ಸುಶಾಂತ ಕುರಂದವಾಡ

Add friend

ಸುಶಾಂತ’s Bookshelves

to-read‎ (40)
currently-reading‎ (3)

read‎ (848)
did-not-finish‎ (3)

booktasters‎ (124)
favorites‎ (8)

Stats | More…

ಸುಶಾಂತ is Currently Reading

ಸುಶಾಂತ ಕುರಂದವಾಡ is currently reading

ಅಂಚು [Anchu]

by S.L. Bhyrappa

bookshelves: currently-reading

Reading for the 2nd time

Rate this book

Clear rating

1 of 5 stars 2 of 5 stars 3 of 5 stars 4 of 5 stars 5 of 5 stars

ಸುಶಾಂತ ಕುರಂದವಾಡ said: " ಪುಸ್ತಕ: ಅಂಚು
ಲೇಖಕರು: ಎಸ್ ಎಲ್ ಭೈರಪ್ಪ

ಅದ್ಭುತ ಕೃತಿಗಳಿಂದ ಜನಪ್ರಿಯರಾಗಿರುವ ಕಾದಂಬರಿಗಾರರ ಅಂಚು ಕೃತಿ ಈ ಅಭಿಯಾನಕ್ಕೆ ಸರಿಯಾಗಬಲ್ಲದು. ಬದುಕು ಮತ್ತು ಮರಣದ ಅಂಚಿನಲ್ಲಿ ಹೊಯ್ದಾಡುವ ಮತ್ತು ಅದೇ ದುರ್ಬಲ ಮನಸ್ಸಿಗೆ ಜೀವಶಕ್ತಿಯನ್ನು ತುಂಬುವ ಸಮುದ್ರಂತಹ ತಾಳ್ಮೆಯನ್ನು ಹೊಂದಿರುವ ಇನ್ನೊಂದು ಮನಸ್ಸುಗಳ ಪುಸ್ತಕ: ಅಂಚು
ಲೇಖಕರು: ಎಸ್ ಎಲ್ ಭೈರಪ್ಪ

