“–შეწყვიტე და გაფრთხილებ, რომ ეს საშიში შეუსაბამობაა. ჩვენ თავად ვუმზადებთ ერთმანეთს ბოროტებას და ღმერთი აქ არაფერ შუაშია, მან ყოველ ადამიანს თავისუფლება უბოძა. ხან გვიხარია და ხანაც ვიტანჯებით, მიუხედავად ჩვენი ღირსებებისა და ნაკლისა, მიუხედავად ჩვენი დადებითი თუ უარყოფითი თვისებებისა. რომელი საშინელი როლის მიკუთვნება გადაგიწყვეტია ღმერთისათვის? განა შეგიძლია ერთი წამითაც კი დაუშვა, რომ ის, ვინც ნაცისტებს გაექცა, ღმერთს უყვარს, ხოლო ის, ვინც მათ ბრჭყალებში მოექცა, სძულს? არა, ჩემო ჟოზეფ, ღმერთი არ ერევა ჩვენს საქმეებში.”