عن الرواية ومشروع التخرج

"نادين دي أرميها في الزبالة."

كانت جملة ضايقتني.من رأي أحد أصدقائي أتقالت لي زي دلوقتي من سنة .
وكان المقصود بيها نادين الشخصية..مش نادين مشروع التخرج.
يمكن كانت مبهمة ،،مكنتش مرسومة كويس ،، يمكن دوافعها مش واضحة .لكن متجيش تقولي أرميها في الزبالة .
قعدت ألعب بشخصية هالة كأنها العروسة بتاعتي ..أنتي المصححة اللغوية..لا لا أنتي المحررة ..لأ أنتي الباحثة التاريخة.لأ بردو أنتي كاتبة السيناريو المبتدئة..لأ المحترفة !

وألعب بشخصية عز . أنت رجل الأعمال الفاسد..أنت زوج نادين..لأ أنت على علاقة بهالة..لأ أنت زوج هالة ..
وشخصية شادي..أنت الناقد الصارم..لأ أنت المخرج وكاتب السيناريو النحيت ..لأ لأ أنت أستاذ مساعد بكلية الآداب..أنت عازف جيتار بفرقة آندر جراوند! .

أمضيت 2015 ألعب بالأربع الشخصيات الرئيسين دول.واغير بتواريخ شخصياتهم.وبالأحداث وبتصارعهم ولقاءهم.وأكتب معالجة وأتنين والتانية والتالتة والرابعة والخمسة ..لأ دي ضعيفة..لا دي فيها مشكلة بالصراع..دي تنفع معالجة راوية مش فيلم ..دي محتاجة تتعمق ..دي ودي ودي وقعدت أهد كتير .ومكنتش مهتمة ولا حزينة ولا محروقة على الي بيتهد لأني كنت مرهقة وغالبًا بلا أمل.وغالبًأ طلعت كل مشاعري في الأكل فزاد وزني عشرة كيلو في سنة وملعبتش رياضة ولا حاولت ألحقهم.

أنتهى السيناريو..ونادين رجعت بعد ما اترمت في الزبالة..وبقا قدامي سيناريو خلصان في أخر دقيقة والتسليم بكرة.طبعت السبع نسخ للمعهد ومثلهم سبعة لساويرس.وقدمت بالمعهد وتاني يوم قدمت بساويرس..ورجعت للبيت مرهقة ومستنفذة تمامًا لحد دلوقتي.من رحلة الكتابة الي قعدت سنة ونص من مرحلة الرواية وفضلت ممتدة لحد تسليم المشروع بشهر أغسطس.
بقى معايا رواية ومشروع تخرج .

ربنا أكرم وقدر الرواية تفوز بمسابقة دار نشر محترمة ويتم نشرها بطريقة محترمة..ربنا قدر أن المشروع يوصل لقائمة ساويرس القصيرة،وفي امل أنه ميترميش للدرج ويطلع منه حاجة..على الأقل أمل بالنسبة للمشروع مش بالنسبالي أنا.. الملف زمانه دلوقتي عمال بيتنطط وبيعمل حركات انيميشن من السعادة ويقول هييييه هييييه! ويطلع لسانه لباقي الملفات ويغيظها ! أحب أقوله .مترفعش أمالك أوي .صاحبتك الممتلئة قليلًا تعجز عن العثور على فستان مناسب للحفل . وحط في اعتبارك بقا الشتا والعوامل الجوية والوخم والاكتئاب بيعملو في البنت ايه..فلم نفسك واقعد باحترامك في درجك احسن اقسم بالله مخليش حد يقراك غيري.

أول جملة قريتها قبل ما ادخل ثانوية عامة في كتاب السيناريو " لسد فيلد." ستشعر بالضياع بعد انتهائك من الكتابة"..والراجل كان معاه حق
وحسيته اكتر لما كثفت جهودي التلات شهور الي فاته بعد التخرج باني انزل ورشة مسلسل..لقيت كذا ورقو وكذا فرصة كويسة .بس التعامل وطريقة الشغل والاسلوب معجبونيش..ولقتني مش نحيته ..ومش هقبل واحد ميفهمش ينتقد شغلي لأن هو صاحب السلطة والفلوس والانتاج.واضطر سكته بالذوق او من غيره واعرفه أن هو حمار.وأن شغلي نضيف ..طب وليه؟ بلاها.
مش عايزة انحت بالطريقة دي الا لو حاجة محترمه مع كاتب محترم.هستفاد وأتعلم منه.وهيقدر المجهود الي هعمله معاه.

طب ايه هقعد في بيتنا ؟ همممممم
هشتغل صحافة أو اعداد ؟ همممممم
هتعملي ايه ب2016 من الآخر ؟

بص أنا ست بسيطة .بسيطة بساطة ربات المنزل.مش هطلب حاجة.مش هطلب خالص ..لو ربنا عايز يوديني بقدره مكان معين .فأنا رايحه ومش هعافر ومش همانع.هحاول انتظم بالدراسات العليا..أبطل اكفر منعم في عشته..اطلع شغل نضيف مع خالد والشباب بالفيلم..قدام كل فيلم اشوفه اقرا كتاب.عشان انا بستعبط ومعدل قرائتي أنخفض ودا ميصحش..
موعدكش أني هكتب تاني حاجة زي ‫#‏نادين‬ و ‫#‏خارج_عالم_الحكي‬. موعدكش أني هحتفل براس السنة...موعدكش أني هفوز بساويرس..وموعدكش أن 2016 هتبقى السنة الي هابدأها يارب حقق لي كل احلامي وطموحاتي بقا ..والكلمتين الكيوت دول !
أوعدك اني هحاول انضف دمي من مخدر الإكتئاب.وعقلي من الأفكار المشوهة .وأحاول انبسط شوية..بس موعدكش أني هحقق وعدي ليك.