Chanette Paul's Blog, page 2

Offerlam se Caz Colijn in Gent

‘n Visuele toertjie van plekke in Gent waar Caz haar bevind het.

Hier is die Graslei waar sy en Luc mekaar die eerste keer sien, waar Erevu haar dophou en sy kriek (kersiebier) drink.

Sy koop Gentse Neuzen – lekkergoed met ‘n framboossmaak wat eie is aan Gent – en drink by ‘t Galgenhuis ‘n “pilsje”.

   

Caz wag op Sint-Baafsplein vir Tieneke terwyl dié by die notaris is.

 

Sy ontdek ‘n restaurantjie ‘n entjie weg van die Graslei waar sy goedkoper ete en drinke kry en sommer ‘n samaritaan wat haar help om ‘n selfoon te koop ook. Dis wat sy van haar tafel af sien:

Die kamer met die dakstoep wat sy by Erdem huur en Gent in die aand :

 

Ek hoop jy het lekker saam met Caz in Gent gekuier!

Offerlam is hier… en amper daar ook

Offerlam behoort teen die tyd op die boekwinkels se rakke te wees.

Dis ook aanlyn beskikbaar by onder meer Graffitiboeke en boonop tans teen ‘n lekker afslag.

Die publikasiedatum van die Nederlandse vertaling is vervroeg na 3 November, dieselfde dag wat ek in België land vir ‘n boekbekendstellingstoer van twee weke.

Dit kan ook reeds bestel word by onder meer Bol.com

My splinternuwe webwerf

Die afgelope paar jaar was ek bitter skaam oor my webwerf wat so verouderd was. Tyd het net ontbreek om die inligting op te dateer. Uiteindelik het ek besef opdatering gaan net soveel verg as ‘n hele nuwe webwerf. So ‘n rukkie terug het ek en Marthie de Wet van Tilt Interactive weggespring en hier is die resultaat:

http://www.chanettepaul.co.za.

Labirint maak ‘n tweede draai

LABIRINT, splinternuut aangetrek en weer op die rak van 15 Junie af!

Beskikbaar by onder meer Graffti Boeke:

http://www.graffitiboeke.co.za/index.php?page-id=book&book-id=14342&title=Labirint

Resensie:

– Beeld 2012-11-11

Eietyds en byderwets geslyp

Annari van der Merwe



Vir Vasti de Leeuw, die hooffiguur in Labirint, verwys dié woord na “’n enkelroete wat sonder moeite na die kern en terug gevolg kan word.

In ’n doolhof, daarenteen, is daar meer as een roete na die kern … Die doolhofskepper probeer die dwaler verwar en uitoorlê, vasvang in die web van die roete.”

Vasti, kunsskilder, bevind haar in ’n emosionele doolhof sodat sy nie die belofte van buitengewone begaafdheid gestand kan doen nie.

Die verhaal vertel van haar volgehoue poging om haar pad uit hierdie doolhof te vind sodat sy weer soos vroeër kan skilder.

Dis ’n haas onmoontlike taak: Haar eks, met wie haar lewe al sedert haar studentejare op Potch verstrengel is, is ’n geweldenaar van wie sy voortdurend wegvlug.

Sy vlug na haar geboorte-omgewing iewers in die Overberg. As sy gedink het sy sal hier in haar grootouers se huis ’n veilige hawe vind, het sy haar erg misgis.

Nie net begin haar eks haar weer treiter nie, maar omtrent almal op die twee aangrensende dorpies blyk verwant te wees, ongure familiegeheime kom na vore en binne drie maande sterf agt mense raaiselagtig.

Op een na word moord vermoed; boonop was al agt se lewens op een of ander manier met Vasti s’n ver­strengel. Byna tot op die laaste bladsy is Vasti onseker wie sy kan vertrou.

Chanette Paul skryf met ’n geoefende hand, ryke verbeelding en wye verwysingswêreld wat getuig van deeglike navorsing.

Sy weet hoe om ’n spanningsvolle doolhof van ’n intrige te skep.

Hoewel sy ’n heerlik fiktiewe wêreld uitbeeld, is dit tog ’n herkenbare werklikheid wat sy oproep, eietyds en byderwets Afrikaans.

PEN oor nuusbulletins uitsluitlik in Engels

SABC News (DStv-kanaal 404) kanselleer alle TV-nuusbulletins in alle nasionale tale behalwe Engels

PEN Afrikaans en PEN South Africa maak ten sterkste beswaar teen die kansellasie van alle addisionele TV-nuusbulletins in alle amptelike Suid-Afrikaanse tale behalwe Engels op SABC News (DStv-kanaal 404) vanaf 1 April 2015.

Met hierdie besluit maak ons openbare uitsaaier duidelik dat hy hom nie wil verbind tot die bevordering van die veeltaligheid en taalregte wat in ons Suid-Afrikaanse Grondwet en Handves van Menseregte verskans is nie.

Hierdie gebrek aan toewyding tot die ideaal van meertaligheid is tragies ironies wanneer ���n mens in ag neem dat die SABC op sy webwerf en in ander bemarkingsmateriaal verklaar SABC News saai uit aan gehore in al 11 amptelike Suid-Afrikaanse tale en sy taalbeleid aanprys deur te s��: ���… a unique selling point is SABC News Channel���s multilingual programming���.

