محال
discussion
نادى خيبه امل قراء محال
انا ايضا عجبني الجزء الاول في الرواية ,, خاصة مع طريقة يوسف زيدان في الوصف و السرد..لكن الجزء الاخير ( بداية من سفره للامارات ..حتي اخر الرواية ) كان مختصر بطريقة شديدة و الاحداث متلاحقة بلا روابط مما افقد الرواية الكثير من روعتها
أكثر ما عجبنني :
النفس كالطفل ان تهمله شب على حب الرضاع ****و ان تفطمه ينفطم
أنا عجبتني الرواية - أنا ماتضررتش من أى تمهيدات لنزول الرواية لأني ماتبعتش أى تنويهات عنها وماكنتش مستنيها
- أول حاجة عجبتني في الرواية إنها كانت بعيدة كل البُعد عن المجال اللي كان بيكتب فيه يوسف زيدان قبل كده ( زي عزازيل ، والنبطي ، واللاهوت العربي )
- وبرغم إن موضوع الرواية مباشر ومعروف ( إلا اني شايف إن يوسف زيدان رصد تأثير المرحلة مباشرة على بطل الرواية )
- حبيت جداً وصفه لجو النيل في أسوان والسودان .. وبعد كده لهفة البطل على محبوبته (نورا) وسعية وراها ، ووصفة لجو إسكندرية في ذاك الوقت والمرجعية التاريخية لمناطق بعينها وأصول مسمياتها
- حبيت جداً الكتابة عن الجزء المنسي من أسيا برغم إن المكان دا لازم يتكتب عنه أكتر من كده (باكستان،أفغانستان،سمرقند) وكنت قريت رواية قمر على سمرقند لمحمد المنسي قنديل في نفس المنطقة وشايف إن يوسق زيدان صور المنطقة بشكل معقول بجوها وطباع ناسها
- وأول فكرة في الكتاب معقولة جداً ولازم الناس تاخد بالها منها (الدنيا غير مأمونة المآل كلما أعطت الإنسان أملاً إنتقصت منه واقعاً) ودا إللى حصل في الرواية كل ما يبقى فيه بصيص أمل ينقذ بطل الرواية يطمر هذا الأمل بوعكة أشد سواداً
- أنا مابستناش حاجة لكاتب أنا بشوف الكاتب كتب إيه وإذا كانت كتابته متسقة مع إهتمامتي على أقل تقدير أو جذب إهتمامي بالكلام ولا لأ فقد نجحت الرواية في الوصول إلي .
- وأخيراً اسف إني طولت أو خيبت أمل خائبي الأمل في الرواية بإعجابي بيها
والله يافندم بالنسبة لرأيي في النهاية : انا شايف إنها ممكن تكون أقل ما في الرواية حبكة لإنها مقتضبة ولأني مافهمتش هيا بتشير لإيه بالظبط بس أنا اعتبرت ومش عارف دا صحيح ولا لأ إن النهاية بتقول إن البطل كان كثر وضوحاً وصراحة مما إعتبرته سلطات التحقيق أشد خطراً عليها وأن بطل الرواية لديه جرأة تفوق ما شاهده في أيام المعتقلوبالنسبة لجملة إبن النفيس فهي جملة جيدة على إستقلال ولكنها تنبئ برواية غير الرواية ورأيت انها لا ترتبط بالرواية من أي ناحية - وأنا معك إنها لا تضيف أو تفسر في الرواية أي شئ
نادي خيبة الأمل.. حلوه دي :Dسؤال للي عنده الروايه ورقي: هو الورق شكله إيه؟؟
انا عارفه إنه سؤال غريب, بس اللي عندي خفيف و لونه غامق و الكتاب طلع ناقص كام صفحه كمان :S :S
غريب على دار الشروق؟؟
معقوله تكون مقلده؟؟
LonelyRose wrote: "نادي خيبة الأمل.. حلوه دي :Dسؤال للي عنده الروايه ورقي: هو الورق شكله إيه؟؟
انا عارفه إنه سؤال غريب, بس اللي عندي خفيف و لونه غامق و الكتاب طلع ناقص كام صفحه كمان :S :S
غريب على دار الشروق؟؟
معق..."فعلا طباعة الكتاب سيئة جدا الورق سىء جدا زى سلاح التلميذ والورق زيالدة ونقص فى الطول والعرض وحاجة سيئة جدا
انا كده احبطت...انا لسه جايباها من المعرض ولسه مافتحتهاش :(((
للناس اللى عجبها الجزء الاول؟ايه اللى عجبكوا فى الفيلم العربى دة؟وللى عجبهم الجزء التانى بالمثل عجبهم ايه فى الفيلم الهندى؟
بالنسبالى الجزء التانى رغم جو الافلام الهندى اللى فيه ارحم من ابتذال الجزء الاولنورا؛امولة العسولة؛مرات الاب الشريرة؛الليبى الغنى...
