“ناس ترمى الحب للحمام

وناس تدبحه..

وناس تروح مع الأيام

ننساها وتنسانا..

وناس تكمل معانا..

زى النسيم..

يطبطب علينا.. فى عز ما احنا بنجرحه..

أنا ف قلبى شاعر

إن يوم سمعت منه كلام..

أرجوك

ماتطلبش منى أشرحه..

بييجى يقول الكلمتين ويروح لحاله

والشاعر

لا تاخد منه نصيحة

ولا تنصحه..

أنا رميت صندوق الحزن فى البحر البعيد

وافتكرت إنى بكده بقيت سعيد

رجعت لاقيته لسه ف مطرحه..

حدفته من فوق الجبل..

طلعلى تانى..

ولعت فيه.. بص لى وضحك

وقالّى..

قبل ما تبطلوا حزن..

اتعلموا إزاى تفرحوا..”