Abdo Eid > Recent Status Updates

تقريبا نفس الطريقة والاسلوب الممتع اللي حسيته في طريقة العريفي في كتابه استمتع بحياتك وطريقته الممتعه في انه يذكرلك حدث او حكاية وانه يوصلك مبتغاه من خلال قصة جميلة وبعيدا عن ان التاني كان بيتكلم عن فن التعامل انم الكتاب دا بيسوق بعض النصائح الدعوية في سياق جميل شبيه بالقصص الصغيرة الممتعه والاحداث اللي وقعت للنبي وللصحابة وشيوخ الامة عامة ^_^ متفائل بالكتاب خير اني استفيد منه من حيث بساطته وقله معرفتي بما فيه

أسلوبه سهل جدا وممتع في ذكره للعلامات وبيختصر وبيجيب المفيد والصحيح من القرآن والاحاديث النبوية ^_^ اتصدمت في كون ان في حاجات كتير من الاحداث الصغري انا نفسي واقع فيها وبعملها بدون ما اكون واخد بالي - ربنا يرزقنا الهداية

عجبتني فكرة ان الرواية فصولها او اجزاءها بتبدأ بكلمة غريبة زي اكل او حاجه بتتشرب علي سبيل المثال اللي قريته لحد دلوقتي - قرفة و حمص و سكر و بندق محمص - الفكرة دي خليتني كل ما اقرا الكلمة افتكر الموقف المرتبط بيها ارتباط مباشر في الفصل اللي دي بأسمه ^_^ فكرة عجبتني جدا دا غير السرد الرائع للاحداث اللي بيشوق بطريقة جميلة جدا ^_^

عجبني اكتر جو الرواية من حيث ان عايزة تركيز في كون ان الاحداث مش متتابعه اكيد وعايزة تركيز نوعا ما عشان الربط بين الاحداث كلها علي بعضها - وكمان عشان بعض الصعوبة اللفظية بالنسبالي مخلياني مركز اكتر ودا شئ عاجبني جدا الصراحه يعني ^_^

بداية الرواية بالنسبالي كان فيها تعقيدات لفظيه شوشت علي قرايتي ليها بس بعد بداياتها الاولي اندمجت في جو الرواية وبدأت استمتع بيها جدا ^_^

اكتر جملة عجبتني من اللي قريته حتي الان الكلمة اللي دايما (جوزافين) بتقولها في اي موقف بيحصل '' كل شئ يحدث بسبب .. و لسبب ''

والكلمة اللي كانت في البداية لـ إسماعيل فهد اسماعيل
قال '' علاقتك بالأشياء مرهونة بمدي فهمك لها ''

والكلمات اللي قبل كل جزء لـ (خوسيه ريزال)
''لا يوجد مستبدون حيث لا يوجد عبيد''

و '' ان الذي لا يستطيع النظر وراءه , إلي المكان الذي جاء منه , سوف لن يصل إلي وجهته أبدا ''