الميدان Quotes

“الصبر فاض
والصدر ضاق
والأمر صار عجيب!”
― عبد الرحمن الأبنودي, الميدان

“كل القصص ..ماتت
كل المُثُل ..ماتت
كل الحقوق ..ضاعت
البياعين باعت..
أهل القيم صاعت..
حتى اللي صابت
من جديد خابت
كله اتمسح.. والزور
هوه اللي شادد خطوته
وثابت.”
― عبد الرحمن الأبنودي, الميدان

“وامتلأت الأسواق بالمواكب
تبيع صديد الوهم.. والمراكب
وفارشه بالوطن على الرصيف
بالفكر
والجياع
وبالعناكب..
ومذلة الرغيف!!”
― عبد الرحمن الأبنودي, الميدان

“نطلع من الساقية نقع في طاحون
فاشهد يا وطني ع اللي فينا يخون
ياللي انت ماسك دفتر الخاينين”
― عبد الرحمن الأبنودي, الميدان

“وطنك يا صاحبي كان زمان
واللي احنا فيه..
زمن العفاريت السُّمان
اصمد يا صاحبي .. لـمـوتـك الـعـبـثـي”
― عبد الرحمن الأبنودي, الميدان

“لا الظلم هين يا ناس .. ولا الشباب قاصر”
― عبد الرحمن الأبنودي, الميدان

“لكن اللى ما عرفش مصر يقول كده .. واكتر
تبان هزيلة قتيلة .. يوماتى .. تتدِحدر
ما يعرفوش ان خلف الغيم بلد يقدر
يضرب بكفه يفتح ألف بابا للغد
يطلع ربيعه فى قلب البرد أو فى الشرد
ملايين .. ما يتحسبوا لا بالجوز ولا بالفرد
فجأة .. من الشوك تطل عليك عيون الورد
فجأة .. ويعلا الغُنا .. يملا الفضا والأرض
ومصر هيه .. حتقول : " ماهيش هيه "
لولا فى عينيها الهرم والسد والأزهر !!”
― عبد الرحمن الأبنودي, الميدان

“الحكاية
أسلوب معروف
قرّب..جرّب
أسلوب ماركة
ضحكة عقرب
أسلوب معروف
لا تشرّق مني ولا تغرّب
بالوصفة دي تعرف تحكمهم
وتلملمهم من أي طروف
إعمل قديس
واحفظ أحوالهم واتشرب
وباركهم ..بس املاهم خوف!!
حاور..داور..ناور..
املاهاحلقات ومحاور
حط الأعصاب في التلاجة
بالراحة لحد ما تهلكمهم..
واعمل انك عامل معروف.!!
هدد بالضرب بلاش تضرب
أسلوب ماركة
ضحكة عقرب
يتعبوا..ويكلوا..ويملوا
يتسرسبوا واحد.. والتاني
ماشي في ضله
وانت افضل شوف
افضل لنهاية الشوط كله
واللي يشكلك شكله
مرة بحزم..ومرة بتحسيس
أسلوب معروف
البشر الخاطي..
والقديس!!”
― عبد الرحمن الأبنودي, الميدان