாறும்போது உங்கள் மனநிலை எப்படியிருந்தது?

இடுகாடு, சுடுகாடு, குடி தண்ணீர், கிணறு, சவரம் செய்யிற கடை, லாண்டரி கடை இப்படி எங்க போனாலும் சாதிவெறி. அதனால மதம் மாறும் போது எந்தக் கவலையும் இல்லை.”
― தொல். திருமாவளவன், மதமும் மதமாற்றமும்

“உங்களுக்குப் பல சலுகைகள் செய்து தருகிறோம். இந்து மதத்திற்குத் திரும்பிவிடுங்கள்’ என்றார் வாஜ்பாய். ‘நீங்கள் பெரிய மனிதர். நீங்கள் இப்படியெல்லாம் எங்களுக்கு ஆலோசனைகூறத் தேவையில்லை. நீங்கள்தான் சொல்லுகிறீர்கள் நாங்கள் பணம் வாங்கிக் கொண்டு மதம் மாறிவிட்டோம் என்று. இப்பொழுது நீங்களே ஆசை வார்த்தைகள் கூறுகிறீர்களே? இதுவரை இஸ்லாம் கூட்டம் ஒருபோதும் எங்களிடம் அப்படிப் பேசியதில்லை’ என்று நான் அவரிடம் சொன்னேன்.”
― தொல். திருமாவளவன், மதமும் மதமாற்றமும்

“மதம் மாறிய அம்மக்களின் சமூகநிலை முன்னேற்றம் அடைந்திருக்கிறதா? என்பதை நாம் அறிந்து கொள்ள வேண்டும்.  பல்லாண்டு காலமாக ஒருமையில் பெயர் சொல்லி அழைக்கப்பட்ட அம்மக்கள் இன்று மரியாதையாக ‘பாய்’ என அழைக்கும் சூழல் உருவாகியிருக்கிறது.  

தேநீர்க் கடையைக்கூட பொது இடத்தில் வைக்கமுடியாத நிலையில் வாழ்ந்தவர்களால் வணிக வளாகங்களை நடத்த முடிகிறது. இப்போது அங்கே உமர் ஷெரிப் என்கிற மதம் மாறிய ஒருவர் பொது இடத்தில் மிகப்பெரிய வணிக வளாகம் வைத்திருக்கிறார். நீண்டகாலமாக இசுலாமியர்களாக இருந்தவர்களோடு இன்று பெண் கொடுத்து, பெண் எடுக்கும் வாய்ப்பைப் பெற்றுள்ளனர். தற்போது அங்கே மசூதியும் இருக்கிறது. அதற்கு முன்னர் அவர்கள் வணங்கிய காளியம்மான் கோயிலும் இருக்கிறது. ஒரே குடும்பத்தில் அண்ணன் இசுலாமியராக இருக்கிறார்; தம்பி இந்துவாக இருக்கிறார் என்பது பெரிய வியப்பாகும். அவர்களுக்கிடையில் எந்தப் பிரச்சினையும் மதரீதியாக எழவில்லை. இசுலாமியராக இருக்கிறவர்கள் காளியம்மன் கோயிலுக்கும் நன்கொடை தருகிறார்கள். இந்துக்களாக இருக்கிறவர்கள் மசூதியில் நடைபெறும் விழாக்களுக்கும் நன்கொடை தருகிறார்கள். இவ்வாறு இருதரப்பினரும் ஒற்றுமையாக இருக்கிறார்கள்.”
― தொல். திருமாவளவன், மதமும் மதமாற்றமும்

“இசுலாத்திற்கு மாறினால் தலித்துகளுக்கான அரசு சலுகைகள் எதுவும் கிடைக்காது. குறிப்பாக இடஒதுக்கீட்டுப் பயன் கிடைக்காது. இடஒதுக்கீடு இல்லையென்றால் கல்வி, வேலைவாய்ப்பு பாதிக்கப்படும். தொகுப்பு வீடுகள் கிடைக்காது. அரசாங்கத்தின்மூலம் பெறுகிற பயன்கள் கிடைக்காது என்பதான பக்கவிளைவுகள் குறித்தெல்லாம் பேசியிருக்கின்றனர். இவை எல்லாவற்றையும் உள்வாங்கிக்கொண்ட பிறகுதான் அங்கிருந்த 223 குடும்பத்தினர் இசுலாத்திற்கு மாறுவது என்கிற முடிவுக்கு வந்தனர்.”
― தொல். திருமாவளவன், மதமும் மதமாற்றமும்

