“ناسك عاشق
___________
زى عاشق ...
روحه حلوة فى الحياة
يفرح كطير يشدو فى عشه
يحلم فى عشقه لمنتهاه
عينه لا يمكن تغشه
ف حباية بتلمع م الندا
فوق جبين أكليل زهور
أما ينظر عينه تضحك
لطفل حلو فى مبتداه
نفسه يوصل ف المطاف
فى الدائرة لنقطة مبتغاه
عشقه نفحة من الإله
الودّ فيه هو اللى غارسه
قاله حب و ابنّى فى الحياة
زى عاشق زى ناسك
كله من صنع الآلة
روحه فيه هى الحياة
فيه العشق زارعه
قاله حب ..عمّر فى الحياة
يحب روحه يحب غيره
روحه دابية فى عشق الحياة
تتهز روحه ترتعش
يبكى لحظة يكتشف
عشق أكبر ف الحياة
إنّه فى صفحة هواه
ما وصلش لسه لمنتهاه
إنه ف العشق أضئل
من أى صبّ ف مستواه
يلقى نفسه ف عشق أكبر
روحه دايبة فى عشق الإله

#فاطمة_عبدالله
من ديوانى #وصلة_روح
#زهراء_موئل”