مايم Quotes

“بنقرَّب علشان نفرَح .. بس بتِقْلِب بأذِيَّه
مش كُلّ الأعمال تَصْلُح .. لمُجرَّد صِدْق النيَّة
فيه جروح عمَّالة تفتَّح .. و نقول أخطاء فنِّية ؟!
و نقول أغراضْنا بريئة .. برَّرْنا لروحنا طريقة
و خَدَعنا الظَرْف/البيئة .. و قصور الرؤية الحَيَّة
بنسَلِّم روحْنا لبَعْض .. و نسَلِّم بعض تحيَّة
لو هَكْتِب ف اللي أذيتهم .. مُمْكِن أكتِب ألفيَّة
آه يا نفسي يا نفسي يا نفسي .. يا أمَّارة بالأنانيَّة
بنقرَّب م الناس ليه؟
بنقرَّب علشان نفرَح .. بس بتِقلِب بأذيَّه”
― رامي وفا, مايم: كل الطرق تؤدي إلى 5 مارس

“الجيل عَمَل ثورة
مِشيوا الجميع جَهراً في سكِّتها
صحيت قُصاده الأسئلة قَهراً .. فَ سَكِّتها
.. ثورة ما جابت حتَّى حق ميِّتها
؟!هل يا ترى هتعيش”
― رامي وفا, مايم: كل الطرق تؤدي إلى 5 مارس

“كُلّ الخَبَطات دخَّان ..
كُلّ الأوجاع نيكوتين ..
ف الأول تتْعِب جايز ..
لكن حبَّه و بتكيِّف
و انا زيَّك كُنت زمان ..
قبل ما اكمِّل عشرين ..
ورغم اني ما كُنتِش عايز ..
ع الوضع بدأت أتكيِّف”
― رامي وفا, مايم: كل الطرق تؤدي إلى 5 مارس

“كان نفسي أجرَّب بس
ساعة ما هبطت .. ندمت
الحُزن أمَّا بيندَس
بنستسلِم للصمت
خُفت أتكلِّم أتحَسّ
خفت أتحَس اتكلِّمت”
― رامي وفا, مايم: كل الطرق تؤدي إلى 5 مارس