“மீனாட்சிபுரம் கிராமத்திலும் வழக்கமான சாதியக் கொடுமைகள் நிலவின. பேருந்துப் பயணங்களில், தேநீர்க்கடைகளில், பொது இடங்களில் சாதிப் பெயரைச் சொல்லி இழிவுப்படுத்துவது, அதைவிட மிக முக்கியமாக 10-15 வயதுள்ள சாதி இந்துச் சிறுவன் 60-70 வயதுள்ள தலித் மூத்தவர்களையும் பெயரைச் சொல்லி ஒருமையில் அழைப்பது, பணியிடங்களில் காடு, கழனிகளில் பெண்களுக்கு எதிரான பாலியல் தொந்தரவுகள் என்பதான சமூகக் கொடுமைகள் ஆகியவையும் நடந்துள்ளன. இதுவே அவர்களுக்கிடையில் உளவியல் சிக்கல்களாகவும் மாறின. சமூக ஒடுக்குமுறைகள் குறித்து இளம் தலைமுறையினரிடையே பெரும் விவாதம் ஏற்பட்டது. இத்தகைய விவாதங்கள் ஒரு பொதுக்கருத்தை நோக்கி அவர்களைத் தள்ளியது. அந்த உந்துதல்தான் மதமாற்றத்திற்கான காரணியாக அமைந்தது.”
― தொல். திருமாவளவன், மதமும் மதமாற்றமும்

“குளத்தில் பன்றி, நாய், ஆடு, மாடு போன்றவை குளிக்கின்றன. ஆனால், தலித்தாகிய ஒருவரால் குளிக்க முடியவில்லை.”
― தொல். திருமாவளவன், மதமும் மதமாற்றமும்

“திருநெல்வேலி மாவட்டம், தென்காசி வட்டம், மீனாட்சிபுரம் என்கிற கிராமத்தில் 1981ஆம் ஆண்டு பிப்ரவரி திங்கள் 19-ஆம் நாள், ஒரே நாளில் 180 குடும்பத்தினர் இசுலாம் மதத்தைத் தழுவினார்கள். இந்நிகழ்வு இந்திய அளவில் மாபெரும் தாக்கத்தை ஏற்படுத்தியது. அப்போதைய அரசியல் தலைவர்கள், அமைச்சர்கள், மதங்கள், மடங்கள் போன்ற நிறுவனங்களைச் சார்ந்தவர்கள் எனப் பலரும் அந்தக் கிராமத்தை நோக்கிப் படையெடுத்தார்கள்.

அகில இந்திய அளவில் மீனாட்சிபுரம் மதமாற்றம் நிகழ்வு பெரும் விவாதத்தை ஏற்படுத்தியது. குறிப்பாக, அப்போதைய நாடாளுமன்ற உறுப்பினராக இருந்த முன்னாள் பிரதமர் அடல் பிகாரி வாஜ்பாய், அன்றைக்கு காங்கிரஸ் ஆட்சியில் மத்திய அமைச்சராக இருந்த யோகேந்திர மக்வானா, தமிழ்நாடு காங்கிரசு கமிட்டியின் தலைவராக இருந்த எல். இளையபெருமாள் ஆகியோரும் அந்தக் கிராமத்திற்கு ஓடோடி வந்தனர். அத்தருணத்தில் தமிழகத்தின் முதல்வராக எம்.ஜி.ஆர். இருந்தார்.

1956 அக்டோபர் 14-இல் நாக்பூரில் புரட்சியாளர் அம்பேத்கர் அவர்களின் தலைமையில் நடைபெற்ற பெருந்திரள் மதமாற்றம் இந்தியச் சமூகத்தையே உலுக்கியது. அதன்பின்னர், அம்பேத்கர் வழியில் சிறிதும் பெரிதுமான மதமாறங்கள் நிகழ்ந்தபோதும் இஸ்லாமிய மதமாற்றம் என்பது தமிழகத்தில் பெரும்பாலும் நடைபெறவில்லை. 1980-களுக்குப் பின்னர் இவற்றில் சிறிது மாற்றம் ஏற்பட்டது. குறிப்பாக மதுரை மாவட்டத்தில் கூரையூர் எனும் கிராமத்தில் 200 தலித்துகள் 1980இல் இஸ்லாத்திற்கு மாறினர். அதன்பின்னர் தென்காசி வட்டாரத்தைச் சுற்றி பரவலாக மதமாற்றம் நிகழ்ந்தபோதும் சாதிப் பிரச்சினைகள் மற்றும் அரச நெருக்கடிகளின் வாயிலாக ஒரு கிராமத்தில் வசிக்கும் ஒட்டுமொத்த தலித் மக்கள் தங்களுக்குள் விவாதித்து அவற்றில் 180 குடும்பங்கள் ஒரு குறிப்பிட்ட மதத்திலிருந்து இஸ்லாம் மதத்திற்கு மாறிய நிகழ்வு வரலாற்று அடிப்படையில் முக்கியத்துவம் கொண்டது.

