“சிலுவை சந்தித்த அவன் வட்டாரத்து எஸ்.ஸி ஆட்கள் குறிப்பாக அதிக சம்பளம் வாங்கும் காலேஜ் ஆசிரியர்கள் ஏதோ ஒருவிதத்தில் தங்கள் சாதியை ஒழித்தோ, மறைத்தோ, பிராமணர் மாதிரி வேசம் போட்டோ, வேற உயர் சாதி, வேற இனம் சார்ந்த பெண்களைக் கலியாணம் செய்தோ தப்பிக்கப் பார்த்தார்கள். வேலை பார்க்கிற இடத்தில் அவர்களை இன்னார் என்று பிறர்க்கு நன்றாகத் தெரிந்தாலும் குடியிருக்கிற தெருவில் அந்தச் சாதி அடையாளம் வெளியே தெரிந்துவிடக்கூடாது என்பதில் விழிப்போடு இருப்பார்கள். இன்னசாதி என்பது அக்கம்பக்கம் தெரிந்துவிட்டால் அப்புறம் யாரும் பழக மாட்டாங்க. இந்தக் கவலை அவர்களைப் பெரும்பாடு படுத்தியது.”