ابتهال

“حين ينتهي الحُب , أَدرك انه لم يكن حُباً
الحبّ لا بد أن يُعاش , لا أن يُتذَكر!”
― محمود درويش

“باريس تقول قصّروا الفساتين00نقصرها
ترجع تقول طّولوا 00 حالاً نجرجرها
و في الشتا - قوّروا القمصان00نقورها
و في الصيف زرّروا الأرّواب000نزررها

و تقول باريس أحلقوا الشنبات ، نحلقها
و تقول لنا الدقن مودة اليوم ، نلزقها
و تقول لنا استعملوا الشورتات ، نسبقها
و تقول كمان اقلعوا الطرابيش ، نكعورها

و تقول ((فيينا)) ارقصوا00نحيّ ليالينا
و تقول ((موناكو)) العبوا00نفتح نوادينا
و تقول ((جلاسجو)) اشربوا،نسكرلهاطينة
و الخمرة قال مش حرام و الجوزة نكسرها

عميان و عايزين لنا مجانين تسحبنا
و لو يخوضوا بنا الأوحال يعجبنا
مين شاف خلافنا أمم بتحب جزارها

يارب تسلم باريس و تصوم وتصلي
و تكون موضتها سبح ولاّ طرح تلي
عشان ما تصبح سعاد وأم الهنا و نيللي
غير ربنا ذو الجلال ما يشوفش ضوفرها”
― بيرم التونسي

“رُزقتُ مع الخبز حبك
ولا شأن لي بمصيري
ما دام قُربك”
― محمود درويش, سرير الغريبة

“ساعات أقوم الصبح قلبى حزين
أطل بره الباب ياخدنى الحنين
اللى لقيته ضاع
واللى اشتريته انباع
واللى قابلته راح وفات الأنين

وارجع واقول
لسه الطيور بتفنّ
والنحلايات بتطنّ
والطفل ضحكه يرنّ
مع ان مش كل البشر فرحانين

حبيبى سكر مر طعم الهوى
فرق ما بيننا البين ماعدناش سوا
حرام عليك يا عذاب
نبقى كده اغراب
ده البعد والله جرح من غير دوا

آدى اللى كان وآدى القدر وآدى المصير
نودع الماضى و حلمه الكبير
نودع الأفراح نودع الأشباح
راح اللى راح ماعدش فاضل كتير

ايه العمل فى الوقت ده يا صديق
غير اننا عندافتراق الطريق
نبص قدامناعلى شمس أحلامنا
نلقاها بتشق السحاب الغميق

وارجع واقول
لسه الطيور بتفنّ
والنحلايات بتطنّ
والطفل ضحكه يرنّ
مع ان مش كل البشر فرحانين”
― صلاح جاهين