மதமாற்றம் என்பது அவ்வப்போது நிகழ்ந்து கொண்டிருக்கின்ற ஒன்றேயாகும். இந்தியாவில் மட்டுமல்ல, அனைத்து நாடுகளிலும் நிகழ்கின்ற ஒன்றுதான். ஆனால், ஒரே நேரத்தில் கணிசமான எண்ணிக்கையுள்ள மக்கள், ஒரு கலாச்சார வாழ்க்கை முறையிலிருந்து திடீரென இன்னொரு வாழ்க்கை முறைக்கு, கலாச்சார முறைக்கு மாறுவது என்பது சாதாரணமான ஒன்றல்ல. அதன்படி சமூகத்தளத்தில், பண்பாட்டுத் தளத்தில், அரசியல் தளத்தில் என அனைத்துத் தளங்களிலும் மாபெரும் தாக்கத்தை ஏற்படுத்திய ஒன்றுதான் மீனாட்சிபுரத்தில் நிகழ்ந்த மதமாற்றம்.”
― தொல். திருமாவளவன், மதமும் மதமாற்றமும்

“ஒரு மதத்தில், பிறப்பின் அடிப்படையில் உயர்வு - தாழ்வு கற்பிப்பது, பிறப்பின் அடிப்படையில் மதிப்பீடுகள் செய்வது, பிறப்பின் அடிப்படையில் ஒடுக்குமுறைகளை நிகழ்த்துவது, பிறப்பின் அடிப்படையில் இழிவு செய்வது போன்றவை காலங்காலமாய் நீடிப்பதால், அம்மதத்தில் ஒருவன் தன்மானத்தோடு வாழ்வதற்கான இடமில்லை. எனவே, எந்த மதம் ஒருவனுக்குத் தன்மானம் தருகிறதோ அந்த மதத்தை நோக்கி, அவன் பயணிப்பது அல்லது மதம் மாறுவது நிகழ்கிறது. எனவே, ‘மதமாற்றம்’ என்பது நம்பிக்கை சார்ந்து நிகழ்வது ஒருவகையாகும். இழிவு மற்றும் ஒடுக்குமுறை போன்றவற்றால் நிகழ்வது இன்னொரு வகையாகும்.

இத்தகைய ஒடுக்குமுறை மதத்தால் நிகழ்கிறது என்பதைவிட, அம்மதம் சார்ந்த அரசால் நிகழ்கிறது என்பதே உண்மை. அரசு மதச்சார்பற்ற அரசாக இயங்கினால் இத்தகு ஒடுக்குமுறைகளைத் தடுக்க முடியும். அதாவது, ஒடுக்குமுறைகளிலிருந்தும் பிறப்பின் அடிப்படையிலான இழிவுகளிலிருந்தும் அந்த மக்களுக்குப் பாதுகாப்பு தரமுடியும். ஆனால், அரசே மதம் சார்ந்து இயங்குவதனால், அந்த ஒடுக்குமுறையை நேரடியாக அரசு திணிக்கிறது அல்லது ஊக்கப்படுத்துகிறது என்னும் நிலையைக் காணமுடிகிறது. எனவே, இந்தியாவைப் பொறுத்தவரையில் அரசின் அணுகுமுறைகள், அரசின் நடவடிக்கைகள் மற்றும் அரசின் ஒடுக்குமுறைகள் என்பதும் பெருந்திரள் மதமாற்றத்திற்கு மிக முக்கியமான காரணிகளாக அமைகின்றன. ஆகவே, ‘மதமும் மதமாற்றமும்’ என்பது தனிநபர்களின் நம்பிக்கை தொடர்பானது மட்டுமல்ல; புறநிலையிலிருந்து தாக்கங்களை உருவாக்கும் சமூகக் காரணிகளையும் அரசியல் காரணிகளையும் அடிப்படையாகக் கொண்டது என்றும் சொல்லலாம்.”
― தொல். திருமாவளவன், மதமும் மதமாற்றமும்