حسيت انى وقعت فى فيلم ليلى بنت الفقراء!
أكسر إحباطكم , أرى الروايه جميله إجمالاً , بدايه رقيقه وحالمه (زي الأفلام العربي) , ثم تطورات مبرره للشخصيات , (مش هندي) , ونهايه واقعيه وإن كانت كئيبه ولكن تحمل الأمل بعد 7 سنوات
انا شايف الرواية كويسة ب يوسف زيدان خرج من عباءة الروايات اللى فيها احداث تاريخة بس الرواية فى المجمل كويسة
مشكلة الرواية الوحيدة افتكر فى الاخراج, اعتقد ان الرواية اتعملت فى وقت قصير وبسرعة لكن اصل الرواية جميل , والجزء الخاص بالمعلومات العامة كان ممل ,افتكر انوا كان سرد لتجربة شخصية للكاتب نفسوا, ودة مجرد استنتاج شخصى
Ahmed wrote: "انا شايف الرواية كويسة ب يوسف زيدان خرج من عباءة الروايات اللى فيها احداث تاريخة بس الرواية فى المجمل كويسة"لا اتمنى له ان يخرج من عباءة الرواية التاريخية فهو مبدع فيها و لو ركز على هذا النوع اعتقد اننا سنرى الابداع تلو الآخر
و في انتظار رواية الحاكم بأمر الله ليعود دكتور زيدان الى لونه المفضل بالنسبة لي
اعتقد لو كانت الرواية بتركز بشكل اكبر على خبايا و اسرار تنظيم القاعدة لكانت رواية ابداعية خاصتا اني اعتقدت هذا عندما قرأت ما كُتب على ظهر الرواية الذي كان خادعا و لا اعلم ما المغذى من كتابة تعريف بالرواية ليس له علاقة بهااعتقد ان دكتور زيدان صعبها على نفسه لما كتب عزازيل لان صعب القراء يستقبلوا اي رواية بمستوى اقل بعدها و خصوصا لو كان اقل بكثر كما هو الحل في رواية محال
الا صحيح بالمناسبة هي اسمها مُحال ليه -انا سمعت تفسيره لكن مش مقنع -؟؟
لا مش غريب انا شفت نسخ مقلدة من عزازيل / تراب المس / اولاد حارتنا / كتب الاسواني كلها و لا في أي حد بيتابع
حتي لو الكتاب عجبك أسوأ حاجة الاشتغالات الاسم ليس لة علاقة بالمضمون
الغلاف الخلفي تحس انة لكتاب غير اللي انت اشتريتة
كون القصة تخص مراسل الجزيرة و لم يتم التنوية عن ذلك في الكتاب برضة مش حاجة ظريفة
الكتاب تجاري بحت
Mohamed wrote: "اعتقد لو كانت الرواية بتركز بشكل اكبر على خبايا و اسرار تنظيم القاعدة لكانت رواية ابداعية خاصتا اني اعتقدت هذا عندما قرأت ما كُتب على ظهر الرواية الذي كان خادعا و لا اعلم ما المغذى من كتابة تعريف ب..."أنا معاك جداً فيإن عزازيل هاتفرق جامد في أى حاجة هايكتبها يوسف زيدان
راقت لى كثيراعلى العكس فى انتظار الجزء التانى
عجبت لهذا الشخص التقى الورع اللى عمل كل حاجة مع نورا من غير لحظة تأنيب ضمير واحدةوفى عدة أجزاء من الرواية حسيتها فيلم هندى
وجزء التعذيب فى الآخر لم يعجبنى لكن ممكن أكون ظلمته لانه بيفكرنى يمشاهد التعذيب فى 1984 رائعة جورج أورويل ولا يقارن بيها
ومشهد الروسيات لم أجد له أى مبرر سوى ان دكتور يوسف يقحم تلك المشاهد فى رواياته بلا مبرر
مستغربة من الدكتور ..حسيت بالإحباط وانا حاليا بالصفحة 75 أتمني اني ماضيعتش وقت عالفاضيماقريتش الردود كاملة حتي أكملها
برغم إني حبيت الرواية ،، إلا إن فيه تعليقات كتير فادتني ووجهت تفكيري لحاجات تاهت مني
بالنسبه لنهايه الروايه فهى ليها جزء تانى اسمه جوانتاناموالروايه بالنسبه ليوسف زيدان لاتقارن بباقى اعماله لانه ابدع فى الروايه التاريخيه
بالنسبه للى بيقول الغلاف والطباعه عى طباعته والغلاف كويس كعادة دار الشروق بتهتم بالطباعه جداا
لكن فى نسخ بتنزل ستوك يعنى بايظه او ناقصه او مشكله فى الغلاف وديه بتتباع باقل من نص الثمن وبتنزل فى صور الازبكيه مش فى المكتبه نفسها
الروايه مقارنه بيوسف زيدان اقل اعماله الى قراتها له الى الان
تتشرف مكتبات أ بدعوتكم لحضور التوقيع الثاني لرواية محال ولكن بفرع كفر عبده (الإسكندرية) هذة المرة وذلك يوم الجمعة 16 مارس في تمام السابعة مساءاً. يسعدنا تشريفكم لمناقشة د. يوسف زيدان وعرض آرائكم عليه لنقد هذه الرواية.
http://www.goodreads.com/event/show/2...
