آسيره

“ما كنت من يهوى السكوت و إنّما.. عقلت لساني رهبة الأدهار”
― إيليا أبو ماضي, ديوان إيليا أبو ماضي

“عارف لما تشوف الصبح بيطلع .. و انت قاعد
لما تلاقى قلبك بيدق وانت بارد
أو تنام و انت شارد .. و تجرى وانت واقف .. و تبكى وانت ساكت
عارف لما عينيك تشوف جوه ناس .. و تحس بإحساس
عارف لما تبقى كل حاجا غلط صح .. و كل حلال حرام
المية تبقى نار و النار تبقى مطر
عارف لما تسكت و جواك مليان كلام
و تتكلم وانت مش طايق الكلام
تشوف الكدب من العينين باظظ
وإن اتكلمت هاتبقى عينيك بتشوف مش زى مانت باصص
تمشى مش زى مانت رايح
تتمنى تموت و انت عايش
او تعيش بس مش على الهامش
لما تحس انك نصين لحاجة واحدة بس مش بتوع بعض
نص برق و التانى رعد”
― أحمد حلمي, 28 حرف

“تُشبهنا شوارع مدينتنا حتى بإنحناءات أجسادنا وثنايا قلوبنا وأحياناً عطبها”
― مى سلامه

“كَان نفسهَا يحضُنهَا أبوهَا
زَى ما بتشُوف البنَات !!
كَان نفسهَا يكُون سندهَا فى ضَهرهَا
يكُون جنبهَا فى وقت خُوفهَا وضعفهَا
كَان نفسهَا تشُوف حنانُه
يُوم ما تقسَى عليهَا الظُروف
كَان نفسهَا بكلامُه ليهَا لقلبهَا
يطٌرد ويبعِد أى خُوف !

كَان نفسهَا تحِس بأمَان لمَا تيجِى تكلمُه
كَان نفسهَا ميكُونِش غيرُه فى قلبهَا
تحكِيله عنهَا تفهمُه
كَان نفسهَا متدورش على حد غِيره
يحسِسهَا فى يوم بأمَان
يحسِسهَا بالإهتمَام
يسمعهَا ويقويهَا ضد الأحزان
كَان نفسهَا فى حاجَات كتيِر
زَى ما بتشُوف البنَات
كَان نفسهَا تقُول دَة بابَا
وهيَا بجد فخُوره بيِه
كَان نفسهَا لما ييِجِى وتَر الوَجع
تبكِى تِفضفَض فى حُضن عنيِه
كَان نفسهَا فى حاجات كتيِر
بَس مِش كُل اللى بنحلَم بيه
بنعرَف دايمَا نوصَل ليِه !!”
― شيرويت أحمد