“முன்னோர்களையும் எறும்புகள் கடித்திருக்கும்தானே? அவர்கள் அதை எப்படிச் சமாளித்தார்கள்? உண்மையில் அவர்கள் எறும்புகளை ஒழிக்கவும் இல்லை, விரட்டவும் இல்லை. மாறாக, அவற்றை கொல்லையில் எறும்புப் புற்றுகள் இருக்குமிடம் தேடிச்சென்று, ஆதரித்தார்கள். வீட்டு வாசலில் அரிசிமாவால் கோலமிட்டார்கள். நொய்யரிசி இட்டார்கள். தங்களுக்குப் போதிய உணவு கிடைத்ததால் எறும்புகள் அனாவசியமாக வீட்டுக்குள் நுழையாமல் இருந்தன. மேலும், வீடானது சுத்தமாக இல்லையென்றால்தான் துப்புரவாளர்களான எறும்புகள் அங்கு நுழையும். அதற்கு இடம் கொடுக்காமல் இருந்தாலே போதும்.”