كان لية سؤال مهم فى الرواية, اسم الشخصية الرئيسة فى الرواية كان اية؟؟؟
Sally wrote: "بالنسبه لنهايه الروايه فهى ليها جزء تانى اسمه جوانتانامو"
الكلام ده مؤكد لو تكرمتي؟ و يا تري هتبقي بنفس مستوي محال؟ =(
Sherif wrote: "كان لية سؤال مهم فى الرواية, اسم الشخصية الرئيسة فى الرواية كان اية؟؟؟"لأخر الرواية كنت مركز إنى أعرف إسمه - ويوسف زيدان كان متعمد يخفي إسمه بلقب (الزول)
Ahmed wrote: "Sally wrote: "بالنسبه لنهايه الروايه فهى ليها جزء تانى اسمه جوانتانامو"
الكلام ده مؤكد لو تكرمتي؟ و يا تري هتبقي بنفس مستوي محال؟ =("
الكلام دة قريت فى خبر على الانترنت بان يوسف زيدان هيبداء فى الجزء التانيه من الروايه
مع انى اتمنى جزء تانى من عزازيل
Ehab wrote: "Sherif wrote: "كان لية سؤال مهم فى الرواية, اسم الشخصية الرئيسة فى الرواية كان اية؟؟؟"لأخر الرواية كنت مركز إنى أعرف إسمه - ويوسف زيدان كان متعمد يخفي إسمه بلقب (الزول)"
يوسف زيدان تعمد عدم القاء اسم للبطل الروايه لانها يرى الاماكن هى التى تضفى على الاشخاص اسمائهم
فى اسوان اسمه الزول
وفى الاسكندريه ابو سمرة
وفى كازخستان ابو بلال
وذلك لان الاماكن هى التى تعطى الاشخاص صفاتهم
Sally wrote: "Ehab wrote: "Sherif wrote: "كان لية سؤال مهم فى الرواية, اسم الشخصية الرئيسة فى الرواية كان اية؟؟؟"لأخر الرواية كنت مركز إنى أعرف إسمه - ويوسف زيدان كان متعمد يخفي إسمه بلقب (الزول)"
يوسف زيدان ..."
رد مقنع
Sally wrote: "Ehab wrote: "Sherif wrote: "كان لية سؤال مهم فى الرواية, اسم الشخصية الرئيسة فى الرواية كان اية؟؟؟"لأخر الرواية كنت مركز إنى أعرف إسمه - ويوسف زيدان كان متعمد يخفي إسمه بلقب (الزول)"
يوسف زيدان ..."
- تحليل جيد - واضح إنك ركزت في الرواية أوي - مشكلتي إن على قد مابحب أقرا إلا إنى أخلص الكتاب من هنا ولا يتبقى داخلي إلا الجو العام وانسى معظم التفاصيل - تقريباًَ دا مرض
انا بختلف معاكم الروايه انا شايفاها جميله جدا ممكن فى جزء منها حسيت بالملل بس بعد كده رجعت شيقه تانى
Eman wrote: "انا كده احبطت...انا لسه جايباها من المعرض ولسه مافتحتهاش :((("اقرأيها هتعجبك كتير
Asmaa wrote: "Eman wrote: "انا كده احبطت...انا لسه جايباها من المعرض ولسه مافتحتهاش :((("اقرأيها هتعجبك كتير"
مانا قريتها ومكانتش سيئة بالعكس لقيتها شيقة وخلصتها بسرعة
يقال انها ثلاثيه في جزء ثاني و جزء تالت
حرام عليكم !!خيبة أمل ايه بس
لأول مرة في كتابات يوسف زيدان أحس اني عايشة جوة القصة .. مش مجرد بتفرج عالأحداث من برة !!