ಅದ್ಭುತ ಕೃತಿಗಳಿಂದ ಜನಪ್ರಿಯರಾಗಿರುವ ಕಾದಂಬರಿಗಾರರ ಅಂಚು ಕೃತಿ ಈ ಅಭಿಯಾನಕ್ಕೆ ಸರಿಯಾಗಬಲ್ಲದು. ಬದುಕು ಮತ್ತು ಮರಣದ ಅಂಚಿನಲ್ಲಿ ಹೊಯ್ದಾಡುವ ಮತ್ತು ಅದೇ ದುರ್ಬಲ ಮನಸ್ಸಿಗೆ ಜೀವಶಕ್ತಿಯನ್ನು ತುಂಬುವ ಸಮುದ್ರಂತಹ ತಾಳ್ಮೆಯನ್ನು ಹೊಂದಿರುವ ಇನ್ನೊಂದು ಮನಸ್ಸುಗಳ ಕಥೆ ಇದಾಗಿದೆ. ಆ ದುರ್ಬಲ ಮನಸ್ಸು ಈ ಕಡೆ ಇನ್ನೊಂದು ಮನಸ್ಸನ್ನು ಪರೋಕ್ಷವಾಗಿ ಅವಲಂಬಿಸದಿರಲು ಪ್ರಯತ್ನಿಸಿ, ಕೆಲವು ಬಾರಿ ವಿಫಲಗೊಂಡು ಅವಲಂಬಿತವಾಗುವಂತಾಗಿ ತನ್ನ ಒಳಗಿನ ಕೂಗಿನಿಂದ ಜೀವಕ್ಕೆ ಶರಣಾಗಬೇಕೆಂದು ಶತಪ್ರಯತ್ನ ನಡೆಸಿದಾಗ ತನ್ನನ್ನು ನಂಬಿಕೊಂಡು ಇನ್ನೆರಡು ಜೀವಗಳಿವೆ ಅಂತ ತಿಳಿದಾಗ ಶೂನ್ಯಮನಸ್ಕಳಾಗಿ ಮತ್ತೆ ಯಥಾಪ್ರಕಾರವಾಗಿ ತನ್ನ ಯಾಂತ್ರಿಕ ಜೀವನವನ್ನು ಮುಂದುವರೆಸುವ ಕಥೆ. ಇದು ನಾವು ಈಗಿನ ಉತ್ತಡದ ಮನಸ್ಥಿತಿ ಹೆಚ್ಚಾಗಿ ಕಂಡುಬರುವ ಈ ಪೀಳಿಗೆಯಲ್ಲಿ ಸಾಮಾನ್ಯವಾಗಿ ಕಾಣಬಹುದಾಗಿದೆ. ಕೆಲವು ಸಲ ಆತ್ಮಹತ್ಯೆಯನ್ನು ಮಾಡಿಕೊಂಡು ಬಾಳಿಗೆ ನಮಸ್ಕಾರ ಹಾಕುವ ಎಷ್ಟೋ ಉದಾಹರಣೆಗಳನ್ನು ನಾವು ಕಾಣಬಹುದಾಗುದೆ. ಅಂತಹದೇ ಉದಾಹರಣೆ ಈ ಪುಸ್ತಕದ ಒಂದು ಪಾತ್ರ ಅಮೃತಾ.
ಅಮೃತ ಮೂಲತಃ ವಿದ್ಯಾವಂತೆ, P.hD ಮಾಡಿ ಕಾಲೇಜೊಂದರಲ್ಲಿ ಉಪನ್ಯಾಸಕಿಯಾಗಿ ಕಾರ್ಯನಿರ್ವಹಿಸುತ್ತಿರುತ್ತಾಳೆ. ತನ್ನ ವಂಶದಿಂದ ಬಂದಂತಹ ಆಸ್ತಿಯಿಂದ ಹೇಗೋ ಸುಖವಾಗಿದ್ದಳವಳು. ಚಾಮುಂಡಿಬೆಟ್ಟದ ಕೆಳಗೆ ತಪ್ಪಲಿನಲ್ಲಿ ವಿಶಾಲವಾದ ಮನೆ, ಕಾಲೇಜಿನಲ್ಲಿ ಪ್ರಿನ್ಸಿಪಾಲ್ ಬಸ್ಸಿನಲ್ಲಿ ಬಂದರೆ ಅವಳೊಬ್ಬಳೇ ಕಾರಿನಲ್ಲಿ ಹೋಗುತ್ತಿದ್ದಳು. ಮನೆಯಲ್ಲಿ ತನ್ನ ಎರಡು ಮುದ್ದು ಕಂದಮ್ಮಗಳು, ಸದಾ ಪ್ರವಾಸ ಅಥವಾ ಕೆಲಸದ ನಿಮಿತ್ತ ಮನೆಯಿಂದ ದೂರವಿರುತ್ತಿದ್ದ ಅವಳ ಗಂಡ. ಇದರಿಂದ ಒಬ್ಬಂಟಿಯಾಗಿ ಜೀವನ ನಡೆಸುತ್ತಿದ್ದ ಅಮೃತಾಳಿಗೆ ತಲೆಯಲ್ಲಿ ಹಲವಾರು ಅಸಂಬದ್ಧ ಯೋಚನೆಗಳು, ಅದಕ್ಕೆ ಪೂರಕವಾದ ಅವಳ ಜೀವನದಲ್ಲಿ ಅನುಭವಿಸಿದ್ದ ಕಷ್ಟ ಮತ್ತು ಎದುರಿಸಿದ ಮೋಸಗಳು. ಯಾರ ಮುಂದು ತನ್ನ ಭಾವನೆಗಳನ್ನು ವ್ಯಕ್ತಪಡಿಸಲಾಗದೆ ಕೊನೆಗೆ ಅವಳು ಬಂದಿದ್ದು ಆತ್ಮಹತ್ಯೆಯ ಘಟ್ಟಕ್ಕೆ. ಆದರೂ ಆತ್ಮಹತ್ಯೆ ಮಾಡಿಕೊಳ್ಳುವಂತಿಲ್ಲ, ಕಾರಣ ಅವಳಿಗಿದ್ದ ಎರಡು ಪುಟ್ಟ ಗಂಡು ಕಂದಮ್ಮಗಳು. ಶೂನ್ಯತೆಯನ್ನು ಎದೆಗೆ ಅವಚಿಕೊಂಡು ಜೀವನವನ್ನು ಪ್ರಯಾಸದಿಂದ ಅಮೃತಾ ನಡೆಸುತ್ತಿರುವಾಗ ಅವಳಿಗೆ ಪರಿಚಯವಾಗಿದ್ದು ಸೋಮಶೇಖರ್.
ಸೋಮಶೇಖರ್ ಒಬ್ಬ ಆರ್ಕಿಟೆಕ್ಟ್. ಮನೆಯನ್ನು ಶೃಂಗಾರಗೊಳಿಸುವ ರೀತಿಯಲ್ಲೇ ಅವನು ತನ್ನ ಹಳೆಯ ನೆನಪೆಲ್ಲವನ್ನೂ ಮರೆತು ತನ್ನ ಜೀವನವನ್ನು ಶೃಂಗಾರಗೊಳಿಸಿರುತ್ತಾನೆ. ಮಗು ಮತ್ತು ಮಡದಿಯನ್ನು ಅಪಘಾತವೊಂದರಲ್ಲಿ ಕಳೆದುಕೊಂಡಾಗ ಅವನೂ ಶೂನ್ಯಮನಸ್ಕನಾಗಿರುತ್ತಾನೆ. ಮುಂಬೈಗೆ ಹೋಗಿ ಅಲ್ಲಿ ಜೀವನವನ್ನು ಒಂದು ಹಂತಕ್ಕೆ ತೆಗೆದುಕೊಂಡು ಬಂದಿರುತ್ತಾನೆ. ಆದರೂ ಹೊರಹಾಕಲಾರದ ಮಡದಿ ಮತ್ತು ಮಗುವಿನ ನೆನಪುಗಳು ಅವನ ಬದುಕಿನ ಹಂದರದಲ್ಲಿ ಅಚ್ಚಾಗಿ ಉಳಿದಿರುತ್ತದೆ. ಅದನ್ನು ಕೊನೆಗಾಣಿಸಲು ಸಹಾಯ ಸಿಕ್ಕಿದ್ದು ಒಬ್ಬ ಗೆಳತಿ. ತಾನು ಊಹಿಸಲೂ ಸಾಧ್ಯವಾಗದಷ್ಟು ದೈಹಿಕ ಸುಖವನ್ನು ನೀಡಿ ಅವನಲ್ಲಿ ಜೀವನೋತ್ಸಾಹ ತುಂಬುತ್ತಾಳೆ. ಅದೇ ಸೌಭಾಗ್ಯವನ್ನು ಅವನು ಮುಂದುವರೆಸಿಕೊಂಡು ಹೋಗಿದ್ದರೆ ಅವನು ಆರಾಮಾಗಿ ಇರುತ್ತಿದ್ದನೋ ಏನೋ ಆದರೆ ಅಲ್ಲಿ ಅವನ ಜೀವನದಲ್ಲಿ ತಿರುವು ಪಡೆಯುತ್ತದೆ. ಅವನಿಗೆ ದೈಹಿಕ ನೀಡಿದ್ದ ಗೆಳತಿ ಇನ್ನೊಬ್ಬನ ಆಸರೆಯಲ್ಲಿದ್ದುದನ್ನು ಕಂಡು ಸೋಮುಗೆ ಬಹಳ ವೇದನೆಯಾಗುತ್ತದೆ. ಮಗು ಮತ್ತು ಮಡದಿಯ ಮೇಲಿದ್ದ ಪವಿತ್ರವಾದ ಪ್ರೀತಿಯನ್ನು ವ್ಯಭಿಚಾರದಿಂದ ತಾನು ಕೊಂದೆ ಅಂತ ತಿಳಿದು ಮೈಸೂರಿಗೆ ಹಿಂದಿರುಗುತ್ತಾನೆ.
