طب مين اللي طلع الأول هنا :D

شوفي السكورز في القائمة
حتي الآن ثلاثية غرناطة واخدة أعلي سكور

أنا مش شافة غير 11 كتاب فوق بس

معلش اعذريني أصل التايه أعمى ولو كان بصيرا

وأنا لسة مش ملمة بالجود ريدز كله فكنت بتكلم عن الروايات اللي انت حددتيها فوق مش قصدي افضل الروايات قراءة

اهاااا
بصى يا توتة
الحقيقة مقدرش خالص اقولك انهون واحدة بحبها أكتر :) حلوة أنهون دى ! :)
يعنى بحب تمارا مووت
واحة الغروب حلوة جدا و موجعة
يوتوبيا صادمة و لكنها حقيقية تتحرك على الورق
الحرافيش ملحمة دون مبالغة
قصة و عبرة و أدب و تاريخ .....
السقا مات كتابى المفضل أحبه و لا أملك أسباب و لو ان الأسباب كتير
كفاية اقولك انى مقدرش أسافر مدة طويلة من غير ماخده معايا
و انى حافظة سطوره تقريبا
كتابى حبيبى زى ما البنوتة الصغيرة بيبقالها عروسة تنام جنبها و تسافر معاها و كدة
:)

يعنى كلهم أولادى :))))))

كلامك زي السكر يا رولا :)))

ايه الكلام الجميل ده أمتعتني جدا

حلوة انهون دي فكرتني باحمد مكي

كنت هاقعد اقولك نهيين .. نهووون :D :D :D

حببتيني في كل الكتب اللي قراتيها

وعجبني اوي وصفك للكتاب اللي حافظة سطوره وباتخديه زي العروسة كده

عايزاكي تبقى توصفيلي أي حاجة بعد كده بكلامك الجامد ده :))))

@Eman
أنا حافظة فيلم طير إنت و لا تراجع
بجد مكي ده مشكلة ... أنا حاطة الفيلمين في فولدر لوحدهم و مسمياه " ضد الإكتئاب" .. بشوفهم عشان أتبسط
:D :D

فورمة الساحل
:)))))))))))))

والله وأنا كمان يا أميرة :)))))

لما بييجي طير انت ده في التلفزيون بلزق مش بعرف اقوم خالص

وكمان لا تراجع دمه خفيف قوي

:D

يا ريت احمد مكي يفضل بالمستوى العالي ده على طول وخصوصا في الاحترام :))

أكيد :)

أصلا فيلم "طير إنت" ده هو اللي حببني في الدكاترة البيطريين
:D

أسراب القريدس :)

أنا بحب شخصية بهيج جدا جدا

وكانت بتحسسني ان نفسي الناس تكون بالبرائة دي

أنا فيا كتير من بهيج ده بالنسبة للزمن اللي عايشين فيه

ونفسي ألاقي واحد زيي وزي بهيج :))))

أصل الحياة من غير بهيج قميئة ومزرية :D :D

:))))))))

آه ويبقى كمان ضد هجمات السلطعون المتكررة

قصدي ضد تأثيرات الحياة السلبية :)))) :D :D

‏‎@‎Eman
دة إسمه نقد جواني و دة علم كبير جدا :))
أنا بحب أحكي معاكي جدا جدا

‏‎@Amira
فورمة الساحل :)))
جامدة قوي جدا خالص
الحقيقة في طير إنت يحسبله إنه أقتبس و مصر الفيلم بحرفية مش نقل مسطرة زي ما غيره عملوا

يخرب عقلكوا عسل عسل عسل

ازاي يعني نقد جواني مش فاهمة قصدك قوي ؟؟

وأنا كمان يا رولا يا حبيبتي انت كلامك عسل :))) :D

على فكرةالفيلم الأجنبي مقرف ومقزز كعادة الامريكان في عامة افلامهم

مستحملتش اشوفه واكمله

طير انت تفوق عليه بمراحل من وجهة نظري :)

وبعدين يا جماعة دنيا سمير غانم مكنش ليها حل بجد
بالذات لما كانت بتبيع الميك اب
:D :D

ايوه اللونج لاستينج :D

إنتي خربطتيني و لخطبتيني يا وظوظة
:D :D :D

:D :D

ليلتنا مطينة بطين السنة دي


:))))

كلامنا دلوقتي خلاني أفتح الفيلم عالكومبيوتر و أتفرج عليه

بتفرج عالحتة بتاعة
سيبه .. ده صوت ضميره اللي بيستيقظ
:D :D :D

وأنا كمان كنت هفتحه سبحان الله

بس قلت اخزي الشيطان واحترم نفسي يا اما اشتغل يا اما اذاكر

بس انا عارفة مش هعمل الاتنين

مشتتة بطريقة قميئة ومذرية :(

@Eman
أي كلام :)
كلام كبير و بتاع و شاي بالنعناع

‏‎@Amira
دنيا دي عفريتة ، البنات اللي بيبيعوا الميكب في المولات بيتكلموا كدة فعلا
تعرفوا ان الفكرة الأصلية وقت كتابة الفيلم كان دور أحمد مكى بس هو اللى بيتغير و دنيا بتفضل شخصية واحدة
لكن هى اللى أصرت تغير شخصيتها مع كل أمنية

مأنا برضه كنت بستغرب هي إزاي بتتغير مع كل أمنية ؟؟؟؟؟؟؟
أصل كده الفانتازيا عليت منهم أوي
:))

بس كده حلو أوي ، مش متخيلة الحالة التانية :)

مش تقوللي :))

الله فتحتي نفسي على الشاي بالنعناع يعني لازم تقولي كده بالليل

:D

انت عرفتي المعلومات دي كلها عن دنيا منين من مجلة ولا ايه؟؟

أيواش
كان في حوار مع مكي و مؤلف الفيلم أون لاين

انا شفت الحوار اللي مع سويرس وكان هيجيلي شلل رباعي منه ومن مقاطعته مكانش مخليه يتكلم علشان يتكلم عن نفسه هو :(

لو تعرفي فين الحوار بتاعك يا رولا ع النت قولي لنا :)))))

www.masreat.com/دنيا-سمير-غانم-سميرة-...

تقريبا يا إيمي هو دة

إنتوا يابنات بجد تجننوا ,, خليتوني أضحك
والله :D
حبيتكوا كتير .

:))) احنا مش نجنن
متهيألى احنا مجانين
الحوار أصلا مالوش أي علاقه بالفوتنج و الاختيارات

:D :] :D

هههههه .. يمكن علشان كده تجننوا :)
بجد عجبتني روحكوا أوي .