مقهي ريش discussion

264 views
مناقشات على المقهى > كتب تنبأت بالثورة

Comments Showing 1-32 of 32 (32 new)    post a comment »
dateDown arrow    newest »

message 1: by Roses (new)

Roses  (scentofrain) | 40 comments هل قرأتم كتبا كانت تتنبأ بالثورة ؟ و أعني بالثورة هي ثورة ٢٥ يناير بمصر طبعا.
طرأ على بالي هذا السؤال عندما قرأت و مررت بأكثر من كتاب يتنبأ بالثورة ، كما و أنني سمعت أغان تعبر عن ثورة ما ، و تعرفت على فرق موسيقية أو مغنيين أفراد و شعراء ، كلهم تجد في أعمالهم شجاعة على قول الحق و رفض الواقع و التنبؤ بثورة قادمة .
أذكر على سبيل المثال لا الحصر :
مقالات نبيل الفضل
أغاني الكنج محمد منير (اتمعشق فيكي) و اتكلمي


message 2: by AZ (new)

AZ ZA | 11 comments ما صادفتنيش يمكن

بس لدرجة ما ( لا أستطيع أن أفكر وأنا أرقص ) لاحسان عبد القدوس
كانت تمت للفكرة بصلة


message 3: by Niledaughter (new)

Niledaughter ماقريتهاش بس سمعت انها تنبأت بالثورة
أجنحة الفراشة


message 4: by Roses (new)

Roses  (scentofrain) | 40 comments كتب علاء الأسواني :
لماذا لا يثور المصريون
مصر على دكة الاحتياطي
لماذا لا نستحق الديمقراطية


message 5: by Nauroz (new)

Nauroz Saad (goodreadscompriincessrose) | 3 comments انا برضو بقول كتب علاء الاسوانى


message 6: by Ingy (new)

Ingy (ngnoah) كتب كتير تنبأت بثورة، بس مش على سبيل التنبؤ فعلا قد ما هي على سبيل إعطاء امل في الخروج من الوضع المتدني اللي احنا فيه.. هي القاعدة العامة ان الضغط يولد الانفجار، فكانت الثورة حتمية طالما مافيش محاولات تحسين جادة.
مافيش في بالي كتب معينة دلوقتي، لكن ابص شوية في مكتبتي وارجع لكم.


message 7: by Mohamed (new)

Mohamed Waleed | 1 comments يوتوبيا


Abdul-rahman Salem | 4 comments رواية "أجنحة الفراشة" لمحمد سلماوي.

(رواية ضعيفة وساذجة جدًا لا أًرشحها لأي بني آدم).

قرأت مقتطفات من "لماذا لايثور المصريون" لعلاء الأسواني

(مش محتاجة كلام).

وأقرأ الآن في (هل نستحق الديمقراطية) لنفس الكاتب، أكثر من رائع !

__

هناك رواية أيضًا تنبأت بثورة، ولكن ثورة مسلحة وغير سلمية (وقد كُتبت قبل الثورة ولكنها نزلت بعدها).. رواية "2025 النداء الأخير" لمصطفى الحسيني.

هذه بالنسبة للكتب التي قرأتها، هُناك رواية ثورة 2053 بجزيئها الأول والثاني، إلا أنني لم أشتريهما بعد :)


message 9: by رنا (new)

رنا (rana1) | 4 comments على ما اعتقد جملة " كتب تنبأت بالثورة" دى كليشيهات ، كلام بيتقال عن كتب عشان تتباع مش أكتر
مثلا اكتر رواية شايفاها اتكلمت عن ثورة ، كانت يوتوبيا لاحمد خالد توفيق
بس هو معملش زى ما بعض الكتب عملو ونزل الرواية تانى بعد الثورة تحت مسمى كتب تنبأت بالثورة
فعلا بتضايق من الشعارات دى بحسها مجرد كلمة تتقال عشان تشد الناس لرواية ملقتش سوق تتباع فيه وقتها !


message 10: by Roses (new)

Roses  (scentofrain) | 40 comments قد يستغل البعض الاحداث لترويج أعمالهم لكننا لا ننكر عبقرية الكثير من الكتاب والأدباء الذين يتمتعون بنظرة ثاقبة و عين تحلل الاحداث تحليلا دقيقا واعيا.
The cliché word is itself a cliché'


message 11: by Eslam (new)

Eslam Elsayed (eslamelsayed) | 4 comments كتب علاء الاسواني كانت تدعوا للثوره و لا تتنبأ بها
بالعكس كان فيها مسحه من فقدان الامل

اكتر رواية حسيت انها تنبأت فعلا بالثورةكانت
يوتوبيا-لأحمد خالد توفيق


message 12: by رنا (new)

