أحمد بخاتي

“الدكتور: شوية هلاوس وتخيلات.. لازم يتحط تحت الملاحظة فترة عشان نتأكد إنه كويس.. وكمان إحنا عايزين نعرف تاريخه المرضى وبالذات المتعلق بدماغه والمخ.
أم غباشي: مخ!.. الطبيعي يعنى.. الحوادث الصغيرة اللي بتحصل لكل العيال.
الدكتور: زي أيه حضرتك؟
أم غباشي: عادي.. يعني مرة وقعت كريستالة النجفة علي دماغه وعملتله بلبوزة.. ومن بعديها بقي ياكل بإيده الشمال.
الدكتور: حاجة تانية؟
أم غباشي: بعديها بسنة رميته بشبشب بوردة.. راح راشق في نفوخه والحمد لله كان شبشب الشفا.. ورجع تاني ياكل بإيده اليمين.
الدكتور: وأيه تانى؟”
― أحمد بخاتي, حكايات ماهينار وغباشي

“ماهينار: طمنا يا دكتور.
الدكتور: لسه مش عارفين.. بس هو لازم يتحط تحت الملاحظة علي الأقل 24 ساعة.
أم غباشي: يالهوي هو جراله حاجة؟
الدكتور: شوية هلاوس وتخيلات.. لازم يتحط تحت الملاحظة فترة عشان نتأكد إنه كويس.. وكمان إحنا عايزين نعرف تاريخه المرضى وبالذات المتعلق بدماغه والمخ.
أم غباشي: مخ!.. الطبيعي يعنى.. الحوادث الصغيرة اللي بتحصل لكل العيال.
الدكتور: زي أيه حضرتك؟
أم غباشي: عادي.. يعني مرة وقعت كريستالة النجفة علي دماغه وعملتله بلبوزة.. ومن بعديها بقي ياكل بإيده الشمال.
الدكتور: حاجة تانية؟
أم غباشي: بعديها بسنة رميته بشبشب بوردة.. راح راشق في نفوخه والحمد لله كان شبشب الشفا.. ورجع تاني ياكل بإيده اليمين.
الدكتور: وأيه تانى؟
أم غباشي: مرة حب يعمل إنه برص وكان عايز يطلع علي الحيطه.. راح نازل علي راسه زرع بصل ومن ساعتها وهو بياكل بإيديه الاتنين.. بس كل الحوادث دي عادية بتحصل للأطفال.. أصل غباشي كانت طفولته بريئة جدا.
ماهينار: ربنا يستر وبعد الخبطة دي مايكلش بإيديه ورجليه.
(الدكتور مصدوم)
أم غباشي: يا دكتور أنت متنح كدا ليه؟.. مينفعش يخرج النهارده ونرجعه بعد العيد؟”
― أحمد بخاتي