الحريم

(الحـريم)

يمكن أسترجع
وينطّقوني شهادة
ويسبّلولي عيوني
وأدعو الكريم
والحيرة جوة الجمجمة
تنور زيادة
إيه اللي ف الدنيا
أحنّ من الحريم؟!
معرفش ليه بنسى
فضلهم ف ثانية
يمكن عشان طبعنا
طبع اللئيم
وان الرجال
القسوة فيهم عادة
وإن كنت مش جاحد
تبقى مش سليم!
..
أمي وأختي
حبيبتي وزوجتي
وصحابي
وستي
وبسمة جدتي
والذنب
ييجي بعدها
لما تمسك جزعها
م الكبد
ووجع الجنب
..
ضلع أعوج.. آه
ضلع أعوج يعني
ينتني ويحتويك
يعني طول الوقت عادي
بس وقت الجد
يحنّ
ينحني ويعمل
خنّ
وتلبّسه ف رجليك
وتطيّرك
في الهوا
لو تستطيع
ونيّتها تقطف
م السما
حتة عشان ترضيك!

#بيومي