Секој со своето езеро Quotes

“Мириса на вода, на белина, на среќа, иако тој не знае како најточно мириса среќата и дали таа воопшто може да биде намирисана. Но сепак, нему му мириса.”
― Ненад Јолдески, Секој со своето езеро

“Вреди, вреди понекогаш да се плаче.”
― Ненад Јолдески, Секој со своето езеро

“Би сакала да можеме да купиме време, ми вели. Не со пари, со нешто друго. Тогаш би имале време за сè. За сите ситни нешта.”
― Ненад Јолдески, Секој со своето езеро

“Тогаш почувствував како во мене тлее расказ како внатрешна температура што се појавува неочекувано и го мекнее телото.”
― Ненад Јолдески, Секој со своето езеро

“Никогаш не дознав каде луташе додека ја немаше, а наместо тоа, во мислите ја гледав како доаѓа по тесните улички осветлени од месечината, со нови мириси и нови приказни. И навистина, секогаш така се враќаше.”
― Ненад Јолдески, Секој со своето езеро

“А таа најчесто читаше до доцна во ноќта и веруваше дека само тогаш може да постоиме.”
― Ненад Јолдески, Секој со своето езеро

“Излегуваше во утрата и без да знае со себе земаше сè: книгите, мебелот, гитарата, перниците, вратите, прозорците, сите минати среќавања, мирисот на портокал и вкусот на круша што наседнал на усните, сето време и една фотографија на која ние во двојна експозитура пливавме во темносиното море.”
― Ненад Јолдески, Секој со своето езеро

“О, каде си? Каде си сега, поету, да ја зашиеш ноќва со стих и вино црвено да налиеш за времево што ме голта во челуста од молк? Каде си да ги залечиш раните на градот кобен и со мелем од стих во магија да го воскреснеш над човекот тажен? Каде си, каде си, поету, ти што го отклучуваш универзумот, да го заклучиш проклетствово што се ведне?”
― Ненад Јолдески, Секој со своето езеро