Moataz’s Reviews > الأدلة النقلية والحسية على إمكان الصعود إلى الكواكب وعلى جريان الشمس والقمر وسكون الأرض > Status Update

ايه نظام الكتاب ده ؟

الكتاب ده لحد دلوقتى من اللى قريته بيقول باختصار انه لايوجد فى القران ما يمنع امكانية السفر للكواكب الاخرى وايضا يقول بكفر وضلال كل من اقر بدوران الارض وسكون الشمس لانه بالنسبة لابن باز فان القران قد اقر بجريان الشمس جريا مطلقا وسكون الارض.
طيب السؤال انا عايز ايه من الكتاب ده؟
سبب انى بقراه هو انى اولا اشوف منطق احد اعمدة السلفية زى ابن باز وثانيا انه هيكون لامم الايات اللى فيها جزء كونى او حسى من الكون حوالينا وبالتالى اقدر اروح اقرا التفاسير بتاعتها واشوف اذا كان فى تفسيرها ما هو معجز علميا.
وحتى الان مما قرات تبين لى من تفاسير بعض الايات انها
1- تحتمل كل التفاسير الممكنة وهذا ما دل عليه توظيف كل مفسر لعوم اهل عصره من اجل فهم الايات
2- ان مما ورد فى الايات التى قراتها ما هو ممكن الاستدلال عليه بالنظر المباشر فى السماء
وبالتالى :
فانى حتى الان لا استطيع ان احدد هل الايات التى قراتها هى وحى من عليم قدير تظهر قوته فى قابلية كل عصر على فهم الايات بعلوم عصره ام ان الايات مجرد تراكيب جديدة من الالفاظ تحتمل اى تفسير ممكن ولها وبالتالى فنحن من نعطى للاية معنى ويساعدنا على ذلك سعة اللغة العربية

(ملحوظة: يظهر ما اقول من اخذ اى من الايات التى ذكرت فى اول الكتاب عن الشمس والقمر والكواكب ومقارنة تفاسير كل من الشعراوى وفخر الدين الرازى والقرطبى وابن كثير)

زي الفل لما افضى له حقراه و اشوف الراجل اللذيذ ده بيقول ايه بالتفصيل بس بصراخة انا بعد ما فكرت شويه في موضوع الاعجاز العلمي للقران لقيت انه حتى لو موجود فمن الظلم الاهتمام بيه بالطريقة اللي موجودة حاليا
فاكر لما قلت لك ان القوانين مش صح بنسبة 100% و ان فيه تطوير دايما ليها فمينفعش حد يقول ان مفيش اله بناء على اقتناعه بالنظريات الامر كمان له وجه اخر و هو ان مينفعش تقول اعجاز علمي مطلق لان ببساطة القوانين اصلا ناقصة فانت كدا بتهدم القران بتفسيرك حتى لو صح بس بتعرضه للخطا البشري و تفسيرك انت و تقول انه صح 100% و ان جه في القران رغم ان ده مجرد تفسير و اسقاط للعلوم منك انت و رؤيتك

كلامك صحيح فى حالات وهى لما نتكلم على نظريات محاطة بجدل... بمعنى انك تحاولى توظفى مثلا نظرية الانفجار العظيم فى اثبات اعجاز علمى او انك تسارعى باجهار سقوط نظرية التطور لوجود بعض الثغرات مما يثبت قول القران بخلق الانسان وهكذا.. لكن ما المانع من توظيف ظاهرة زى دوران الارض والكواكب حول الشمس مثلا... هل ياترى هييجى يوم حد يقولنا ان النظام الشمسى غلط مثلا؟؟ لا مستبعد لان ده تم رصده بتلسكوبات وتصويرة وعمل حساباته بل واستخدمت الحسابات فى التخطيط لرحلة مركبتى الفضاء
(Voyager 1,2)
على حسب ما لو اسمهم صح وبالتالى فانتى هنا استخدمتى جاذبية الكواكب عشان تشتغل زى منجنيق ترمى المركبة للكوكب اللى بعده واللى كان مستحيل انك توصليله بالوقود لوحده وبالتالى بعد مده حصل ووصلت المركبتين لخارج المجموعة الشمسية الان هل ممكن حد يقول ان النظامم الشمسى بصورته الحالية غلط مثلا؟
وهكذا يعنى

بصى بجد بادعوكى لمقارنة تفاسير مختلفة لنفس الاية عشان تتعلمى اولا جمال الفاظ اللغة وتفهمى الايات افضل وتلاقى زى مقلتلك انك مش عارفة تحددى هل ده طلاقة قدرة ولا تراكيب لفظية تتسع لمجموعة من المعانى
زى السبع سماوات... التفسير القديم هيوظف نظام بطليموس ويوقل ان كل كوكب فى سماء انتهاء بكرة النجوم وبعدها العرش وهتلاقى الشعراوى مثلا بعد تماما عن التفسير ده ومذكروش لان نظام بطليموس وقع خلاص وبالتالى يبقى السبع سماوات مبهمين تانى ويتقولوا ويتسابوا دلوقتى لحد ما نلاقى تفسير
زى جريان الشمس التفسير القديم يوظف نظام بطليموس ودوران الشمس فىى القلك الرابع فى نظام الارض مركزه وبلتالى يبقى الشمس بتجرى... لكن واحد زى الشعراوى يقول حاجة تانية .. يقول ان النظام الحديث بيقول ان فى حركة للشمس حول مركز المجرة
وهكذا الكثير
ايات الاعجاز التى اطلعت عليها حتى الان تجعلنى اقف فى الوسط غير قادر على التحديد هل هى طلاقة قدرة ام تراكيب تستوعب معانى مختلفة

بقولك ايه انا بطلت تفكير خلاص هش يا تفكير هش يا تفكير ههههههههههههههه انا مركب ودانين دلوقتي :)

طيب شديهم بالنيابة عنى
:)
امتنى لك كل التوفيق يا كبير عشان ينتهى زمن المساومات وزمن التنازلات وبدا عهد الحرية الحقيقية
:)

هههههههههههههههههههههههههههههههههههههههههههههههههههههههههههههههههههههههههههههههههههههههههه هما مشدودين خلقة و عايزة اقطعهم اصلا
اااااااااااااااه الحرية كم اشتاق اليها هههههههههههههههههههههههههههههههههههههههه انا لسعت