حسام

“أنا باشكر اللى خلق لى الصوت وأوصانى
أقول كلام حُرّ.. مايقبلْش لون تانى
مااسكتش ع الضِّيم واهشّ الغيم بقولة آه
وإن سرقوا صوتي.. بينسوا ياخدوا قولة آه
في الفرْح في الجرح إيه حيلتى إلاّ قولِة آه”
― عبد الرحمن الأبنودي

“تذكرة القطر بمبلغ و بقدره
و القطر ماهوش على كيفه.. ولا قطرُه
و إن مات حتى بخـُطره
و إن شالله يخس دراع
لكن مش ممكن حاجة تعطل سفره
مسافر يعنى مسافر
أبنود ضاقت .. وملوش فيها دلوقت
غير تمن القطر .. وتمن القطر ده وقت”
― عبد الرحمن الأبنودى, أحمد سماعين: سيرة إنسان

“القصيدة توصف الدم الذكي
ما تشيلش نقطة
توصف ألام اللي ماتت بنتها قدام عينيها
بس وصف
وصف جيد…….وصف خايب
وصف صادق….وصف كاذب
في النهاية……….كلة وصف
كل شعر الوصف
مايساويش في سوق الحق صرخة
الكلام عن كل دة
شئ من التطاول
إنما…..لازم نحاول”
― عبد الرحمن الأبنودي, الموت علي الأسفلت

“قدم البيت
اتهدت قبله بيوت وبيوت
واصيل هوه
مستنيني لما اموت
حاتيجي العيد الجاي
واذا جيت ..
حاتجيني الجاي؟
وحاتشرب مع يامنه الشاي؟
حاجي ياعمه ..
وجيت…
لا لقيت يامنه ولا البيت!!”
― عبد الرحمن الأبنودي, المختارات يامنة وقصائد أخرى