رنا (rana1) | 4 comments اكيد انا مش بعمم الموضوع دا ، انا بتكلم ان الكتب الى نسخت الشعار دا هى فعلا روايات مكنش ليها سوق كويس
رواية " يوتوبيا " مثلا مخدتش الشعار دا ونزلت بيه بعد الثورةة


message 13: by Noha (new)

Noha Abu Eita (nohaAbuEita) | 9 comments Mod
للاسف انا مقرأتش كتب تنبأت بالثورة الا بعد ان قامت الثورة ,ولكن شعرت بالضغط والكبت النفسى من خلال موقع الفيس بوك ,خصوصا عند مقتل الشاب خالد سعيد فهنا كان بداية الانفجار الاصغر لدى الشباب


message 14: by Mahmoud (new)

Mahmoud Galal (MahmoudGalal) | 3 comments لم اتوقع ثورة وانما توقعت غضب وفوضى تسقط النظام الحاكم كله


message 15: by Eiman (new)

Eiman | 1 comments مقتل الرجل الكبير - بديتها و لم اكملها
بتتكلم عن فساد الحاكم و اغتياله فى قصره
وطبعا يوتيوبا اول ما خطر على بالى
الغريب انى قبل الثورات العربيه مباشره كنت اقرأ حفله التيس و تكونت عندى قناعه انو الثورة محتاجة قائد كجيفارا و غاندى او مجموعه زى الى فى حفله التيس وهى تحكى عن اغتيال دكتاتور الدومنيكان و لكن الثورات اتت دون قيادة و كانت اروع من خيال اى كاتب


message 16: by Mahmoud (new)

Mahmoud Galal (MahmoudGalal) | 3 comments ماحدث ليس ثورة وانما انتفاضه او حركة احتجاجية او انقلاب ... الثورة تبدأ دائما بداخل الافراد كنوع من التمرد على واقع مرفوض فكريا وثقافيا واجتماعيا قبل ان يكون اقتصاجيا او ماديا , الثورة تعني انقلاب كامل في المفاهيم والثقافات , لم يتغير شئ من 25 يناير حتى اليوم لان اركان الفساد واعمدته كما هي الدين الزائف , الجهل , العصبيات , التفكك , البديل الذي جهزه النظام البائد ليكون بديلا له هو الذي تقدم - كما هو مخطط له - واستلم الحكم , جماعات الاسلام السياسي التي تسببت في تطبيق قانون الطوارئ علينا واذلتنا به هي التي تحكم الآن


message 17: by fouly (new)

fouly (elf-ouly) و عشان كدة لسة فى جولة تانية من الثورة


message 18: by Esraa (new)

Esraa (esraafathy) | 3 comments مقتل الرجل الكبير ليس لها اى علاقه بالثوره لا من قريب ولا من بعيد .. ملهاش علاقه بالشعب اساسا .. هيا كانت كل الموضوع تنبأت بصعود طنطاوى لسدة الحكم مش جمال !!


message 19: by Hossam (last edited Jan 12, 2012 07:44AM) (new)

Hossam (hossamsadik) | 1 comments ديوان "قبل الطوفان الجاي" لسيد حجاب
قبل الطوفان الجاى

ثورة 2053 - البداية بجزئيها لمحمود عثمان
ثورة 2053 - البداية

الأيام الأخيرة - لعبد الحليم قنديل
الأيام الأخيرة


message 20: by Osama (new)

Osama (osamaabdo) | 1 comments روايه علاء الاسواني -- شيكاغو انا قرأتها وقت الثوره واستغربت جدا لانها كانت متنبئه بالثوره بشكل واضح وكمان على فساد امن الدوله ---- وكمان فيلم هى فوضي بتاع خالد يوسف انا شفته بعد الثوره المشهد الاخير بتاع هجوم الناس على الاقسام ده حصل فى الثوره دليل على الظلم والفساد للنظام البائد استغربت جدا لانى لو كنت شفته قبل الثوره كنت هضحك عليه واعتبره فيلم كوميدي --- فيه كمان اسامة انور عكاشه بعد الثوره لما بقيت اشوف مسلسلاته لاقيت ان الراجل ده ثورجي وكان بيبعت رسايل علشان الثوره تقوم من خلال اعماله الله يرحمه


message 21: by 3laa (new)

3laa Gaber (3laagaber) | 15 comments كتب علاء الاسوانى تتنبأ بانهيار الحلم وضياع الامل وليس الثوره على الاطلاق
الكتاب الوحيد الذى رأيته يتنبأ بالثوره فعلا
ويتكلم عنها كأنه يعيش جزء منها هو يوتوبيا للرائع والمبدع دكتور احمد خالد توفيق


message 22: by Sherif (new)

