Isay Quotes

“Mesela Rençberi ’be Toxım u Hardi

Eke zaf dewa ra xêle mılet ke dormê dêde êno pêser, o cırê jü mesela qesê keno:

“Rocê mordemekê de rençber şono, toxım erzeno hêgaê xo.
Eke toxım erzeno, tenê pışkino raê ser, bınê lınga de pelexino, çuçıkanê asmêni rê beno qut.
Tenê toxımi ki çarçê hardê torjıni beno, firıg dano, hama hardê beji de vêşeno, maneno.

Tenê toxımo bini ki çarçê wertê teli u tuli beno, werte de hakasino, maneno.

Hama toxımo bin gıneno hardê rındi ro, beno khewe, jü ra sed dano.”

Nae ke vano, vengê xo keno berz, vano: “Kamo ke heşnaene rê goşê xo estê, wa goş do!”
Isa manê mesela rençberi ’be toxım u hardi keno araze
Şagırtê Isay cıra pers kenê: “Manê na mesela çıko?

” O cüab dano: “Heq sırê Hukumdarenia xo şımarê keno ayan ke şıma bızanê.
Ê binarê ki mesela de ano ra zon ke,
Horace
‘vinıtene de mevinê,
heşnaene de fam mekerê.’

Manê mesela ki nao: Toxım vatena Heqia.
Toxımo ke kewto rae ser, zê êwê ke vatene heşnenê, hama Şeytan ‘ke êno, qese zerrê dinara fino ro duri ke iman ro cı miyarê u ra mexelesiyê.

Toxımo ke gıneno hardê torjıni ki, zê êwê ke vatene heşnenê, şabiyene ra cênê ro xo ser, hama bêbıngewê, şopê pê inam benê, hona waxtê cerrebnaene de imanê xora kunê duri.

Toxımo ke gıneno ro wertê teli u tuli ki, zê êwê ke vatene heşnenê, hama rae ra derd u bela, kêf u eşqê dina u dewletenia dina de nêrewinê, nêresenê.

Hama toxımo ke gıneno hardê rındi ro, zê êwê ke zerrepakiye u raştiye ra vatena Heqi heşnenê, qori kenê, xode vındarnenê u ebe sebri rewnenê, resnenê.
İncila Lukaşi ra gore 8:4-15”
― laje HAQ