مسك التل Quotes

“أنا قضيت عمر باحاول أحمي نفسي من الألم، ما كنتش أعرف إني عطلت إحساسي بكل حاجة تانية”
― سحر الموجي, مسك التل

“سألته مريم: "تقصد بإيه الشبع من الحياة؟".
سكت لوهلة، ثم قال إنه مشغول بتلك اللحظة التى يحس فيها شخص ما أنه استكفى من الحياة.”
― سحر الموجي, مسك التل

“مريم، أنا.. أنا حاسَّة إن دماغي فيها عاصفة، بس مش ريح شتوية، لأ.. حاجة زي تيارات هوا في بدايات الربيع، والعالم حواليَّ بينفجر بالألوان. وأنا بامشي النهارده كنت.. كنت حاسَّة بمسام جسمي بتتفتح للشمس، للهوا الدافي، لأصوات العربيات والناس والبياعين، جرس العجل وزمجرة الفرامل وموسيقى جاية مش عارفة منين. حاسّة بكل حاجة زي ما أكون أرض ناشفة بتتفتح للمطر! وأنا راجعه في شارع الروضة كنت غرقانة في موجة من الأحاسيس، مش فاهماها ومش مهتمية أسميها!”
― سحر الموجي, مسك التل