I

“... і зусім не зважаецца на другі (а ў пэўных гістарычных умовах і эпохах - нават больш значны й мэтавы) аспэкт гэтага патрабаваньня, а менавіта: каб філёзафы ці проста тыя, хто насамрэч думае, а ня толькі бзьдзіць, зьмянілі яшчэ і сьвет у сьвядомасьці людзей, бо вобраз сьвету ў сьвядомасьці людзей канец канцоў абумаўляе спосаб іхных дзеяньняў на значна даўжэйшы час, чым вонкавы выгляд эканамічнага і палітычнага сьвету.”
― Egon Bondy, Sklepní práce

“Праўда такая, што суцэльна і абсалютна ясна, што Савецкі Саюз з гістарычнага гледзішча ўжо канчаткова прайграў, і тое, што ён яшчэ наагул існуе, ёсьць штодзённым цудам (якое прынамсі крыху фармуе сьмеху варты фон нашага жыцьця). Адзін мой бедны прыяцель настолькі зжыўся з гэтай прыемнай думкай, што мусіць штораніцы наяўнасьць Савецкага саюзу зноўку ўсьведамляць, бо ўначы пра яе забываецца, пасьля чаго тут жа ванітуе, таму ў першай палове дня ён няздольны выконваць сваю працу напоўніцу.”
― Egon Bondy, Sklepní práce

“Род,.. Кроў... Карані... Усё гэта робіцца бясьсільным і бессэнсоўным, варта табе апынуцца сам-насам з часам. Ад самага нашага нараджэньня родны дом расказвае нам казкі пра сваю надзейнасьць і неўміручасьць - а потым ты ідзеш па вуліцы, на якой даўно ўжо не бываў, і раптам ня бачыш ні вокнаў, ні сьценаў, ні дрэваў, і толькі памяць малюе фантомныя абрысы, і ў цябе ёсьць усяго толькі сэкунда, каб пабачыць усё апошні раз, перад тым як мінулае памеркне і зробіцца шараговым чалавечыс успамінам, лісьлівым, самаўпэўненным і недакладным, і пасыплецца сухім лісьцем, страшным сьнегам, сівым валоссем на вуліцы старой Дражні.”
― Альгерд Бахарэвіч, Хлопчык і сьнег

“У Абалдуйску разганяе цемру адзін ліхтар, а начныя вуліцы патрулююць двое вартаўнікоў. Нягледзячы на гэта, уначы людзі ўсё роўна аступаюцца і ламаюць галовы, і от хоць ты што - крадуць! З гэтага можна зрабіць павучальную выснову, што ад ліхой навалы асцерагчыся няма як. Што наканавана небам, тое пальцам не размажаш. Бо ўсе чалавечыя вынаходствы і хітрыкі - марная марнасць і нейкае абы-што.”
― Мендэлэ Мойхер-Сфорым, Падарожжы Беньямiна III