Erchie, My Droll Friend Quotes

“The secret o' health, happiness and success is deep breathing, buttermilk instead o' beer, your bedroom window open, a penny a week and a mind weel disciplined.”
― Neil Munro, Erchie, My Droll Friend

“There's ten thousand wyes a hen can get into a gairden, but only the wan wye she can get oot, and it's gey ill for her to find it.”
― Neil Munro, Erchie, My Droll Friend

“What does his lordship dae? He buys up a bunch o' islands in the Hebrides; carts in the native crofter population to Stornoway; runs them through a sapple o' Sunlight Soap, cuts their nails; learns them the English language; gets them an eight-'oors day, and starts them fishin' on scientific principles. Stornoway becomes the Port Sunlight of the North; every man has a nice wee red-tiled cottage, and a picture palace at the door, and the cod fish is fair worried oot o' its life.”
― Neil Munro, Erchie, My Droll Friend

“Bagpipes is a gey droll kind o' utensil; ye canna jist begin to play them the wye ye can a melodeon; they hae to be taken aside and argued wi', and half-throttled afore they'll dae onything wyse-like. They're awfu dour things, but they never hairmed onybody that never hairmed them. See, yonder's a chap that's got his pipes fine and tame noo; he's gaun on the platform to play something."'

The piper in question went on the platform and proceeded remorselessly to play a pibroch. Two very fat judges in kilts and a third in tartan knickerbockers sat on chairs beside the platform and took notes on sheets of paper as the pibroch unwound itself.

"What are they chaps daein'?" asked Duffy.

"They're judgin'" says Erchie. "I've seen Heilan' games afore. A' the prizes for bagpipe playin' gangs by points - ten points for the natest kilt; ten points for the richt wye o' cockin' yer bonnet; five points for no' gaun aff a'e tune on to anither; five points for the best pair o' leg for the kilt; five points for yer name bein' Campbell and the judges kennin' yer faither - thats the judges addin' up the points and wishin' they kent the tune he's playin'.”
― Neil Munro, Erchie, My Droll Friend

“Nooadays the genteelest and the best leevin' folk gang to theatres and music-halls if somebody gi'es them a ticket for naething.”
― Neil Munro, Erchie, My Droll Friend

“Oh Tillietudlem, no matter whaur I be,
Tillietudlem Castle 'll aye be dear tae me.
T'was there I met my Mary when first I went to see
Tillietudlem Castle and its bonny scenery.”
― Neil Munro, Erchie, My Droll Friend

“There's no a bar o the rale Tschaikowsky music that hasna as muckle meanin in't as a story by Annie S. Swan.”
― Neil Munro, Erchie, My Droll Friend

“Gleska! Some day when I'm in the key for't I'll mak a song aboot her. Here the triumphs o civilisation meet ye at the stair fit, and three bawbee mornin rolls can be had after six o'clock at nicht for a penny.

There's libraries scattered a ower the place; I ken, for I've seen them often, and the brass plate at the door tellin ye whit they are.

Art's a the go in Gleska too; there's something aboot it every ither nicht in the papers, when Lord Somebody-or-ither's no divorcin his wife, and takin up the space; and I hear there's hunders o pictures oot in yon place at Kelvingrove.

Theatres, concerts, balls, swarees, lectures - ony mortal thing ye like that'll keep ye oot o yer bed, ye'll get in Gleska if ye have the money to pay for't.”
― Neil Munro, Erchie, My Droll Friend