ஆண்டின் முதல் வகுப்பு
இந்த ஆண்டின் முதல் எழுத்துப் பயிற்சி வகுப்பினை பிப்ரவரி 14 ஆம் தேதி தொடங்குகிறேன். BukPet-WriteRoom எழுத்து வகுப்புகளை நடத்த ஆரம்பித்து ஐந்தாண்டுகள் நிறைந்திருக்கின்றன. இது ஆறாம் ஆண்டு. இம்முறை எத்தனை வகுப்புகள் நடத்த முடியும் என்று சரியாகத் தெரியவில்லை. திட்டமிடவும் இல்லை. ஏனெனில் இந்த ஆண்டு உரி எழுதுவது ஒன்றுதான் முதல் திட்டமும் பெருந்திட்டமும். மற்ற அனைத்துமே அது அனுமதிக்கும் அளவில் நடக்கப் போகிறவைதாம். ஆனால் பிப்ரவரியில் முதல் வகுப்பை எப்படியாவது நடத்திவிடுவது என்பது தொடங்கியது முதல் கடைப்பிடித்து வரும் வழக்கம். எனவே இது நிச்சயம்.
பிப்ரவரி 14 ஆம் தேதி சனிக்கிழமை தொடங்கும் இவ்வகுப்பு அடுத்தடுத்த வார இறுதி நாள்களில் (சனி-ஞாயிறு மட்டும்) தொடர்ந்து நடக்கும். நான்கு வாரங்கள். எட்டு வகுப்புகள். பதினாறு மணி நேரம். Fiction, NonFiction, Social Media, Style என்று நான்கு பாடங்கள். நல்ல எழுத்தின் அடிப்படைகளை இவ்வகுப்புகளில் கற்கலாம். முக்கியமாக, நுட்பம் அறிந்து எழுதும்போது எழுதுவதன் பலனைச் சிந்தாமல் பெற முடியும்.
மற்ற அனைத்து விவரங்களையும் இந்தப் பக்கத்தில் பார்க்கலாம். இது நிரந்தரப் பக்கம். எப்போதும் இருக்கும். பிப்ரவரி மாதம் தொடங்கும் வகுப்புக்குப் பதிவு செய்யவும் கட்டணம் உள்ளிட்ட விவரங்களை அறியவும் +91 8610284208 என்ற BukPet எண்ணுக்கு வாட்சப் செய்க.
All rights reserved. © 2004-2025 Pa Raghavan .
