“எறும்புகளிலேயே நச்சுத்தன்மை உடையது இருவகை எறும்புகள்தாம். ஒன்று மத்திய மற்றும் லத்தீன் அமெரிக்காவில் காணப்படும் ‘புல்லட் எறும்புகள்.' மற்றொன்று, ஆஸ்திரேலியாவில் உள்ள 'ஜேக்ஜம்பர்' எனும் எறும்புகள். இதுதவிர, ஆப்பிரிக்காவில் உள்ள 'டிரைவர்' எறும்புகளும் எச்சரிக்கையாய் இருக்க வேண்டிய எறும்பினமே. ஆனால், இங்கு அத்தகைய ஆபத்தான எறும்புகள் ஏதுமில்லை. இங்குப் பொதுவாகக் காணப்படும் எறும்புகள் சிற்றெறும்பு, கட்டெறும்பு, பிள்ளையார் எறும்பு, முசுறு எனப்படும் முயிறு, கடுத்துவாய் ஆகியவை.

இவற்றில் பிள்ளையார் எறும்பு மட்டுமே கடிக்காத எறும்பு. அதனால்தான் அது சாமி எறும்பு போலும். ஆனாலும் எறும்புகளைத் தேடிக் கொல்லும் மக்கள்தாம் ‘எறும்பீஸ்வரர்' என்ற பெயரில் இறைவனையும் திருவெறும்பூரில் வழிபடுகின்றனர்.”