“لمّا السما تمَطّر

والدنيا تتعطّر

بروايح الجنة ♥

وتلاقى فجأة الأمل

بعد أما كان ماشى

حالف لَيستنّى

والحزن يتبَدّل

والدنيا تِتعَدّل

والضحكة على وشّك

مرسومة وكأنها

ألحان بتتغنّى

والأرض م الفرحة

رقصت كما عروسة

والمطرة جَت نَقَشِت

على رجلها الحِنّة

يبأى السما ساعتها

فاتحالك الأبواب

مِستنياك تجرى

تحت المطر وانت

فاتحلها دراعك

بتاخدها بالأحضان ♥

مستنياك علشان

تغسلَّك الأحزان

وترجّعَك تانى

أجمل ما كنت زمان

لما السما تمطّر

والدنيا تتعطّر

بروايح الجنة

ابأى افتكر دايما

تحلم وتتمنى ♥”