آخر ورقة في شجرة توت Quotes

“انا الدمعة اللي تتمني في لحظة تموت
وتخرج من عيون قاسية
فليه تسألني عن الأيام
برغم مرورها بالعافية ؟!
ولو راح تنسي مرة انا مين
انا خيبة امل ماشية”
― حسام حسين, آخر ورقة في شجرة توت

“انجاز تاريخي رضاكي عني
أشعر معاه شرعيتي
تاجي المرصع بالياقوت
السود عيونك دولتي
مستسلمة الدنيا لإرادتي
الكون بحاله في قبضتي”
― حسام حسين, آخر ورقة في شجرة توت

“أنا الراوي لكلام منظوم
مهوش من محض إبداعي
كلام أملاه عليا زمان
عظيم الحيلة في خداعي
بيجبرني في سواد الليل
أقوم
أكتب
كلام بشعر مالوش داعي”
― حسام حسين, آخر ورقة في شجرة توت

“حاجة غريبة
صوت دقات بندول الساعة ف قلب وداني
قنابل حرب
يبدو جيوش الزمن الصعب
محاصرة البار
حسيت رعب
مش حرص علي الدنيا الفانية
لا والنعمة
بس حأموت وانا شايل ذنب !”
― حسام حسين, آخر ورقة في شجرة توت

“كسرت سكوت
ساعة الوداع
بتقوله خايفة هناك
تموت
مسكينة مش
فاهمة انها
كات واقفة بتودع
تابوت !”
― حسام حسين, آخر ورقة في شجرة توت

“وبعتي بالغرور عطفي
وفجأة خرجتي من صفي
ومين ممكن يشيل همك ولايملش ؟
سوي كتفي
ماتحكي اتكلمي وقولي
أنا في حبك لقيت حتفي
أقولك والدموع سابقة
أقولك من مزيد أسفي
وربي ما حد قواكي بجد
حقيقي غير ضعفي”
― حسام حسين, آخر ورقة في شجرة توت

“أجمل حاجة عرفتها منكم
ان العملة الرايجة خداع
مين اشتري ماعادتش بتفرق
ولا عاد يفرق مين باع
والمانيكان جوا الفاترينة
ماعادش بيعرض إلا ضياع
الأسود بجميع درجاته
سلم بطلع فيه للقاع”
― حسام حسين, آخر ورقة في شجرة توت

“فان شفتي عين الشمس بتعاني الرمد
ولا الشريط الأسود في برواز البلد
ولا الطيور مش قادرة تصدح بالنشيد
ولسانها بالخضة اتعقد
والكون بدا لك شيخ عنيد
زهد السنين
في خشوع سجد
ساعتها بس اتاكدي
من انه مات أطيب ولد”
― حسام حسين, آخر ورقة في شجرة توت