خليل البوسليمي

“اصــبــر يـا ولـد ...أنــت مــازلــت عـلـي أعتــاب عمــرك...وغــداً وبعـد غــد ســوف تشــرق شمــس جديدة.....ألســت تنــاضــل الآن مــن أجـــل ذلك المستقبــل ؟؟!!....ســوف تفخــر بأنــك أنــت الــذي صنعتــه بأظافرك مـنــذ الأول إلي الآخر!!”
― غسان كنفاني

“سهير ليالي و ياما لفيت وطفت
وف ليله راجع في الضلام قمت شفت
الخوف … كأنه كلب سد الطريق
وكنت عاوز أقتله .. بس خفت
عجبي !!”
― صلاح جاهين, رباعيات صلاح جاهين

“في يوم صحيت شاعر براحة و صفا الهم زال و الحزن راح و اختفي ... خدني العجب و سألت روحي سؤال .. أنا مت ؟و لا وصلت للفلسفة عجبي”
― صلاح جاهين

“الشوارع حواديت
حواداية الحب فيها..و حواداية عفاريت
اسمعى يا حلوة لما أضحك
الشارع ده كنا ساكنين فيه زمان
كل يوم يضيق زيادة عن ما كان
أصبح الآن بعد ما كبرنا عليه
زى بطن الأم مالناش فيه مكان

الشارع ده رحنا فيه المدرسة
اللى باقى منه باقى
و اللى مش باقى اتنسى
كنسوه الكناسين بالمكنسة
ييجى دور لحظة أسى
أنا برضه كمان نسيت

الشارع ده أوّله بساتين
و آخره حيطة سد
ليا فيه قصة غرام
ما حكتش عنها لأى حد
من طرف واحد..و كنت سعيد أوى
بس حراس الشوارع حطوا للحدوتة حد

الشارع ده شفتك انتى ماشية فيه
لابسة جيب.. و بلوزة وردى
و عاملة ديل حصان وجيه
اتجاهك فى اتجاهى..مشينا ليه
و الشارع دا زحام و تيه
بس لازم نستميت

و الشوارع حواديت
حواداية الحب فيها
و حواداية عفاريت
و اضحكى يا حلوة لما اسمّعك”
― صلاح جاهين