غريبة جدا كلمة الإستسلام دي ، من اكثر الكلمات اللي ليها معاني مختلفة في الدنيا .. الإستسلام في الحرب خيانة ، الإستسلام للحق فضيلة .. الإستسلام للشيطان رذيله .. الإستسلام لله هو كل الموضوع!
مش لازم تطلع الأول، ومش لازم تبقى أشطر واحد ، ومش لازم تبقى شاطر أصلا،ومش لازم حتى تنجح أساساً. لازم لازم تبقى نفسك، لازم لازم تبقى كويس، لازم لازم تبقى شريف، بس مش لازم تبقى بطل!
جميلة الحياة بانها ما بتفضلش أبدا على حالها, جميلة بتغير الفصول والطلوع والنزول, جميلة الحياة بتغيرها. جميلة بكل ما فيها من حيرة وتساؤل و فضول, جميلة الحياة بالذكريات و بكل ما فيها من جنون.
ايه البجاحة دى؟؟ مش قصدى بجاحة بمعنى وحش طبعا بس قصدى البجاحة انك تعمل حاجة أغلب الناس شايفينها مستحيلة , بل أصلا أغلب الناس ويمكن كلهم مش شايفينها أصلا
صعبة جدًّا عليّا في فهمها الحياة ، غريبة ومعقدة وملفلفة ومش واضحة خالص .. عندها قدرة عجيبة انها تفاجأك .. وكل ما تفتكر انّك خلاص مس حتستغرب تاني ، تفاجأك تاني
ش لازم تبقى سقراط وتبقى أول واحد فى التاريخ المكتوب تسال يعنى إيه عدالة فيعمل تغيير . مش شرط تحارب علشان الحرية والمساواة , مش شرط تبقى غاندى ولا مانديلا ولا مالكوم إكس ولا جيفارا علشان تعمل تغيير . مش لازم تغير كل الدنيا علشان تعمل تغيير . ممكن تغير حته بس .. حته صغيرة على قدك بس . تعلم أى حد أى حاجة تبقى غيرت الدنيا . تتكلم مع واحد صاحبك متضايق ومكتئب ويقوم من القعدة دى وهو عنده امل ومفرفش , بس كده تبقى غيرت الدنيا . تبقى لطيف مع حد فتخليه يبقى لطيف مع حد وهلم جرا تبقى غيرت الدنيا . تشيل ورقة مرمية على الأرض تبقى غيرت الدنيا , علشان من غيرك كان فيه ورقة مرمية على الأرض وبيك مابقاش فيه ورقة مرمية , يبقى أنت غيرت الدنيا
