رقصات القديس فِستو Quotes

“مِن أول المُبتدَى
و لأخِر القِصه
إنِّي رأيتُ الموت
في حبْكِتُه جُثَّه
و رأيت صَليب عالجبل
الياذَه و أوديسّا
حين مَسمَروه بالعمل
كان العمل لسَّه
ينهش في كف الأزل
و يبدِّل الطسَّه ..”
― أحمد العفيفي, رقصات القديس فِستو

“اسكر ايا فِستو
يا عندليب ما تبوح
باللحن للأتباع
فِستو علي الإيقاع
بين خَطوتين و أكتر
الريح بتحمِل خَطوِتُه علي فوق
يزحف علي وتر الكمنجه اللحن
تسأل جُموع الشاهدين من نَحْن ..”
― أحمد العفيفي, رقصات القديس فِستو

“خطَّى الفَرَس فوق الحَرس
قال كِش
مات الملك
يحيي الملك
معلش
أخد الوزير الحَربَه لِبس الوِش
طاح الوزير العسكري إترقّى
شطرَنج دُنيا و ماشيَّه بالزقَّه
و الطابيَّه واقفَه تجمَّع الفُرقَه
و اللعبَه ماشيَّه بالخِداع و الغِش ..”
― أحمد العفيفي, رقصات القديس فِستو

“الأوِّله للمُستحيل
و التانيَه للناى
و التالته تابَته يبقي توهنا ازاى
و الرابعه أربَع كاس
و صُبّ أتنين
واحِد لآدم
و التاني للفُخار
يمكِن يبوح للأرض
فمتخلقوش النّار
و ميلتفِتش ف يسرقُه المِشوار ..”
― أحمد العفيفي, رقصات القديس فِستو

“الى الابديّةِ البيضاء
سلامٌ للرحيلِ المُر
للموتِ النبىّ
سلامٌ للقاء الحُلو
فى وَضحِ السَّماء
الى كُلِ الّذين رأيتهُم
عبثاً و حبًّاً و إنِحناء ..”
― أحمد العفيفي, رقصات القديس فِستو

“ف البُعد التالت م الأبعاد
تِتعاد الدُنيا بدون الأمس
و النَص التايه جوا بلاد ، اصلاً مُش نص
و الموت الجىّ ادانى معاد
هتعيش و تموتْ وِسط الاوغاد
و الكون حواليك بين لزق و قَصْ ،
م النَص بيشبِّه للواقع
و الواقِع مُش مِحتاج ، ل مقصْ ..”
― أحمد العفيفي, رقصات القديس فِستو

“الرَّبْ : ضَهر المحرومين ع الأرض
أو حجِّة السُّلطان
مَعنى الغُنا و الفرض ..
الدِّيب : الَه الغَدر
الّليل : وشاح الفَجر
الصَّمت : جوع الحَلق نَبرِة حَرف
إبليس : هَزيم الرَّفض
آدم : خَطيئَه عندهَا رِجلين
الحُب : ضِل الرَّب لو لُه ضِل
الكُره : أحياناً يفيد أكتر
الشِّعر : فالزم تِملك المَعنى
يشبِه سَفينِة نوح
بتغرَّق الناجى ..”
― أحمد العفيفي, رقصات القديس فِستو