رباعيات Quotes

“أنا قلبي كان شخشيخة أصبح جَرس
جلجلت به صحيوا الخدم والحرس
أنا المهرج .. قمتو ليه خفتو ليه
لا فْ إيدي سيف ولا تحت مني فرس
عجبي !!”
― صلاح جاهين

“سهير ليالي و ياما لفيت وطفت
وف ليله راجع في الضلام قمت شفت
الخوف … كأنه كلب سد الطريق
وكنت عاوز أقتله .. بس خفت
عجبي !!”
― صلاح جاهين, رباعيات صلاح جاهين

“ريتك معايا تطوفي
وسط البشر والزحام ...

وتشوفي حيرتي وخوفي
عليكي من دي الالآم”
― عبد الرحيم منصور

“منين أجيبك يا سمره
ياللي عيونك دوايا ...

حلمت ياما ببكره
وبكره أصبح مسايا”
― عبد الرحيم منصور

“دي عنيكي شبابيك أغاني
باطل منها وباشوف ...

خلت زماني حصاني
خلتني ع السر ألوف”
― عبد الرحيم منصور

“سنوات وفايته عليّا فوج بعد فوج

واحدة خَدِتني إبن والتانية زوج

والتالتة أَب خدتني والرابعة إيه

إيه يعمل إللي بيحْدفُه موج لموج ؟

عجبي !!”
― صلاح جاهين, رباعيات صلاح جاهين

“ورا كل شبّاك ألف عين مفتوحين
وانا وانتي ماشيين يا غرامي الحزين
لو التصقنا نموت بضربة حجر
ولو افترقنا نموت متحسرين
عجبي!!”
― صلاح جاهين