Hlaudi Motsoeneng, die operasionele hoof van die SABC, het met die bekendstelling van SABC News ges�� di�� kanaal is ���n geleentheid vir die openbare uitsaaier om sy mandaat vir openbare dienslewering uit te bou en sy fokus op provinsiale stories en die verskillende amptelike tale te versterk.

Sowel PEN Afrikaans as PEN South Africa is geaffilieer aan PEN International, en daarmee is beide ook verbind tot die 2011 Girona-manifes van Taalregte wat PEN International se 10 sentrale beginsels ten opsigte van taalregte uiteensit. Die tersaaklike beginsels een, twee en nege verklaar:

1. Taaldiversiteit is ���n w��reld-erfenis wat waardeer en beskerm moet word.

2. Respek vir alle tale en kulture is fundamenteel om dialoog en vrede in die w��reld te skep en te handhaaf.

9. Die media is ���n bevoorregte sleutelversterker wat noodsaaklik is om taaldiversiteit te laat werk en om op vaardige en streng, konsekwente wyse die prestige van veeltaligheid te verhoog.

PEN Afrikaans en PEN South Africa is daarom oortuig dat die SABC as ons veeltalige demokrasie se openbare uitsaaier verplig is om sy besluit oor die kansellasie van alle TV-nuusbulletins in alle talle behalwe Engels op SABC News te heroorweeg.

Indien die SABC slegs Engels wil aanbied op sy nuuskanaal wat geskep is om die belange van alle Suid-Afrikaners te dien in ���n tyd waar die land verdeel word deur ���n heftige debat oor die Britse koloniale nalatenskap van Cecil John Rhodes, behoort hy sekerlik oorleg te pleeg met die publiek wat hy veronderstel is om in te lig en te bemagtig.

Lekkerlit 2015

Ek was skoon tranerig toe ek vanoggend die nuus��kry dat��Ewebeeld die Lekkerlit Boek van die Jaar vir 2014 gewen het. Toe��Jo & Sue die prys in 2012 gewen het, was ek baie verras en nog meer verras toe Siende Blind in 2013 weer so gemaak het. En nou Ewebeeld vir 2014.

Ek skryf tans aan ‘n nuwe boek en soms sukkel dit maar. N�� hierdie nuus,��voel ek dat hierdie driekuns vir my s�� ek doen ten minste i��ts reg. Dit gee my nuwe moed.

Di�� prys is veral vir my so geweldig��besonders omdat dit die lesers is wat stem. Boonop was daar ses��wonderlike��boeke waarteen Ewebeeld te staan gekom het. Soos ek vir ‘n leser op Facebook ges�� het, ek sou nie kon kies as ek moes stem nie. Vir my was��elkeen van daardie boeke ‘n heerlike leeservaring.

As jy nog nie die boeke gelees het nie, maak��gerus ‘n plan. Dis ontspanningsfiksie op sy beste.

Die sewe Lekkerlit-boeke van 2014 was Die 13de kaart deur Madelein Rust, Donker spoor deur Martin Steyn, Ewebeeld deur Chanette Paul, Seisoen van lig en donker deur Alta Cloete, Slim leuens deur Lien Roux-de Jager, Stiletto���s van staal deur Bernette Bergenthuin en Waar boosheid broei deur Peet Venter.

Lees meer by:��http://lapa.bookslive.co.za/blog/2015/03/02/chanette-paul-wen-vir-die-derde-keer-die-lekkerlitprys-di%C3%A9-keer-met-ewebeeld/

Ewebeeld by die Woordfees 2015

Ek weet sommer ek en Madri gaan heerlik gesels oor Ewebeeld en dinge wat Jung kwytgeraak het.

Donderdag 12 Maart om 15:00 in die Erfurthuis.

Bespreek by Computicket:

http://online.computicket.com/web/event/chanette_paul_ewebeeld/874577374

Sasnev op 6 November

Sasnev het in vele opsigte daartoe bygedra dat ek ‘n maand lank in België beland het. Dis dus vir my ‘n groot voorreg om volgende Donderdag, 6 November, daar te kan praat oor my toer, die redes daaragter en wat ek daar vermag het, maar veral om met Izak de Vries te gesels oor Ewebeeld wat teen daardie tyd op die rak sal wees.

RSVP asseblief by die e-posadres / telefoonnommer hieronder.

Ewebeeld bekendstellings in die Wes-Kaap

Apologie aan my nuusbrieflesers. Die bekendstelling wat by Wordsworth in Somerset Mall sou plaasvind, is ongelukkig afgestel as gevolg van verbouings in die sentrum. Die ander twee geleenthede gaan egter voort soos beplan:

Ewebeeld

Ek is baie mal oor Ewebeeld se omslag! Kan nie wag om die boek in my hande vas te hou nie.

Beskikbaar van middel-November af of bestel vooruit by Graffiti:

http://www.graffitiboeke.co.za/index.php?page-id=book&book-id=18704&title=Ewebeeld

Lees ‘n proestukkie by

http://www.maandbladzuidafrika.nl/node/186