ಅಮೃತಾಳ ಮನೆಯಲ್ಲಿ ರಿಪೇರಿ ಕೆಲಸಕ್ಕಾಗಿ ಹುಡುಕುತ್ತಿರುವಾಗ ಅವಳಿಗೆ ಸಿಕ್ಕಿದ್ದು ಈ ಸೋಮು. ದಿನಗಳು ಕಳೆದಂತೆ ಅವರಿಬ್ಬರ ನಡುವಿನ ಸಂಬಂಧ ಇನ್ನೊಂದಿಷ್ಟು ಪ್ರಭಲವಾಗುತ್ತದೆ. ನಡುವೆ ಪಾರದರ್ಶಕತೆಯ ಅಗತ್ಯವಿದೆ ಅಂತ ತಿಳಿದು ಸೋಮು ತನ್ನ ಗತಿಸಿದ ವೃತಾಂತವನ್ನು ಅಮೃತಾಳ ಮುಂದೆ ಇಟ್ಟಾಗ ಅಮೃತಾಳಿಗೆ ರೋಷ ಉಕ್ಕೇರುತ್ತದೆ. ಸೋಮು ಒಬ್ಬ ವ್ಯಭಿಚಾರಕ ಅಂತ ತಿಳಿದು ಕೆಲದಿನ ಅವನಿಂದ ದೂರವಾಗಿರುತ್ತಾಳೆ ಆದರೆ ಬಿಡಲೂ ಆಗದೆ ಮತ್ತೆ ಅವನನ್ನು ಕೂಡುತ್ತಾಳೆ. ಕಾರಣ ತನ್ನೊಂದಿಗೆ ಮಾತಾಡಲು ಒಬ್ಬ ಸಖ ಸಿಕ್ಕಿದ್ದಾನೆಂದು. ಅವಳಿಗೆ ಸದಾ ಮೂಗಿನಮೇಲೆ ಸಿಟ್ಟು. ಸೋಮುವಿನ ಒಂದು ತಪ್ಪು ಹೆಜ್ಜೆ ಅಮೃತಾಳ ಕಣ್ಣು ಕಿಡಿಕಾರುತ್ತಿದ್ದವು. ಆ ಸಂದರ್ಭದಲ್ಲಿ ಅವಳ ರೋಷ ಆಕಾಶಕ್ಕೇರಿದರೂ ಸ್ವಲ್ಪ ನಂತರ ಮತ್ತೆ ತಿಳಿಬಾನುವಿನಂತಾಗುತ್ತಿತ್ತು. ಮೊದಮೊದಲು ಅವಳ ಈ ಅವಸ್ಥೆಯನ್ನು ತಿಳಿಯುವುದೇ ಸೋಮುವಿಗೆ ಕಷ್ಟವಾಗಿತ್ತು ಆದರೆ ಮುಂದೆ ಅವನಿಗೆ ಅರಿಕೆಯಾಗಿ ಅವಳ ಮೇಲೆ ಮರುಕವುಂಟಾಗುತ್ತದೆ. ಯಾವಾಗಲು ಅಮೃತಾ ತಾನು ಹೇಳಿದ್ದೆ ಆಗಬೇಕು, ಇಲ್ಲವಾದಲ್ಲಿ ಸೋಮುವನ್ನು ಬಿಟ್ಟು ತನ್ನ ಪಾಡಿಗೆ ತಾನು ಒಬ್ಬಂಟಿಯಾಗಿ ಹೋಗುತ್ತಿರುತ್ತಾಳೆ. ಕೆಲವು ಸಲ ಸೋಮು ಕೆಲಸದ ನಿಮಿತ್ತ ಮನೆಗೆ ಬಾರದಾದಾಗ ಬೆಟ್ಟದ ತುದಿಗೆ ಅಥವಾ ಕೃಷ್ಣರಾಜ ಸಾಗರಕ್ಕೊ ಹೋಗಿ ತನ್ನ ಸಾವಿನ ಬಗ್ಗೆಯೇ ಯೋಚಿಸುತ್ತಿರುತ್ತಾಳೆ. ಹಲವಾರು ಸಲ ಸೋಮುವಿಗೆ ಕೂಡ ಸಿಟ್ಟು ಬಂದಿದ್ದುಂಟು, ಹೋಗಲಿ ಅವಳು ಸತ್ತರೆ ನಂಗೇನು ಎನ್ನುವ ಭಾವನೆಗಳೂ ಬಂದಿದ್ದುಂಟು ಆದರೆ ಅಷ್ಟೇ ಬೇಗ ಅದು ಹೋಗಿ ಅವಳ ಸ್ಥಿತಿಯ ಮೇಲೆ ಮರುಕ ಹುಟ್ಟಿ ಮತ್ತೆ ಅವಳನ್ನು ಸಂತೈಸುವನು. ಒಂದು ಸಲ ಅವಳ ಸ್ವಭಾವ ಅತಿರೇಕವಾಗಿ ಇಬ್ಬರೂ ವಿಭಕ್ತರಾದಾಗ ಸೋಮುವಿಗೆ ವಿಪರೀತ ಜ್ವರ, ಇಲ್ಲಿ ಅಮೃತಾ ತನ್ನ ಎಸ್ಟೇಟಿಗೆ ಹೋಗುತ್ತಾಳೆ. ಬರುತ್ತಲೇ ಸೋಮುವಿನ ಅವಸ್ಥೆಗೆ ಹೆದರಿ ಅವನ ಸೇವೆಗೆ ನಿಲ್ಲುತ್ತಾಳೆ. ಅದಾಗಿ ಸ್ವಲ್ಪದಿನ ಅಮೃತಾ ಸಮಾಧಾನವಾಗಿರುತ್ತಾಳೆ ಆದರೆ ಅನಿರೀಕ್ಷಿತವಾಗಿ ಅವಳ ಗಂಡನ ಆಗಮನದಿಂದ ಮತ್ತೆ ಅವಳ ಸ್ಥಿತಿ ಚಿಂತಾಜನಕವಾಗುತ್ತದೆ. ಕುಳಿತರೂ ನಿಂತರೂ ಆತ್ಮಹತ್ಯೆಯದೇ ಯೋಚನೆ ಪ್ರಾರಂಭವಾಗುತ್ತದೆ. ಸೋಮು ತನ್ನ ಹೊಸ ಆಫೀಸನ್ನು ತೆಗೆದಾಗ ಆ ಕಾರ್ಯಕ್ರಮಕ್ಕೆ ಗೈರಾಗಿ ಅಮೃತಾ ಆತ್ಮಘಾತಕ್ಕಾಗಿ ಓಡುತ್ತಿರುತ್ತಾಳೆ. ಆದರೂ ಸೋಮು ಅವಳನ್ನು ರಕ್ಷಿಸುತ್ತಾನೆ. ಮನೆಯಲ್ಲಿದ್ದರೆ ಶೂನ್ಯಭಾವ, ಕಾಲೇಜಿಗೆ ಕೆಲಸಕ್ಕಾಗಿ ಹೋದರೆ ಅಲ್ಲಿಯ ಜನರ ಹರಕುಬಾಯಿಯಿಂದ ಹೊರಬರುವ ಆ ಕ್ರೌರ್ಯ ಅಮೃತಾಳಿಗೆ ತನ್ನ ಬದುಕೇ ತಿರಸ್ಕಾರದಿಂದ ನೋಡಿ ನಗುತ್ತಿತ್ತು. ಇನ್ನು ಬಿಡಬಾರದು ಹೋಗಿ ಸಾಯಲೇಬೇಕು ಅಂತ ನಿರ್ಧರಿಸಿ ಹೋಗಬೇಕು ಅಂದಾಗ ಸೋಮುವಿನ ಅದನ್ನು ಅದಕ್ಕಷ್ಟೇ ಬಿಟ್ಟು ಹೋದಳು ಬೆಟ್ಟದ ತುದಿಗೆ. ಅಮೃತಾ ಫೋನನ್ನು ಎತ್ತದಿದ್ದಾಗ ಎಲ್ಲಿರಬಹುದೆಂದು ಊಹಿಸಿ ಬೆಟ್ಟದ ತುದಿಗೆ ಬಂದು ಅವಳನ್ನು ಸಮಾಧಾನಗೊಳಿಸಿ ಮನೆ ಮುಟ್ಟಿಸುತ್ತಾನೆ. ಹೀಗೆ ಲೆಕ್ಕವಿರದಷ್ಟು ಕಲಹಗಳು ನಡೆದರೂ ಕೊನೆಗೆ ಅಮೃತಾ ಮತ್ತು ಸೋಮು ಒಂದಾಗುತ್ತಾರೆ ಆದರೆ ಓದುಗರಲ್ಲಿ ಉದ್ಭವಿಸುವ ಮುಖ್ಯ ಪ್ರಶ್ನೆ- ಇನ್ನು ಅಮೃತಾಳ ತಲೆಯಲ್ಲಿ ಆತ್ಮಹತ್ಯೆಯ ಯೋಚನೆ ಬರುವುದಿಲ್ಲವೇ? ಅಮೃತಾಳ ಮಕ್ಕಳು ಸೋಮುನನ್ನು ತಮ್ಮ ತಂದೆ ಅಂತ ಮನಸ್ಸಿನಿಂದ ಒಪ್ಪಿಕೊಳ್ಳುವರೇ? ...more "

Sep 23, 2022 02:04AM · see review