“கடைசிச் சமயத்திலே அவன் கிட்ட இருப்பேங்கிற ஒரு சின்ன உபகாரம் கூடப் பகவான் செய்யல்லே. நாலு பக்கமும் இரும்புக் கதவு, பூட்டு. யுத்தத்தின் போது ரொம்ப இரும்பு தேவைப்படும்னு கேள்விப்பட்டிருக்கிறேன். பீலு ஒரு தடவை சொல்லியிருக்கான்; யுத்தத்துக்காக மாதாகோவில் மணியையெல்லாம் உருக்கிப் பீரங்கி பண்ணிடுவார்களென்று. அப்போ இந்த ஜெயிலில் குவிந்து கிடைக்கும் இரும்பெல்லாம் இவா கண்ணில் படவில்லையா? இங்கே இருக்கிறவா நெஞ்சிலேருந்து வர விம்மல்களினால் யமனின் சிம்மாசனத்தைக் கூடக் குலுக்கி ஆட்டலாமே!”