Yomna’s Reviews > موت الأسرار: الكشف عن الذات في العصر الرقمي > Status Update

خطى حثيثة وممنهجة إلى تسليع حياتها الذاتية
الجملة دي بتفسر الانبهار والتبعية والهوس المقرف بحياة المشاهير في السوشيال ميديا
من كام يوم كنت بشوف مقطع عن واحدة بتتلكم عن غاية بعض البنات من الزواج مع وجود السوشيال ميديا
وهو انها تعمل من زوجها وحياتهم محتوى تتشهر بيه
وللأسف أحيانا من الطفل كذلك
وده هدف منطقي جدل في عصر التسليع اللي كل واحد فيه عامل من نفسه مادة إعلانية وقيمته فيما يستحوز عليه من مال
حتى لو كانت وسائله نشر التفاهة أو جعل نفسه مادة للسخرية والاستهزاء
أو اكتساب قيمته من التعري النفسي وفضح حياته الخاص أمام الآخرين
الإنسان وصل لوضع مزري
وهنا أحب أقول نقطة أخيرة
بنفكر نفسنا بيها دايما
ياترى المشاهير أو أي شخص على السوشيال ميديا من اللي بيشاركوا حكاياتهم في العلاقات
وسعادتهم وتفاصيل حياتهم الشخصية
ياترى ده حقيقي
ولا هما بيخدعوا نفسهم
وسعادتهم في العلاقة دي بتعتمد على اللايكات والشير وانبهار المجتمع بيهم؟؟ :))
ده سؤال مهم
الحقيقة وضعهم مثير للشفقة

في مرحلة ما افتكر من ٦ سنين مثلا كان بيخطر في بالي اكتب عن أهم التجارب المؤثرة وكنت بحس بسعادة مع تخيل فكرة تشجيع الآخرين وردود أفعالهم بعد قراءة تجاربي
وكأني شخص مهم وكده ههه
والحقيقة ده الأثر الطبيعي لاستخدام السوشيال ميديا مع الوقت
ولأن الإنسان بطبيعته وفطرته بيحب استماع الآخرين وتشجيعهم ليه
فبدل ماينزل في العالم الواقعي ويكون علاقات
ويستثمر فيها وقت ومجهود لحد مايلاقي علاقة مناسبة يطمن فيها انه يحكي عن نفسه ويلاقي طمأنينة وتشجيع حقيقي وود
بيلجأ للأسلوب السهل وهو الحكي في عالم الوهم
والاستمتاع بالمشاعر الزائفة غالبا في عالم السوشيال ميديا
طبع مقصدش التعميم وأنا بنفسي ليا اصدقاء طيبين على السوشيال ميديا ولكن اللي اقصده ان هو ده بقا الشائع حاليا للأسف
وهو تعويض فقدان العلاقات والروابط في الواقع بجعل مجتمعات الوهم تقتحم الحياة الخاصة وتراقبها مع الهوس المرضي من الشخص بإنتاج المحتوى والحكي لضمان وجود الجمهور واستماعهم ليه :))