المختارات يامنة وقصائد أخرى Quotes

“قدم البيت
اتهدت قبله بيوت وبيوت
واصيل هوه
مستنيني لما اموت
حاتيجي العيد الجاي
واذا جيت ..
حاتجيني الجاي؟
وحاتشرب مع يامنه الشاي؟
حاجي ياعمه ..
وجيت…
لا لقيت يامنه ولا البيت!!”
― عبد الرحمن الأبنودي, المختارات يامنة وقصائد أخرى

“خايف أموت من غير ما اشوف

تَغيُّر الظروف

تَغيُّر الوشوش وتَغيُّر الصُّنوف.

والمحدوفين ورا...

متبسّمين فى أول الصفوف!!

خايف أموت وتموت معايا الفكرة

لا ينتصر كل اللى حبيته

ولا يتهزم كل اللى كنت اكره

إتخيلوا الحسرة

إتخيلوا الحسرة!”
― عبد الرحمن الأبنودي, المختارات يامنة وقصائد أخرى

“آ باي .. ما كنت شقي وعفريت
من دون كل الولدات
كنت مخالف…
براوي
وكنت مخبي في عنيك السحراوي
تمللي حاجات
زي الحدايه..
تخوي الحاجه وتطير.
من صغرك بصوافر واعره
ومناقير !!
بس ما كنت كداب
واديني استنيت بالدنيا
لما شعرك شاب!!”
― عبد الرحمن الأبنودي, المختارات يامنة وقصائد أخرى

“مصر اللى لا لحظة ولا صُدفة

ثورة فى ضمير النور.. بتتكوِّن.

رايات.. بدم البُسطا.. تتلوِّن

سَدوا الطريق كيف المؤامرة تفوت؟

«فلتسقط الخيانة

والقيادات الجبانة

نداغة الإهانة..

كريهة الريحة.. كريهة الصوت!!»”
― عبد الرحمن الأبنودي, المختارات يامنة وقصائد أخرى

“آهين يا رفاقة

لو كنت أعرف أرجَّع البكَرة

واجيب بكرة

أرسى ف موانى الحلم من غير عِلْم

من غير عذاب.. ولا تضحِيات

ولا دم

واشوف نهاية الفيلم..

الفيلم تافه.. سخيف

بطلُه المفتح.. كفيف.

شريف و هو المطارد

ولصه.. هوّ الشريف

يا ما بليدة يا خطوة التواريخ

فقيرة الصورة

وباهظة التكاليف!!”
― عبد الرحمن الأبنودي, المختارات يامنة وقصائد أخرى

“آهين يا رفاقة

لو كنت أعرف أرجَّع البكَرة

واجيب بكرة

أرسى ف موانى الحلم من غير عِلْم

من غير عذاب.. ولا تضحِيات

ولا دم

واشوف نهاية الفيلم..

الفيلم تافه.. سخيف

بطلُه المفتح.. كفيف.

شريفُه هوه المطارد

ولصه.. هوّه الشريف”
― عبد الرحمن الأبنودي, المختارات يامنة وقصائد أخرى