وَصلة روح Quotes

“صنعة لطافة
___________
بخفة و ظرافة
و صنعة لطافة
ساعة الجد
يفلت
يسلت ايديه
م الأمر برمته

ولواحد طيب ف حاله
العمة يلبسه

بحبة ألاطة
و سبكة عياقة
و رشة شياكة
عليه يضحك
و أونطة يأكله

البساط من تحته
فى لمحة يشدة
بشطارةو حرفنة
و شوية حركنة
هو هذا و ديه طريقته
بالفهلوه مشهور مع طيبته
مَثله سبقه و فضحها
عيط ضربه
و سَبقْ الشكوى

يشحت علموه
على البيبان
سبقوا و فاتوه

ساعات يَحوّر
و عليك يَدَور
يلف يدور
و الآيه تتعكس
و الموقف عليك
بشطارته يقلبه
وبخفة و حداقة
و هى هياها
صنعة اللطافة
بكلمة يسنجفك
وكل اللى عندك
منك بسلاسة
لحكيه يدحلبك
و كل المخبى
منك يستدرجه

و أى شئ يعوزه
بمهارة يطلعه
أى قصة سهل
فى إيده تتعرف
متخدش غلوة
فى إيده تتستوى

من غير ما تشعر
كله يعرفه
دى مهارة صحيح
و خفة
صنايعى معتبر
فى الصنعة مية مية
حرفية عالية
شقاوة و حرفنة

و كتير بيقدر
الممنوع يعمله
من غير ما حد
لحاله يعوى وينتبه
عليك الدور بشدة
يسبك و يرسمه
يتشحتف و يبكى
و المُحن بيتفرش

دى شطارة و مَعلَمة
ف لحظة عليك بيضحك
و إتفاق القعدة
ترابيزته فى ثانية
فوقك بتتقلب
و الأمر يتعكس

بخفة يد
و مهارة معفرته
عفريت
كحل عينك منك
بسهولة يسلته
يقولك دى حاجة
بالشئ الفلانى
مفيدة و قيمة
بجزيل المعانى
و رحمة جيرانى
دى حاجة كويسة
تلاقها خرج بيت
و حاجة مأندلة
ولا فرز تانى
بسلوك متقفلة
يطلع أنانى
ولا ف شئ فولانى
ولا حاجة تطمنك
هَو واه كده ع طول
على فكره
أوعى تصدق
إنه فى ريحنا
أو فعله
حاجة تفرحنا
ديا طباعه
ف الروح و الدم
و الزمار نغمته يعزفها
حتى لو بيموت على فكرة

نوفمبر 2014
من ديوانى ‫#‏وصلة_روح‬
‫#‏فاطمة_عبدالله‬
‫#‏زهراء_موئل‬”
― فاطمة عبدالله, وَصلة روح

“#فاطمة_عبدالله #زهراء_موئل
زهراء موئل

#فاطمة_عبدالله #زهراء_موئل
زهراء موئل”
― فاطمة عبدالله, وَصلة روح

“و مين يعرف طريقه منين ؟
و إيه مخبّى ع السكة
و مين يملك نصيته بإيده
و روحك فيك عى تكة
فاطمة عبد الله”
― فاطمة عبدالله, وَصلة روح

“#أمي_جالتلي
و كانت قاعدة ف التراسينا
روحي يا بنتي ما تبقى
في يوم خبيثة لئيمة
اللي ف قلبك صرحي و قوليه
و اللي في نفسك لا تداريه
و ما تخشى لوم الايمين
بس الحكي يبقى مسكر
مش بمرار و طعم الحنضل
#فاطمة_عبدالله”
― فاطمة عبدالله, وَصلة روح

“#أمي_جالتلي
لا تبص تحتك
بُص جدامك
زي الأرض
ما تطرح عنبة
تطرح بلحة
بعد الشوجة
في وسط غَيَامْه
ماتدوس تحتك
دوس جُدَّامك