Sherif Hazem (sherifhazem) | 1 comments Inside Egypt: The Land of the Pharaohs Is on the Brink of A Revolution, John R. Bradley


فهذا الكتاب قد ذكر صراحة أن كل الأوضاع الإقتصادية والإجتماعية ستؤدي حتمًا إلى إندلاع ثورة،،

هناك كتب مصرية تنبأت بالثورة ولكن ليس بصورة مباشرة

فمثلًا، رواية مقتل الرجل الكبير لإبراهيم عيسى تنبأت بموجة حرق النفس كوسيلة للإحتجاج

وأيضًا هناك كتاب "مصر على كف عفريت" لجلال عامر

و "مصر ليست أمي دي مرات أبوي" لأسامة غريب

فكلها ذهبت إلى أن الأوضاع في مصر قد صارت لا تحتمل


message 23: by Omnia (new)

Omnia | 1 comments انا قرأت مقالات للمؤرخ د. رؤوف عباس حامد (رحمه الله) تنبأ فيها بالثورة قبل حدوثها بحوالي خمس سنوات و تحققت نبؤته بعد وفاته.


message 24: by Inas (new)

Inas | 1 comments يوتوبيا


message 25: by Mona (new)

Mona Hassan | 1 comments يوتوبيا لأحمد خالد توفيق


message 26: by Nada (new)

Nada (nadaalaa) | 1 comments اكتركتاب تنبا بالثورة و بما سيحدث بعدها هو الايام الاخيرة لعبدالحليم قنديل كتاب مالهوش مثيل بجد و كمان مكتوب قبل الثورة ب 3 سنين


message 27: by Ahmed (new)

Ahmed | 1 comments كتاب الجفر تنبأ بالثورة


message 29: by Ramah (new)

Ramah | 1 comments انا لا أحب ان اسميها تنبؤ بل اسميها كتب أعطت الحل و أرشدت القراء له.


message 30: by Mostafa ali (new)

Mostafa ali (mostafaali35) | 2 comments رنا wrote: "على ما اعتقد جملة " كتب تنبأت بالثورة" دى كليشيهات ، كلام بيتقال عن كتب عشان تتباع مش أكتر
مثلا اكتر رواية شايفاها اتكلمت عن ثورة ، كانت يوتوبيا لاحمد خالد توفيق
بس هو معملش زى ما بعض الكتب عملو ..."



والتاجر الرخيص جدا في النقطه دي " دار الشروق " عندك مثلا كتاب زي " " ماذا حدث للثورة المصرية " ل جلال امين ,مجرد مقالات قديمه مكرره ومنظر براق من الخارج يعتقد منه الشخص ان الاجابه حتما بالداخل .


message 31: by Mostafa ali (new)

Mostafa ali (mostafaali35) | 2 comments يوتوبيا ل احمد خالد توفيق , مقتل الرجل الكبير ل ابراهيم عيسي كروايات , اما عن الكتب في شكل الدراسات عن الاوضاع ف كتير جدا .


message 32: by Ahmed (new)

Ahmed habib (ahmedhabib) | 3 comments ياااااة الكتب التى تنبات بثورة 25 يناير كتير جدا
اولا: علاء الاسوانى فى شيكاغو اثناء الحوار بين البطل و طبيب بالولايات المتحدة قال ان الشعب هينزل عشان ياخد حقة من السلطة الحاكمة و ان الناس هتتجمع فى المناطق الشعبية و يتحركوا منها على ميدان التحرير و قال تفاصيل كثيرة جدا عن الثورة قبل الثورة باربع سنين لدرجة انى قرات القصة مرة تانية قريب فذهلت من التوقع السليم, فعلا مكانش ناقص غير انة يكتب ان الثورة هتحصل يوم 25 يناير 2011
ثانيا عز الدين شكرى فى ابوعمر المصرى اتكلم عن امن الدولة و مدى عقم اساليبهم و انهم بيعتمدوا على ان المعلومة تيجى من العيون و الاذان المنتشرة فى كل مكان فقط, و قال ان الاسلوب الفاشل دة مش هيحسوا بية غير لما الشعب يثور ضدهم و تنبا بالثورة اللى كانت بعدها بسنة
حتى رضوى عاشور فى فرج توقعت ان المصريين مش هيرضوا بالظلم و اوضحت الفرق بين الدكتاتور القمعى الصريح و القمع المتوارى خلف الستار زى ايام مبارك
كتاب كتير جدا توقعوا قيام الثورة لكن علاء الاسوانى كان ابرعهم, تقريبا بيشوف المستقبل


back to top