“மேலும், வெகுஜனம் என்பது அசோகரது மனதில் மிருக பலி கொடுக்கும் பழக்கத்தோடு தொடர்புடையதாகவும் இருக்கிறது. இது, அசோக தர்மத்தின் மையமான கோட்பாட்டுக்கு எதிரானதாகவும் இருக்கிறது: கொல்லாமை, அகிம்சை.

வெகுஜன மத வெளிப்பாடுகளை அசோகர் திருவிழாக்களோடும் மங்களச் சடங்குகளோடும் இணைத்துப் பார்க்கிறார் என்று முன்னரே பார்த்தோம். அவரது முதல் பிரதானக் கல்வெட்டான பாறை அரசாணை I-இலேயே திருவிழாக்கள் குறித்த கருத்தை அவர் பதிவுசெய்கிறார்.

'இங்கு, எந்த உயிரினங்களையும் கொல்லக் கூடாது; சடங்குகளில் பலிகொடுக்கக் கூடாது. திருவிழாக்கள் எதுவும் நடத்தப்படக் கூடாது. ஏனெனில், கடவுள்களின் அன்புக்குரியவன், அரசன் பியதஸி, திருவிழாக்களை அவ்வளவு பாவமாகக் கருதுகிறான். இருந்தாலும், கடவுள்களின் அன்புக்குரியவன், அரசன் பியதஸி, சில திருவிழாக்களை நல்லவையாகவும் கருதுகிறான்.”