#فاطمة_عبدالله
#زهراء_موئل”
― فاطمة عبدالله, وَصلة روح

“سمانا مغطيها الهمّ
وهمومنا سحابة
تضلل أو ما تضللش
هتمطر وتوقع حزن
و المرّ يسرسب ع الطّل

#فاطمة_عبدالله
#زهراء_موئل”
― فاطمة عبدالله, وَصلة روح

“ياللى كبرت و قلت عجزنا ...
الكُبر مش بالسن ... بشيب قلبك على فكرة
#فاطمة_عبدالله
#زهراء_موئل”
― فاطمة عبدالله, وَصلة روح

“لضَم الفجر خيط الصبح
في حُضن عَمَار
رُقعة ضلمة ف طرف الكون
رفاها نهار
رقعة ضي ف حضن سحابة
سابحةبتتهادى
محملة الأسرار

#فاطمة_عبدالله
#زهراء_موئل”
― فاطمة عبدالله, وَصلة روح

“الزمار بيموت على فكرة ... و نَغمتُه لسه بيعزفها
#فاطمة_عبدالله
#زهراء_موئل”
― فاطمة عبدالله, وَصلة روح

“ناسك عاشق
___________
زى عاشق ...
روحه حلوة فى الحياة
يفرح كطير يشدو فى عشه
يحلم فى عشقه لمنتهاه
عينه لا يمكن تغشه
ف حباية بتلمع م الندا
فوق جبين أكليل زهور
أما ينظر عينه تضحك
لطفل حلو فى مبتداه
نفسه يوصل ف المطاف
فى الدائرة لنقطة مبتغاه
عشقه نفحة من الإله
الودّ فيه هو اللى غارسه
قاله حب و ابنّى فى الحياة
زى عاشق زى ناسك
كله من صنع الآلة
روحه فيه هى الحياة
فيه العشق زارعه
قاله حب ..عمّر فى الحياة
يحب روحه يحب غيره
روحه دابية فى عشق الحياة
تتهز روحه ترتعش
يبكى لحظة يكتشف
عشق أكبر ف الحياة
إنّه فى صفحة هواه
ما وصلش لسه لمنتهاه
إنه ف العشق أضئل
من أى صبّ ف مستواه
يلقى نفسه ف عشق أكبر
روحه دايبة فى عشق الإله

#فاطمة_عبدالله
من ديوانى #وصلة_روح
#زهراء_موئل”
― فاطمة عبدالله, وَصلة روح

“#أمي_جالتلي
و شورتها دى زينة
روحى يا بنتى
يجعل ليك
ف الخطوة سلامة
لحظة فرح يا بنتي
تفوت كالبرق
سمانا مغطيها الهمّ
وهمومنا سحابة
تضلل أو ما تضللش
هتمطر وتوقع حزن
يسقط جوه بحور الغم
والمد يسرسب ع الطّل
يا بنيتي الفرحة شحيحة
اغتنمي منها وخديها
كفانا يا قلبي حزن ومر
#فاطمة_عبدالله
#زهراء_موئل”
― فاطمة عبدالله, وَصلة روح

“#أمى_جالتلى
يا بنيتي الكلمة الحلوة
حفنة مفاتيح وياكي
طُلّى بيها بعرض سماكي
تفتح الأبواب المقفولة
والقفل مِسّكّر من يُومه
حتى أبواب القصر العالي
تفتحها وتجيب الغالي
اسمعي مني دوت فالي
خوديها كلمةوبُصي لحالي
قاعدة بأغنى على موالى
محدش قال تخضعي بالقول
بس الكلمة تكون على قد القول
#فاطمة_عبدالله
#زهراء_موئل”
― فاطمة عبدالله, وَصلة روح

“#أمى_جالتلى

كلام الحق تقيل شوية
تقله طنيين
والحقيقة دايمًا توجع
ومرارها مضروب في اتنين
يا بنتى تقدرى
ترفعى تهمة عن المتهوم
بكلمة حق صَبَغها اللون
مش عيب يا بنيتي ولا شوم

#فاطمة_عبدالله
#زهراء_موئل”
― فاطمة عبدالله, وَصلة روح