أحمد فؤاد نجم

“سلام يا أرضنا
يا غيطان الفلاحين
يا ورشة الصنايعى
يا بحور الصيادين
يا مدرسة يا جامعة
سلام والدنيا سامعة
يا دُشمه يا خنادق
يا مدفع يا بنادق
واقفين و العزم صادق
تردوا المعتدين
ع الحق والسلام
سلام سلام سلام

سلام بإيدين قوية
خشنين و عرقانين
يناموا المغربية
و يقوموا مبًدرين
يَخضروا الجناين
و يطًيروا الحمام
و يعمرًوا المداين
و يضيعوا فى الزحام
سلام يحمى الحياه و صناع الحياه
و يزيد الإنتباه
فى الناس الطيبين
للحق والسلام
سلام سلام سلام

سلام يا أرضنا
يا جنات الزتون
يا أغلى عندنا
من حبات العيون
سلام نحميه بروحنا
و نصونه فى القلوب
و نداوى بيه جروحنا
إحنا
و كل الشعوب
سلام يطرح أمانى
و يزوًق الأغانى
و يروًق الأنانى
و يسقى العطشانين
للعدل والسلام
سلام سلام سلام

معتقل القناطر/ 1970”


أحمد فؤاد نجم, أحمد فؤاد نجم - الأعمال الشعرية الكاملة
Read more quotes from أحمد فؤاد نجم


Share this quote:
Twitter icon

Friends Who Liked This Quote


To see what your friends thought of this quote, please sign up!


This Quote Is From


Browse By Tag