محمد الحويف

“قواعد الوحدة الستة

1
الوحدة حُضن المُشتاقين للُقا
الوحدة وطَن كُل متغرب
الوحدة دفا وقت البُكا
الناس بتبعد - والوحدة بتقرب .
2
فَرق ما بين
إضطرارك للوحدة . .
وحاجتك ليها
الأولانية هتعذبك
والتانية صدقني . .
هتستمتع بيها .
3
الوحدة دايرة . . وإنت مَركزها
فطبيعي مهما تلف . .
هتفضل جواها
الدُنيا قاسية وإنت هدفها
ولجل ما تخف . .
فالوحدة دواها .
4
لما الناس تَبيعك . .
إشتري الوحدة
لما الناس تسيبك . .
إتحامي فيها
الوحدة بنت جَدعة
يوم ما تحتاجها . .
أكيد هتلاقيها .
5
مين قال إن الوحدة
يعني مفيش حد « معاك »
هتحس الوحدة لما . .
يبقي مفيش حد « جواك »
6
ساعات الوحدة بتكون أحسن
من ناس مكسبهم خُسارة
وناس خُسارتهم مَكسب
الوحدة هتفضل حقيقة حتي
لو كُل الناس طلعت مقلب .”
― محمد الحويف, مشاهد

“فتح الولد عينه
لقي وطن مايعرفهوش
لقي سجان حابسه في أرضه
وأرضه مابتنصفهوش
فتح الولد عينه
ما شافش مـ الخرطوش”
― محمد الحويف, مشاهد

“عارفة ؟
حياتي من غيرك منفي . .
زي بيت مفيهوش سُكان
زي وطن مفيهوش أمان
زي حد من برا شجاع
بس من جواه جبان”
― محمد الحويف, مشاهد

“كل ما كنت أريده هو أن يتركوني أحيا بسلام في ركني أقرأ رواياتي.”
― Haruki Murakami, Sleep