في رأيي أول قصة معاصرة لزيدان و موفقة
ملاحظات سريعه كده على راويه محال - اول روايه ليوسف زيدان تدخل مكتبتى بشكل فعلى كنت انتظر من عبقرى عزازيل الكثير رغم انى لم اقرا عزازيل بعد الا اننى سمعت عنها الكثير
- عشت فى الرواية جو اسكندرايه بجد يوسف زيدان عبقرى وصف بصراحه وحاجة تحسبه له فى الرواية
- الرواية ممله شويه فى سردها خصوصاً فى الجزء الثانى منها
- مشاهد التعذيب يوصف زيدان اعجبنى كثيراً فى صياغه حوارها بشكل مبهر
- فى المجمل تجربة اجمالاً لا ترتقى لاكثر من 3 نجوم تفتقد كثيراً للحبكه الدراميه والتسلسل المشوق
قرأت الرواية منذ فتره بعد نزولها مباشرةولكنى لم اقرأ اية مقدمات كتبت عنها
ويظهر لى انها رواية تعد من الروايات التجاريه والتى اختال فيها الكاتب بنفسه بعد كتابات محبكه كرواية عزازيل و النبطى حيث انها اعقبتهم حيث ان الكاتب قد قام بالحشو الكثير فيها وهى اما احداث سريعه وغبر مكترث بها وهى اعتقد هامه واحداث بطيئة و مفنده وهى غير هامه.
عموماً الروايه قد تستحق القرأه الى حد ما
والامر الغريب اخفاء الكاتب لاسم البطل
على الرغم من ذكر جميع اسماء الاشخاص الظاهرين فى القصه على الرغم من اننى قرأت مثل هذه الطريق فى روايه "هكذا خلقت" للكاتب/محمد حسين هيكل الا ان هيكل كان اكثر حبكة من كاتب هذه الرواية
اخيراً وليس اخراً
من يعرف اسم القصه الحقيقى
هل هى محُال - بضم الحاء
ام محَال -بفتح الحاء
اعتقد هذا هو اللغز
تحياتى
واسف على الاطاله
في رأيي هي مش لغزالكاتب تركها مفتوحة ليبني القارئ على معناها كل القصة
فمحال بضم الحاء هو المستحيل
حبه لنورا و كل اللي حصل مستحيل يحصل لكائن بشري عادي !!
اما محال بفتح الحاء فهي جمع محل و هو المكان الذي يحل فيه الانسان
و دة بيرجع لكثرة تنقله
و شخصيا اميل للمعنى الاول :)
ماليش تعليق غلى الرواية غير انها ممطوطة بشكل مبالغ فيه في حتت و بعدين تسلسل سريع غير منطقي في حتت تانية
غير كده هي روايه رائعة الى حد ما
روايه معبره عن شقى المصريين جوه و بره و طول العمر
هي مش حلوة مقارنه بـ عزازيل
كمان كنا في ندوة ليه وقال ان ليها اجزاء كمان ,, والجززء الجاي اسمه نورا
كان قال هي ثلاثيه , بس ده سر :D
اوحش احساس انها خلصت وأنا بقرأها وأنا حاسس انها لسه مخلصتش بس تركه للعنوان بدون تشكيل مما ادى لاحتمال ثلاث معاني ..ميعملهاش الا يوسف زيدان االرواية كانت ماشية حلو الاول بس طارت في الاخر كنت منتظر تفاصيل أكتر خاصة في افغانستان ....
عزة wrote: "عجبت لهذا الشخص التقى الورع اللى عمل كل حاجة مع نورا من غير لحظة تأنيب ضمير واحدة..."
بالظبط الحكايه دي لفتت نظري جدا وخصوصا بعد كلامه عن تدينه في اول الروايه
في المجمل الروايه عجبتني بس اتضايقت من تسارع الاحداث في الاخر والنهايه الصادمه
el 7ekayat metntwara wel event eli yo3tabar "el qessa" beta3et samy el hag eli hwa 23ad fe Guantanamo we rabteen 3eno kam sana it was handled poorly and somehow el 7ekayat el metntwra d matgama3etsh fe 7ta , 7ab nora we ba3den sab nora,,we ba3den ,, eshta3'al m3a el qa3da we tle3 mesh 3aref(given en hwa masme3sh 3an bin laden ya3ne) sabhom we ra7 el gezeeera meskooh men 3'er sabab " da fe akher 6 safa7at!!" we 3azebooh shewaya we 3eref fel akher eno fe Guantanamo we shokran
دة غير الملل الملل فى كل حاجة والسرد المطول المبالغ فيه اللى ملهوش أى لزمة
واللغة المتكلفة فى البداية اللى بتتحول تبقى ركيكة بعد كدة
لدرجة إن فيه تعبيرات متخيلتش إنى ممكن ألاقيها فى رواية ليوسف زيدان
والاستسهال إنه جاب قصة جاهزة اصلا ومعملش فيها حاجة غير إنه طولها ومطها عشان تبقى مملة وسخيفة
وكمان حتى الآن معرفتش إيه الهدف أو الرسالة اللى عايز يوصلها