Ang Tundo Man May Langit Din Quotes

“Sa alaala'y hindi mamamatay ang mga pangarap.”
― Andres Cristobal Cruz, Ang Tundo Man May Langit Din

“Ang isipang laging may pagkamangha at laging may pagtatanong sa pakaliwa't pakanan ng buhay ay isang isipang malaya.”
― Andrés Cristóbal Cruz, Ang Tundo Man May Langit Din

“Kapag naunawaan mo na pala ang isang bagay, kapag nawatasan mo na kung bakit ganoo't ganito ang isang nilalang, babaguhin mo ang dati mong akala. Pati na'ng iyong sarili'y para mo na ring natuklasan.”
― Andrés Cristóbal Cruz, Ang Tundo Man May Langit Din

“Langit na para sa akin ang makatalik ka sa lahat ng bagay.”
― Andrés Cristóbal Cruz, Ang Tundo Man May Langit Din

“Me humawak ba ng palayok na di naulingan?”
― Andrés Cristóbal Cruz, Ang Tundo Man May Langit Din

“Ang guro’y dapat maging guro hindi lámang sa loob ng silid-aralan. Sa labas man, kailangan ay maging guro siya.”
― Andrés Cristóbal Cruz, Ang Tundo Man May Langit Din

“Ang taos at tunay na pagmamahal ay hindi natatapos sa kabila ng pagtatalusira. Manapa’y lalong tumitingkad iyon. Lalong umuunawa’t sa pagkaunawa’y ipinagpapatuloy ang pagmamahal. Ngunit sa lalo sigurong malawak na kahulugan nito, . . . pagmamahal na walang pag-iimbot, pagnanasa; pagmamahal na wala sa pagtanggap kundi nasa pagbibigay.”
― Andrés Cristóbal Cruz, Ang Tundo Man May Langit Din

“[A]ng magagandang pangarap natin noon ay mananatiling maganda kahit na sa gunita na lámang.”
― Andrés Cristóbal Cruz, Ang Tundo Man May Langit Din

“Mahirap man ay kailangang gawin ang pagtuturo upang maunawaan ng mga nag-aaral ang kahalagahan ng iba’t ibang bagay . . . At upang mapangalagaan ang kalayaan at katarungan.”
― Andrés Cristóbal Cruz, Ang Tundo Man May Langit Din

“Ano mang gawain, mahirap . . . ngunit ito’y gumagaan kung may layuning hindi lamang pansarili kundi pangkalahatan.”
― Andrés Cristóbal Cruz, Ang Tundo Man May Langit Din

“—“[P]aparoon pa lámang kayo, pabalik na ako.”
—“Malayu-layo po siguro ang aking pupuntahan . . . kaysa pinanggalingan ninyo.”
― Andrés Cristóbal Cruz, Ang Tundo Man May Langit Din

“[A]ng pagwawalang-bahala sa loob o labas man ng iskuwelahan ay isang pagpapakamatay.”
― Andrés Cristóbal Cruz, Ang Tundo Man May Langit Din

“Hindi na kailangang basagin pa ang itlog upang maláman mo kung sira ito.”
― Andrés Cristóbal Cruz, Ang Tundo Man May Langit Din